استفتاء شهر يناير 2010

انا اسفة يا جماعة مش هقدر اشارك ف الاستفتاء- معنديش استعداد اى حد يزعل منى- ومهما تقولو برضو هيبقى فيها احراج- اعذرونى وبعدين فى مشكلة تانية ان فى اكتر من عضو بيتنافس على لقب واحد - حلها ايه دى؟؟؟

العضو المميز " honeybee"

الموضوع المميز " 15 سؤال محرج " لاختنا جنة الخلد

وموضوع لمن تقول لخونا بسمات بس للاسف كان فى شهر 12


المشرف الميز" اختنا حواء " ومش عشان عدد المشرفين قليل لا انا شايف لو فى 15 مشرف وهى قامت بدورها بهذة الصورة تستحق عن جدارة

يااستاذه جنه اولا مافيش حد هيزعل لان احنا متحابين والله بجد ثانيا لازم يكون لكى دور فى اخذ القرار انتى مش عضو هامشى ولا صفر على الشمال انتى عضوه فى بيت المتحابين صوتك امانه لعلك تسالى عنه يوم القيامه وقد يكون هذا الاجراء الذى نفعله شهريا بدايه لموضوع ابعد فكيف لو بدأت الشورى على حاكم امتنا فهل ستتخفى ؟؟؟ثالثا ان كان كل الل قلت عليه لا يهمك ممكن حضرتك تبعتى لحواء على الخاص ترشيحك لكن لا لا لا تتغيبى ولو حضرتك تغيبتى تبقى دى اول بدايه ما يسمى بضياع صناع القرار انتظر الان ترشيحاتك

ياااااااااه للدرجة دى الموضوع مهم - خلاص اقنعتنى - بس يارب يا رب يا رب محدش يزعل

ايييييييييييييييييييه حيلكم حيلكم انتوا ماعملتوش انتخابات قبل كده ولا ايه؟

اقتباس :

انا اسفة يا جماعة مش هقدر اشارك ف الاستفتاء- معنديش استعداد اى حد يزعل منى

شكلك كده عايزة تختاري نفسك وخايفة الناس تزعل

بالنسبة للموضوعات انا رأيي ان كل واحد يرشح كام موضوع لانه مش معقولة انه ما عجبوش غير موضوع واحد ده غير ان اللي بيحصل في بعض المنتديات انه بيتم ترشيح اربع مواضيع والناس تختار ما بينهم
نبدأ ببسم الله الرحمن الرحيم

العضو المميز"جنة الخلد" وده طبعا علشان كانت اكتر المشاركين

الموضوع المميز
1-قطوف من مواقف مؤثرة
https://bolbol.ahlamontada.com/montada-f1/topic-t441.htm
2-سبحان الله مقلب القلوب كيف يشاء
https://bolbol.ahlamontada.com/montada-f1/topic-t425.htm
3-دراسة عن الدور المشبوه لقنوات الmbc
https://bolbol.ahlamontada.com/montada-f3/topic-t415.htm
4-هل تعرف ال Paradigm ..؟؟
https://bolbol.ahlamontada.com/montada-f9/topic-t458.htm
5-وطبعا ومؤخرا موضوع مبروك لمصر بالرغم من اني مش من هواة الكرة
https://bolbol.ahlamontada.com/montada-f19/topic-t467.htm
6-يجب ان تكون 500 دولار
https://bolbol.ahlamontada.com/montada-f9/topic-t479.htm#2167


اما المشرف المميز "حواء" نظرا لمجهوداتها في المنتدى من الناحية الفنية

العضو المميز " جنه الخلد "
المشرف المميز "حواء "
اما بصراحه الموضوع مش عارفه اختار ايه ولا ايه فساسكت عنه الا ان اصل لقرار

انا ترشيحى يا جماعة بعد اذنكم هستثنى منه حوا- ( لانها خارج المنافسة)
العضو المميز----- غاوى جنة والمهندس محمود
الموضوع المميز--------- المال مال الله فانفقوا 0 بس للاسف الموضوع متفعلش
المشرف المميز---------- بسمات دامعة

ايه يا جماعة 3 ايام مافيش غير 6 داخلين وكمان

الستة فيهم ناس مارشحتش موضوع و اللى مرشحش مشرف

وبعد كده ترجعو تقولو مافي ديمقراطية

واضح يا اختنا حواء ان الناس مش بتيجى غير بالديكتاتورية للاسف خدنا على كده

اتكلى على الله واختارى انت ياريس واحنا وراكى


شدو حيلكم شوية والحاضر يعلن الغايب

هل تعرف ال Paradigm الموضوع المميز

العضو المميز زرقاء اليمامه طبعا مش عايزه كلام بس ممكن كمان نقول جنه الخلد
المشرف المميز حواء

انا اسفه المشاركه جات متاخره بس حبيت اعرفكوا رايى000
العضو المميز ----> المهندس محمود ,غاوى جنه
الموضوع المميز -----> واين صاحبى حسن ,الباراديم,المال مال الله فانفقوا
المشرف المميز ---> حواء

ايه ده؟ النتيجة ظهرت!!!
مبروووووووووووووووووك
حواء-جنة الخلد-15 سؤال محرج

طبعا ده العادي بتاع حواء
اما بالنسبة لجنة الخلد :ما تتعوديش ع كده يعني عضو مميز وكمان موضوع مميز مرة واحدة وفي نفس الوقت.....انا سيبتهالك المرة دي بمزاجي واعملي حسابك انها اخر مرة

ومبرووووووووووووووووووووووووك مرة اخرى وفعلا الاختيار بأمانة في محله ....وعقبال بقية الاعضاء لخلق جو تنافسي شريف....ع فكرة اللي عايز يعرض صوته للبيع انا شاري وبأسعار مغرية وفي سرية تامة

الله يبارك فيك يا اخ محمود - دى اقل حاجة عندى - بس هقولك على حاجة بصراحة موضوع 15 سؤال محرج لما الموضوع سخن وكله بيرد انا قلت انا لازم اشوف مين اللى كتب الموضوع ده لانى بطبعتى عندى زهايمر فوجئت ان انا اللى حاطه الموضوع ده وقعدت اضحك- بس بصراحة مكنتش متوقعة ان حد هيختاره لانه من وجهة نظرى عمل مشاكل ونور الله كانت هتسيبنا - بس ربنا ستر - يالا شد حيلك وورينا مواضيعك

الف مبروك يا فندم بصراحة تميز واضح جدا الشهر ده

وخاصا الموضوع الجميل

انا لما بختار افضل موضوع دائما بحب المواضيع اللى من ابداع الشخص ( غير منقولة ) مع ان هناك اكيد فائة فى المنقول او قيمة المقصود منها ان تصل للاعضاء

وكمان النوعية دى من المواضيع بتعرف اعضاء المنتدى ببعض اكتر وكمان بتكون بمثابة خبرات منقولة يقدر اى حد يستفيد بيها

وشكرا لاختنا حواء على التميز الملحوظ فى المنتدى وعلى الاستفتاء الجميل

انا لما بختار افضل موضوع دائما بحب المواضيع اللى من ابداع الشخص ( غير منقولة ) مع ان هناك اكيد فائة فى المنقول او قيمة المقصود منها ان تصل للاعضاء ---- احم احم احب بس اقول لحضرتك على معلومة ممكن تغير استفتائك الموضوع ده ف الحقيقة بصراحة ف الواقع الموضوع ده منقووووووووووووووول- اهئ اهئ
---- وايه حكاية يا فندم وعقبال اولاد حضرتك -هتشلوووونى - انا كل الحكاية جوزونى بدرى

اقتباس :

وايه حكاية يا فندم وعقبال اولاد حضرتك -هتشلوووونى - انا كل الحكاية جوزونى بدرى

خلاص يا فندم مش هاقول لحضرتك يافندم تااانى خااالص

مادام الموضوع طلع انه جواز بدرى شوية


اي خدمة يا فندم

على فكرة بالنسبة للموضوع انا عارف ان الاسئلة منقولة بس النوع ده من المواضيع بيكون مكتوب بايدى الاعضاء

انا اقصد بالمنقول هو انه بينقل مقال للقراءة او اضافة معلومات او قيمة لكن موضوعك لابد ان يصنعه الاعضاء بالردود

يعنى كده حضرتك بريئة وتستحقى التكريم على الموضوع

يعنى كده حضرتك بريئة وتستحقى التكريم على الموضوع[quote]-----> متشكرين يا بيه ونردهالك ف المواضيع الجايا - الف شكر الف شكر

(العضو المميز=نور الله \والواد مالك ابنى)

( الموضوع المميز=كاذب من يقول --لاختنا جنه)

(المشرف المميز =اكيد برده اختنا حواء)

ما شاء الله على ذاكرتك يا ابا مالك - انت اللى بتفكرنا بالاستفتاء- هقلب ف المواضيع وارجع لكم- سلام مؤقت للواد مالك وربنا يعينه ويعينكم على الاسنان - عايزين المرة الجايا بعد ما سنانه تطلع تصوره وهو بياكل سندوتش لحمة راس

الله يسلمك ويحفظ لكى اولادك يارب (ساندوتش لحمه راااااااااس هههههههههههه) ده كده انتوا تكرهوا اوى ( ايه ده ياجماعه فى ايه ما حدش عايز يشارك ليه فى الاستفتاء هو ما كنش فيه مواضيع حلوه الشهر ده ولا ايه ولا اعضاء مميزين ولا ده كسل ولا نسيان فين النااااااااااااااااااااااس؟؟؟؟؟؟؟؟؟؟؟

فين الردود والاختيارات خساااااااره زعلان اوى

اييه يا جماعة مزعلين بسمات ليييه

ده انا كنت هاسبلكم رايي فى الاستفتاء قبل ما اغيب الفترة دى .


طب اقترح ان يكون فى موضوع جديد " استفتاء فبراير " وندخل كلنا وحتى لو اخرناشوية مافيش مشكلة

وانا هاكتب ترشيحاتى فى الموضوع اول ما بسمات او حواء يعملو الموضوع الجديد باذن الله

حمد لله ع السلامة يا اخ غاوى- بجد الواحد اطمن - بس معلش انا هاجل الاستفتاء الى ان تظهر حوا والواحد يطمن عليها

الف حمد لله علي سلامتك ابو سما واتم الله شفاءك امين