لنحي اليوم انكارا بالقلب عن الفلانتين داي

السلام عليكم ورحمة الله وبركاته

(الحب في قاموس أهل القرآن لا يضاهيه أي حب! إنه حب يتصل بالملكوت الأعلى: {فسوف يأتي الله بقوم يحبهم ويحبونه}(المائدة:54) وإمامهم فيه محمد صلى الله عليه وسلم: {إن كنتم تحبون الله فاتبعوني يحببكم الله}(آل عمران:31) فلا ينقضي عجبك حين يغفل بعض المسلمين عن هذا الحب -الذي لا ينقطع لحظة واحدة - وينشطون لحب يتذاكرونه مرة كل سنة! وإمامهم فيه قسيس نصراني يدعى (فلنتاين)! {أتستبدلون الذي هو أدنى بالذي هو خير}(البقرة:61)؟ [د.عمر المقبل]

(الإسلام لم يهذب الحب ويزكيه فحسب، بل جعله عبادة يتعبد بها المؤمن، ويستشعر لذتها، ويرجو بها رضوان ربه، فما أسوأ أن تزول هذه المعاني العظيمة، وتختزل هذه المحبة في وردة حمراء سرعان ما تذبل، ويختصر زمن التعبير عنها في يوم واحد! تأمل في خلود حب المتقين: {الأخلاء يومئذ بعضهم لبعض عدو إلا المتقين}(الزخرف:67). [أ.د.إبتسام الجابري]

(تأمل تلك المظاهر المترفة تعبيرا عما يسمى بـ(عيد الحب) وتذكر قوله سبحانه: {ومن الناس من يتخذ من دون الله أندادا يحبونهم كحب الله} فسترى أن حب بعضهم لذلك فاق مظهر حبه لله: {والذين آمنوا أشد حبا لله} فتفقد قلبك قبل أن {تبلى السرائر}. [أ.د.ناصر العمر]
منقول .. قصه عم فلانتينوا عارفينها صح
ياريت ياجماعه نحي الليل انكارا بالقلب عن هذا اليوم وايضا نحب ولكن حب اسلامنا العظيم وحب الذي علمناه حبيب المحبين محمد صلي الله عليه وسلم
ولاتنسونا من صالح دعائكم

لي سؤال بقي شاغل بالي ياتري لو واحد طول السنه بيعامل زوجته كويس وبقول زوجته بس جيه اليوم ده يعني قال من باب الرومانسيه يعني وجابلها هديه او يعني عمل حاجه حلوه ليها يبقي كده مؤمن بالفلانين ولا ايه؟
طيب ده لو واحد وزوجته
طيب لو خطيبته ؟
ياتري ياجماعه اول مانلاقي حاجه بتحصل نقول عيب وحرام وخلاص ولا من حقنانفكر فيها
يعني هل حرمانيه اليوم بالمعاصي اللي بتحصل فيه ولا بالايمان بانه يوم من ايام الحب اللي بيحتفلوا بيه ولا ايه بالظبط ؟
احب اسمع مشاركاتكم وارائكم في عم الفلانين وياريت يبقي بفتاوي موثقه لكلامنا
وسلام الله ورحمته عليكم

اقتباس :

لو واحد طول السنه بيعامل زوجته كويس وبقول زوجته بس جيه اليوم ده يعني قال من باب الرومانسيه يعني وجابلها هديه او يعني عمل حاجه حلوه ليها يبقي كده مؤمن بالفلانين ولا ايه؟

بعد السلام

شوفى يافندم بالنسبة لموضوع الفلانتيم بين الزوجين

خلينا نتفق الاول على حقيقة مهما كان فى حب بين الزوجين ومشاعر ومهما كان الواحد رمانسى عمر ابدا ما هتكون علاقته بزوجته دائما كلام معسول وتنهيدات والكلام اللى لا وجود له الا فى المسلسلات التركى او رويات للمراهقين او افلام السيما .

الحب عند الرجال بالاخص له وسائل تعبير عدة

* فارجل حينما يكد ويتعب فى العمل يعتبر ان هذا نوع من الحب والوفاء لزوجته واسرته .

* الرجل بمساعدته لزوجته فى بعض المهام يعتبر هذا من وسائل التعبير عن حبه

* حينما يشترى لها هديه او شىء تحبه هى وسئله ايضا

* ويعتبر من ضمن الوسائل التعبير عن المشاعر بالكلمات ايضا ولكنها ليست طوال الوقت كما يريد او يحب اغلب النساء ( فهى الوسيلة المفضله لدى كثير من النساء للاعبير عن المشاعر )

نرجع لموضوع الفلانتيم بقا

الاصل ان يكون الزوج معبرا لزوجته عن مشاعره تجاهها

فى كل وقت واى وقت لا فى وقت محدد .

فجميل ان يكون هناك حدث يذكر الزوج بالتعبير عن مشاعرة تجاه زوجته بالطريقة المفضله لديها مثل ذكرى يوم الزواج ، الخطوبة ، يوم ميلاد

وانا رايى بالنسبة ليوم فلانتيم انه من كثرة الحديث عنه فى كل مكان اعتبره حدث يذكرنى بانى لم اقدم لزوجتى هدية منذ مدة او شىء من قبيل فيكون لى بمثابة منبة لكن لا اشترى او اقدم هدية او تعبيرا فى هذا اليوم ولكن بعدها بيومين او قبلها مثلا بكده يبقا انا استفدت من القيمة الجميلة اللى بيكلم عنها اليوم ده وفى نفس الوقت لا احييه ولا امجدة واحتفل به .


اما بالنسبة للمخطوبين فكنت بهزر مع خطيبتى فى شهر 11 اللى اثناء الخطوبة وفى برضه باين عيد حب فى شهر 11 وبقولها هاجبلك هدية بالمناسبة دى ( زعلت وقلتى اياك وهازعل بجد لو ده حصل ) وعندها حق طبعا بس المرة اللى بعدها جبتلها هدية بس مش عشان اليوم ده عشان القيمة اللى بيكلم عنها .

معتقدش يا جماعة ان فى حد بيحتفل ف المحافظة الغلبانة دى بالفلانتين واعتقد ان الامور دى موجودة ف محافظات زى القاهرة والاسكندرية-

طيب ده لو واحد وزوجته
طيب لو خطيبته ؟--------------------> ما هى يا ريت يا نور بترسى على كده المواضيع بتتفهم غلط خالص

خلينا نتفق الاول على حقيقة مهما كان فى حب بين الزوجين ومشاعر ومهما كان الواحد رمانسى عمر ابدا ما هتكون علاقته بزوجته دائما كلام معسول وتنهيدات والكلام اللى لا وجود له الا فى المسلسلات التركى او رويات للمراهقين او افلام السيما ---------> طب ليه يا غاوى؟ انا بجد بسال ليه؟ ليه متكونش العلاقة كلام معسول مين اللى قال ان الست بتفرح بالراجل اللى بيساعدها ومش بيقول لها كلام حلو- انا عايزة اقولك على حاجة بما انى اقدم منك ف الزواج - الست لما الراجل بيقولها ( تسلم ايديكى- انت النهاردة مختلفة- اكلك جميل - ) طب والله لو بص لها من غير كلام خالص بس باهتمام وابتسامة بتبقى الست عندها استعداد تشيل الدنيا كلها من غير تعب- المشكلة ان الراجل المصرى مع التقادم ف الزواج بيعتبر خلاص انه امتلك الزوجة وان الكلام مش بيفرق معاها - يلا طولت عليكم - - اقوم اشوف شغل البيت لحسن ميبقاش فلانتين يبقى ظلانتين

هههههههههههههه

اقتباس :

طب ليه يا غاوى؟ انا بجد بسال ليه؟ ليه متكونش العلاقة كلام معسول مين اللى قال ان الست بتفرح بالراجل اللى بيساعدها

لا لا مش قصدى

انا قصدى ان الموضوع ده مش عالطووول مش كل وقت

اصل فى ناس بيكون عندها تصور عن موضوع الزواج وعلاقة الزوج بزجته انها دائمة يجب ان تكون حاله غير عادية من الرمانسية والتعبير عن المشاعر ولما بيصدمو بالواقع اللى هى الحياة المعتادة
فبتحصل عندهم نوع من الصدمة

حضرتك عندك حق طبعا والكلام اللى بتقوليه ده طبعا ده لابد منه دائما واللى يفهم كويس شخصية المراة يعرف ان الكلام ده بياثر بالايجاب جدااا عليها وعلى البيت كله

بس انا اقصد شىء تانى بالرمانسية والتعبير عن المشاعر

والله الموضوع بتاعك فكرنى بواحدة صاحبتى زوجها ما بيبطلش كلام معسول - المهم الموضوع ده كان ف الخطوبة - وبصراحة كان زايد عن الحد كان فعلا مسلسل تركى- بس كنت بصبرها وقول لها بعد الجواز كل ده هينتهى- الغريب انهم بقالهم 8 سنين وهو زى ما هو - اما هى خلاص هتموت- - محدش عاجبه حاله سبحان الله

اقتباس :

الغريب انهم بقالهم 8 سنين وهو زى ما هو

ممممممممممم


طب مافكرش يعرض نفسه على دكتور ؟؟!!

حاجه كده سريعة بخصوص الفلانتيم وازمة الانابيب

جزاكم الله خيرا جنه الخلد واخونا غاوي علي المتابعه والمشاركه
وكلام مظبوط من الناحيتين
الواقع فعلا بيبقي مختلف بس ماتخافوش احنا الحمد الله عايشين الواقع بعنينا ومش متخيلين الدنيا جنه بس الاهم من ده كل انه يبقي فيه موده ورحمه فعلا الموضوع ساعتها هيفرق كتير
دمتم بخير وبود ورحمه وحب من الله عز وجل

المشكله هنا مش فى تحديد يوم او عدم تحديد يوم المشكله اننا بننساق وراء اى فكر جديد دون الرجوع الى اصله هل له اصل فى ديننا ؟ انا ارى ان ديننا هو اصل الحب وهو المنهل الوافر لحياه كريمه وان نبى الله محمد الامى صلى الله عليه وسلم هو المعلم الاول للحب انظر الى حبه الى ازواجه (فعن عمرو بن العاص أنه سأل النبي (صلى الله عليه و سلم ) :
"أي الناس أحب إليك . قال: عائشة ، فقلت من الرجال ؟ قال: أبوها". (رواه البخاري).(
"خيركم .. خيركم لأهله ، وأنا خيركم لأهلي". (رواه الترمذي وابن ماجة)
وهناك حبه لاابناءه وكلنا نعلم قولته الشهيره عندما مات ابنه ابراهيم وسره الذى افضى به الى ابنته فاطمه عند وفاته
وهذا هو حبه لصحابته (
في بيعة العقبة الثانية لما النبي بايع الناس على نصرة الإسلام قال له أحد من بايعوه: إن بيننا وبين الرجال حبالا وإنا قاطعوها وهي العهود فهل عسيت إن نحن فعلنا ذلك وأظهرك الله عز وجل أن ترجع وتدعنا قال فتبسم رسول الله صلى الله عليه وسلم فقال بل الدم الدم والهدم الهدم أنتم مني و أنا منكم أحارب من حاربتم وأسالم من سالمتم
(سيدنا عياش ابن أبي ربيعة، أخذه قومه وفتنوه عن دينه، فلم ينساه النبي في دعاءه، وكان صلى الله عليه وسلم كان إذا قال: (سمع الله لمن حمده ) في الركعة الآخرة من صلاة العشاء قنت: اللهم أنج عياش بن أبي ربيعة... اللهم أنج المستضعفين من المؤمنين،،، كان النبي صلى الله عليه وسلم الصاحب المحب الذي لا ينسى أصحابه عليه أفضل والسلام
بل واحب احفاده الصغار وابناء المسلمين كافه
وهل هناك اكثر من انه احب الانفس التى كفرت بالله فهل ترى لوقفته عند مرور احد الجنائز لنفسا مشركه وقولته عنها ( نفسا تفلتت منى الى النار) اليس هذا بحبا للخير اليس هذا بشفقه عليه
اذا لننظر الى حياته سنرى ان الحب فى الاسلام موجود وبين وواضح لكن انفسنا نحن وقلوبنا نحن هى التى ضاقت عليه تركنا الطيب وسرنا وراء الخبيث اللهم اجمع علينا حبك وحب نيك اللهم احفظ لى زوجتى واجعلها لى قرت عينى واجعلنا للمتقين اماما اللهم اصلح بيوت المسلمين واجعلها منابر من نور فى كل وقتا وحين اللهم جمل الدنيا بحبك وحب نيك فى قلوبنا اللهم امين ( احبتى احبوا واطلقوا مشاعركم تنطق بها السنتكم وليس عيبا ولا حراما ان نحب وننطق بما نحن ولمن نحب )

( احبتى احبوا واطلقوا مشاعركم تنطق بها السنتكم وليس عيبا ولا حراما ان نحب وننطق بما نحن ولمن نحب )

كلام جميل وبصراحة انا بقلق من الكلام الجميل زى ما قلتو هى نظرة او موقف جميل بيفى بالغرض اتعلموها بقى

الله الله على بسمات الرومانسى

اقتباس :

احبتى احبوا واطلقوا مشاعركم تنطق بها السنتكم وليس عيبا ولا حراما ان نحب وننطق بما نحن ولمن نحب )

سلمت يداك اخي كلمات ماشاء الله جميله

اقتباس :

كلام جميل وبصراحة انا بقلق من الكلام الجميل زى ما قلتو هى نظرة او موقف جميل بيفى بالغرض اتعلموها بقى

ماتقلقيش ياحواء كله حلو وكله ليه وقته ولزومه فالكلام بيبقي مناسب في مواقف وايضا النظرات في مواقف اخري وايضا المواقف في مواقف اخري وهكذا لكل له حاجته ولزومه

لا يااستاذه حواء ما تقلقيش لنا الظاهر والله اعلم بالسرائر وهى برده شخصيات بتختلف من فرد للتانى يعنى فى ناس بتحب الكلام وبياثر فيها اوووى وفى ناسى بتحب الفعل دون الكلام وناس بتحب الاتنين مع بعض وهكذا لكن فى النهايه الناتج ايه هناك حب يج ان يعبر عنه لانه سر الوجود
الله الله على بسمات الرومانسى والله يااستاذه جنه دى مش رومانسيه دى طبيعه وكل اللى قريبين منى يعرفونى كويس ويعرفوا شخصيتى كويس نعم انا سريع الغضب لكنى اسرع فى الصفاء ولا يسكن قلبى غضب او زعل لااحد ابدا لفتره قصيره فكيف بأخوتى؟ والحكايه بسيطه اووووى مش رومانسيه ولا شى هى حب وعطاء وامل وفى الاخر جنه بأذن الله فبفضل الله انا عندى حياتى فى البيت كلها كده بفضل الله
سلمت يداك اخي كلمات ماشاء الله جميله سلمتى اختنا وتربت يمينك ورزقتى الخير على كل قول افضتى به علينا وعلى كل تصحيح لوجهات النظر جزيتم خيرا اشهد الله انى احبكم فيه

اقتباس :

سلمت يداك اخي كلمات ماشاء الله جميله سلمتى اختنا وتربت يمينك ورزقتى الخير على كل قول افضتى به علينا وعلى كل تصحيح لوجهات النظر جزيتم خيرا اشهد الله انى احبكم فيه

وسلمت اخي من كل شر وسوء حفظك الله ورجعك الينا بكل خير ونعمه من الله وماتنساش اخواتك في الدعاء

اقتباس :

نعم انا سريع الغضب لكنى اسرع فى الصفاء ولا يسكن قلبى غضب او زعل لااحد ابدا لفتره قصيره فكيف بأخوتى؟

يارب يكرمك اخي ويحفظك واحنا مش عايزنك تغضب مننا ابدا ده انت اخونا اللي يملأ منتدانا بالخير يارب يباركلك يارب سلملي بقي علي العريس