ايه رايكم نكمل الدردشة ؟؟؟؟

السلام عليكم ورحمه الله وبركاته
اسئله ظريفه
حببيت اقولهالكم وم الاخر انا بقالى كتير ما نزلتش موضوعات فمتكسفونيش وشاركونى
بس ياريت الي يجاوب يجاوب بصراحه وربنا يستر م الصراحه

يالا نبدا
1-ماهو الأسم الذي تحب ان تنادى به؟

2-ماهي اجمل مرحلة عمر مررت بها حتى الآن؟

3-ماهو الشئ الذي قمت بعمله وسعدت كثيرااا بإنجازه؟

4- ماهي اصعب لحظه مررت بها واحسست ان الدنيا اخذت منك شئ لا تستطيع ان تتصور افتقادك له؟

6-عندما قررت ان تسجل بمنتدى
هل سجلت لكي تتعرف على اصدقاء؟

اذا تعرفت فمن هم اصدقائك بالمنتدى ؟

وهل رحل احدا منهم عن المنتدى ؟

اذكر 4 على الاقل

المن تشكي همك؟

وهل استفدت عندما اسدت اليك النصائح؟

اهل تساعد من واقع بمشكله؟

هل قدرت فعلا على المساعدة فى حل المشكله؟

7- هل تشعر انك وحيد ولايوجد من يفهمك بالحياه؟

8- هل تمنيت بيوم من الايام ان تترك العيش على سطح الارض وان تعيش على كوكب آخر ؟

9-ما هي اجمل الاحجار الكريمه بنظرك؟

10-اذكر جمله تحب ان تهديها
ولمن تهديها؟

اتمنى اني لم اثقل عليكم بأسئلتي
وان تكون خفيفه على قلوبكم
وان تردوا عليها بكل صراحه

ماهو الأسم الذي تحب ان تنادى به؟
هقولكم بس ما تضحكوش (دندش) دى اسم الدلع بتاعى لما بسمعه من بابا وماما بفرح جدا وبرجع سنين كتير لورا

2-ماهي اجمل مرحلة عمر مررت بها حتى الآن؟
ثانوى واخر سنة ف الجامعه

3-ماهو الشئ الذي قمت بعمله وسعدت كثيرااا بإنجازه؟
مش عارفة
4- ماهي اصعب لحظه مررت بها واحسست ان الدنيا اخذت منك شئ لا تستطيع ان تتصور افتقادك له؟

حاجة كلكم عارفينها
بجد اصعب حاجة ف حياتى
6-عندما قررت ان تسجل بمنتدى
هل سجلت لكي تتعرف على اصدقاء؟
لا انا كده كده معظم عضوات المنتدى اصدقائى وبصراحه كنت قلقانه بس حوا حببتى اقنعتنى

اذا تعرفت فمن هم اصدقائك بالمنتدى ؟
انا مش بحب الاجابات الدبلوماسية بس بامانه كلهم اصدقائى ما عدا هنى بى
لانها اختى

وهل رحل احدا منهم عن المنتدى ؟
والله ما عارفة هو رحيل ولا اختفاء بس الناس بترجع تانى ولو على فترات متباعده

اذكر 4 على الاقل
هنى بى اختفت تماما
بسمات بيروح وييجى
غاوى بيروح وييجى
وحاليا نور مختفية

المن تشكي همك؟
بينى وبينكم انا فضحية الاول اقول يا بت متشكيش همك لحد وخليكى مع ربنا وفجاتن كل اللى يكلمنى اعيط واجعر ولا كانى كنت بقول حاجة

وهل استفدت عندما اسدت اليك النصائح؟

صراحه انا م النوع اللى كلمة تودينى وكلمة تجبنى يعنى لو حد قالى حاجةاو نصيحه وخاصة ف امور دينى ما بترددش خالص وبستفيد من نصايحه

اهل تساعد من واقع بمشكله؟

طبعا وممكن اورط نفسى عشانه
وده عيب فى شخصيتى واعترف

هل قدرت فعلا على المساعدة فى حل المشكله؟
يعنى كفاية انى بحاول
يعنى ف مرة ادخلت بين زوجين والحمد لله الامور مشيت تمام وده من حوالى 5 سنين لكن مش هنكر انى فشلت ف مشكلة تانية
7- هل تشعر انك وحيد ولايوجد من يفهمك بالحياه؟

لا طبعا انا بلاقى اللى يفهمونى بس مش الشخصيات اللى بتمنى يفهمونى

8- هل تمنيت بيوم من الايام ان تترك العيش على سطح الارض وان تعيش على كوكب آخر ؟

لالالا انا بحب جدا كوكب الارض لانى اتعودت على اشكال البشر
ومليش خلطة اوى بكوكب عطارد
9-ما هي اجمل الاحجار الكريمه بنظرك؟

نعمة الابناء

10-اذكر جمله تحب ان تهديها
ولمن تهديها؟
نفسى تكبرى دماغك عشان تعرفى تعيشى ونفسى تغمضى عنيكى عن اخطاء كتيرة شيفاها - بقولها لنفسى

اقتباس :

حببيت اقولهالكم وم الاخر انا بقالى كتير ما نزلتش موضوعات فمتكسفونيش وشاركونى
بس ياريت الي يجاوب يجاوب بصراحه وربنا يستر م الصراحه

ماشى مش هكسفك وربنا يستر

اقتباس :

ماهو الأسم الذي تحب ان تنادى به؟

حسب بالنسبة لبابا وماما بحب اسمع منهم اسم وزوجى اسم واصحابى اسم بس لو قلتهم هيتعرف اسمى هههههههههههههههه هقولهولك عالميل ان شاء الله يا دندش

-

اقتباس :

ماهي اجمل مرحلة عمر مررت بها حتى الآن؟

وانا فى بطن ماما

وممكن نقول اجزاء من مرحلة الجامعه

اقتباس :

ماهو الشئ الذي قمت بعمله وسعدت كثيرااا بإنجازه؟

كان فى حفلة بنات هنا فى الكويت وطلبوا منى شوية اعمال باور بوينت عجب البنات كتير الحمدلله

اقتباس :

ماهي اصعب لحظه مررت بها واحسست ان الدنيا اخذت منك شئ لا تستطيع ان تتصور افتقادك له؟

لما عملت عملية حمل خارج رحم والدكتورة دخلت قالت لى انتى مش هتقدرى تخلفى تانى
موقف ربنا ما يحطكوا فيه

اقتباس :

عندما قررت ان تسجل بمنتدى
هل سجلت لكي تتعرف على اصدقاء؟

عشان احس انى بين اصحابى

اقتباس :

اذا تعرفت فمن هم اصدقائك بالمنتدى ؟

اصدقائى من الجامعه هما ام مريم وبنت ابيها ومودة ونور الله
ومن الكويت هنا نور الجنة
ومن منتدى سويف زرقاء اليمامة وحواء
ومن المنتدى هنا دندش باقى الاسماء لما بدانا نتعرف بدوا ياخروا عن المنتدى

اقتباس :

المن تشكي همك؟

الى الله

باقى الاسئلة هكملهم يوم الثلاثاء عشان الراجل بتاع النت هييجى ياخدوا دلوقتى وهيجيبه يوم الثلاثاء ان شاء الله
استودعكم الله

اقتباس :

هقولهولك عالميل ان شاء الله يا دندش

يا لهوى ع الفضايح

اقتباس :

وانا فى بطن ماما

هههههههههههه طب يا ريت تحكى لنا ع التفاصيل

اقتباس :

لما عملت عملية حمل خارج رحم والدكتورة دخلت قالت لى انتى مش هتقدرى تخلفى تانى
موقف ربنا ما يحطكوا فيه

سبحان الله حاجة ولا فى الافلام فعلا كان الله ف عونك ع الموقف ده

اقتباس :

المنتدى هنا دندش باقى الاسماء لما بدانا نتعرف بدوا ياخروا عن المنتدى

يا لهوى تانى ع الفضايح

اقتباس :

ممكن نقول المحشى مثلا أصل ده من المستحيلات من سعت مشرفت الانسة مريم

هههههههه وحياتك انا مش بعمل المحشى الا ف الازمات الواحد بعد ما بيخلصه بيحس انه استطاع القضاء على خط بارليف هههههههه

اقتباس :

قعدتى مع أصحابى مش عارفة حاسة إنى هموت قبل منقعد سوا تانى

بعد الشر عليكى - والله يا ام مريم لو قعدتى تانى معاهم مش هتلاقى القاعده بنفس الطعم بتاع زمان ولا براءة زمان هتحسى ان جواكم حاجة اتغيرت

اقتباس :

أحسن يُحسَن إليك

)
ههههه ده رايى برضو وانا ف سنك بعد كده هيكون مبداك اتقى شر من احسنت اليه

لى سوال بسيط لجنه هو فييييييين السوال رقم خمسه

ماهو الأسم الذي تحب ان تنادى به؟
سيف الله
2-ماهي اجمل مرحلة عمر مررت بها حتى الآن؟
اخر سنه فى الجامعه

3-ماهو الشئ الذي قمت بعمله وسعدت كثيرااا بإنجازه؟
مش عارف
4- ماهي اصعب لحظه مررت بها واحسست ان الدنيا اخذت منك شئ لا تستطيع ان تتصور افتقادك له؟
فقدت شى غالى عليه اووى ما فيش حد يعرف قيمته ولا ماهيته غير الله
6-عندما قررت ان تسجل بمنتدى
هل سجلت لكي تتعرف على اصدقاء؟
لا للمشاركه والاستفاده
اذا تعرفت فمن هم اصدقائك بالمنتدى ؟
كلهم اخوتى

وهل رحل احدا منهم عن المنتدى ؟
معظمهم غائبون

اذكر 4 على الاقل
المن تشكي همك؟
انا بكتم فى نفسى كتير حتى يضيق صدرى بهمى فاشكو الى الله

وهل استفدت عندما اسدت اليك النصائح؟

خلونى مش ارد على ده

اهل تساعد من واقع بمشكله؟
نعم طبعا واكتشفت ان ده اللى بيتعبنى فيما بعد

هل قدرت فعلا على المساعدة فى حل المشكله؟
الحمد لله فى كتييييييييير
7- هل تشعر انك وحيد ولايوجد من يفهمك بالحياه؟
نو كمنت
بس بجد انا شخصيه مش سهل التعامل معها

8- هل تمنيت بيوم من الايام ان تترك العيش على سطح الارض وان تعيش على كوكب آخر ؟

لالا مش العيش على كوكب اخر انما ؟؟؟؟.......... مش العيش خالص
9-ما هي اجمل الاحجار الكريمه بنظرك؟
قلب شخص تعرفت عليه فى فترت الثانوى والجامعه

10-اذكر جمله تحب ان تهديها
ولمن تهديها؟
تزود واستعد
ا

اقتباس :

لى سوال بسيط لجنه هو فييييييين السوال رقم خمسه

يا سلام على قوة الملاحظه
ابدا والله كان سؤال عبيط ومفهمتهوش بصراحه مش فكراه خالص :

اقتباس :

نعم طبعا واكتشفت ان ده اللى بيتعبنى فيما بعد

كلام مظبوط جدا

اقتباس :

بس بجد انا شخصيه مش سهل التعامل معها

انا مصدقاك - هههههههههههههههههه هوانا انسى الطحن الاولانى
لالا

اقتباس :

مش العيش على كوكب اخر انما ؟؟؟؟.......... مش العيش خالص

ليه التشاؤم يا اخ بسمات
وبعدين هو فى حد مستعد اساسا ؟؟؟

اقتباس :

1-ماهو الأسم الذي تحب ان تنادى به؟

كتكوته

اقتباس :

2-ماهي اجمل مرحلة عمر مررت بها حتى الآن؟

الجامعه

اقتباس :

3-ماهو الشئ الذي قمت بعمله وسعدت كثيرااا بإنجازه؟

مش عارفه

4-

اقتباس :

ماهي اصعب لحظه مررت بها واحسست ان الدنيا اخذت منك شئ لا تستطيع ان تتصور افتقادك له؟

حاجات كتير اهمها انى كنت عايزة اكون دكتورة


6-

اقتباس :

عندما قررت ان تسجل بمنتدى
هل سجلت لكي تتعرف على اصدقاء؟

ام روان قالت لى ان المنتدى ده هتحسى فيه انك وسط عيلة

اقتباس :

اذا تعرفت فمن هم اصدقائك بالمنتدى ؟

انا لسه متعرفتش بحد على مستوى اقرب لان اصلا مش بعرف ادخل عالنت الا قليل اوى يوم فى الاسبوع مثلا

اقتباس :

المن تشكي همك؟

لامى

اقتباس :

وهل استفدت عندما اسدت اليك النصائح؟

طبعا

اقتباس :

اهل تساعد من واقع بمشكله؟

مش بعرف

اقتباس :

7- هل تشعر انك وحيد ولايوجد من يفهمك بالحياه؟

ساعات

اقتباس :

8- هل تمنيت بيوم من الايام ان تترك العيش على سطح الارض وان تعيش على كوكب آخر ؟

ساعات برضه

اقتباس :

9-ما هي اجمل الاحجار الكريمه بنظرك؟

بنتى

انا بحب الحاجات دى اوى

ايه ده يا كتكوتة
اجاباتك مختصرة اوى ودبلوماسية مش عارفة اعلق عليها
مينفعش كده انا عاوزة اعمل مشاكل

انا مصدقاك - هههههههههههههههههه هوانا انسى الطحن الاولانى
يااااااه يااستاذه جنه ده حضرتك لسه شايله منى بقى لحد دلوقت
ليه التشاؤم يا اخ بسمات = مش تشاؤم ياجنه وانما خوف ورجاء

اقتباس :

يااااااه يااستاذه جنه ده حضرتك لسه شايله منى بقى لحد دلوقت

اشيل من مين يا ابنى هرد عليك رد نور الله
( انت اخويا ومليون اخويا )

اقتباس :

هو مفيش أسئله تانى ولا إيه؟؟؟

طب يلا يامريومة اسالينا واحنا نجاوب

إذا اغضبك انسان ماذا تفعل .. هل تنفعل أم تتركه وتمضي في طريقك ؟

على حسب - يعنى لو حد قريب ليا ومهم بنفعل جدا لو حد معايا فى الشغل ومفيش علاقة قوية بسيبه ولا كانى فى حاجة

2-- ماهو رايك في كلمة ثقة ؟ ومين اللي يستحق الثقة في نظرك ؟

مفيش ثقة طبعا هومش تشاؤم بس دى حقيقة - محدش

3-- شخصيه اثرت فى حياتك ؟

وكيل مدرسة كان ف سن والدى وكنت انا ف اول تعيينى مش هقولكم الراجل ده كان له افضال ازاى ع الواحد - ربنا يبارك له ف زوجه واهله وصحته وماله - واذا كان توفى ربنا يرحمه رحمة واسعه ويجازيه خير عنى

4-- متى تشعر بالوحدة؟؟
لما بتعرض لمشكلة وملاقيش حل ليها
5- اذا اعطيتك هذه الأشياء لمن ستهديها ؟؟:


- سيارة

مش هكدب عليكم نفسى يكون عندى عربية مستقلة بتاعتى لوحدى وادوس اللى انا عوزاه براحتى

- باقة ورد لونه احمر

بصراحه وبدون مبالغة ف اتنين يستهلوها حوا وزرقاء اليمامة لانهم ساعدونى على دخول المنتدى وانا بصراحه كان اخرى احط فيشة الكمبيوتر


- دعوة للعشاء لعضوين

بصراحه انا فعلا نفسى اعمل الدعوة دى بس لاكتر من شخص - انا نفسى كل المتحابات يتجمعوا فى مكان واحد ونشوف بعض وجها لوجه لانى معرفش اعضاء كتير هنا ف الحقيقة

- لقب الصديق

كتيييييييييييييييييييييييير
- عطر


والدتى بتموووووووووووووت فى العطور

- ساعة

اختى هنى بى



6- ماذا تعني لك الدموع؟
راحه تامة



7- لمن تهدي هذه الكلمات ؟


** استمر في عطائك .....
حوا ثم حوا ثم حوا - الست دى عندها قدرة ع العطاء والتحمل والتسامح بشكل غريب والله يا جماعه الكلام ده مش كلام وخلاص انا عشرتى معاها اكد لى ده


** أشكرك جزيل الشكر .......
الله سبحانه وتعالى اللى لو فضلت اعد نعمه لا احصيها- وابتلاءاته ليا منتهى الكرم - الحمد لله كما ينبغى لجلال وجهك وعظيم سلطانك


( اسئلة جميلة يا ام مريم يلا كمان وكمان )

اشيل من مين يا ابنى

جميله اوووى ياابنى دى
والله بتحسسينى انى تلميذ عند حضرتك فى الفصل يااستاذه جنه


( انت اخويا ومليون اخويا )
ربنا يبارك فى حضرتك انا كنت بهرج والله
وعارف ان فى ناس فى المنتدى منزلتهم منزلة الاخوه بحق
ده ان لم يكن المنتدى كله
وهردد كلمة زرقاء المختفيه عنا
رب اخ لك لم تلده امك
وعلى فكره بقى ياجنه نور قالت انت اخى وستين اخى
وحضرتك زدتى بمليون
ربنا يبارك فى اهل المنتدى كلهم اجمعين ويجمعنا على الصراط المستقيم بصحبة سيد ولد ادم وخاتم المرسلين النبى الامى الامين ومع صحبه الكرام والتابعين اللهم امين امين امين

إذا اغضبك انسان ماذا تفعل .. هل تنفعل أم تتركه وتمضي في طريقك ؟

انفعل وببقى شخصيه تانى خالص ما اعرفهاش وبتمنى اخرجها منى
2-- ماهو رايك في كلمة ثقة ؟ ومين اللي يستحق الثقة في نظرك ؟

مفيش ثقة ( لا تثق فى اى احد)

3-- شخصيه اثرت فى حياتك ؟

ابى وكمان اثر فيه وفاء جنه لااستاذ سيف وكيل المدرسه كلامها عنه ينم عن انه رجل وليس ذكر وقلما ما تجد من يفعل ما يفعل لوجه الله

4-- متى تشعر بالوحدة؟؟
لما بكون وسط افراد غرباء عن تفكيرى هم فى وادى وانا فى وادى اخر
5- اذا اعطيتك هذه الأشياء لمن ستهديها ؟؟:

- سيارة

لأبى نفسى اريح الراجل ده شويه لانه تعب كتير
- باقة ورد لونه احمر
لشخص مش قادر اكرهه ولا انساه

- دعوة للعشاء لعضوين

زوجتى وطبعا الاستاذ المبجل المحترم حامى حمى الديار الجزيريه مالك ولد محمد

- لقب الصديق

مصحفى
- عطر

امى حبيبتى


- ساعة

لنفسى (علشان احسب كم متبقى من زمن الرحيل)


6- ماذا تعني لك الدموع؟
راحه تامة ( زى جنه بالظبط)
واوقات ضعف
واوقات حنين واشتياق
واوقات الم
واوقات يأس
واوقات فراق
واوقات نفاق
واوقات اعتذار



7- لمن تهدي هذه الكلمات ؟


** استمر في عطائك ..... لاااستاذه حواء

** أشكرك جزيل الشكر ....... لكل شخص يحبنى فى الله

اقتباس :

اشيل من مين يا ابنى

جميله اوووى ياابنى دى
والله بتحسسينى انى تلميذ عند حضرتك فى الفصل يااستاذه جنه

انا اساسا حاسة ان المنتدى ده ضدى - بلاقى الناس اعمارها زى ما هى وانا كل شوية سنى بيزيد - لالالالا اكيد انتم مظبطين الكمبيوتر ده على حاجة انا مش عرفاها - وعموما انا شيلت سنى خالص وهسيبكم انت تزيدوا وتقولو لى يا بنتى

اقتباس :

وعلى فكره بقى ياجنه نور قالت انت اخى وستين اخى
وحضرتك زدتى بمليون

معلش يا بنى حكم السن

اقتباس :

انفعل وببقى شخصيه تانى خالص

كلام مظبوط وعليه شهود كمان

اقتباس :

وكمان اثر فيه وفاء جنه

والله العظيم والله العظيم انا فكرت انى انزل موضوع كامل عنه بس قلت لنفسى والناس ايه ذنبها تقرا حاجة عن حد ما تعرفهوش ولا يخصهم - بجد هوحاجة نادرة اوى اوى كفايه انى كل ما كنت اتعب واتخنق ااقول لو الشيخ سيف موجود مكنش حصلى كده ابدا

[quote]وطبعا الاستاذ المبجل المحترم حامى حمى الديار الجزيريه مالك ولد محمد[/
quote]

طب ده والنبى هتعزموا على عشا ايه طبق سيريلاك مثلا


( شكرا يا ام مريم ع الجزء التانى للدردشة )*بجد جميل يلا كمان

لا معطلكوش عندى لفف عايزه غسي وغيار وعندى واء فى العضل اه بقوا تسعه يا ناس حد يتبنانى بقه

جالنا ابن اخت جديد (بلال)

قدرها يا ام مريم هيا اخر واحدة وكل التولد تيجى عند ماما

يا عينى يا زرقاء صعبانه عليا
يا بنتى الحل الوحيد انك تتجوزى
يا اعملى اعلان اريد زوجا ينتشلنى من الحضانه
ههههههههههههههههههه
مبرووووووك بلال وعقبال اللى جاى