دع الايام تفعل ماتشاء

دَعِ الأَيَّامَ تَفْعَل مَا تَشَاءُ ××× وَطِبْ نَفساً إذَا حَكَمَ الْقَضاءُ

وَلا تَجْزَعْ لِحَادِثة الليالي ××× فَمَا لِحَوَادِثِ الدُّنْيَا بَقَاءُ

وَكُنْ رَجلاً عَلَى الأَهْوَالِ جَلْداً ××× وَشِيْمَتُكَ السَّمَاحَةُ وَالْوَفَاءُ
اقرى يازرقاء الكلام ده انتى اللى كتبتيهولنا فى المنتدى وطبقيه على قضاء الله فيكى فى امرك الحالى وننتظر عودتك(
وَرِزْقُكَ لَيْسَ يُنْقِصُهُ التَأَنِّي ××× وَلَيْسَ يَزِيدُ في الرِّزْقِ الْعَنَاءُ

وَلا حُزْنٌ يَدُومُ وَلا سُرورٌ ××× وَلا بُؤْسٌ عَلَيْكَ وَلا رَخَاءُ

معرفتى بزرقاء انها لا تستسلم امراة المستحيل

ايه يا بنتى انتى فين مختفيه هو النت عملها معاك تانى 000

على فكرة يا جماعة اليمامة بتاعتنا شكلها مكتئبة عايزين ندعى لها كلنا ربنا يفك كربها وبعدين مش عايزين ندى الست(الدكتورة) دى اكبر من حجمها وندعى لها بالهداية

ربنا يرجعك بالسلامة يا أخت زرقاء....واللي عايز اقولهولك انك ما تستسلميش من اول محطة....هو حضرتك لسه عملتي حاجة؟؟؟انتي لسه في اول محطة....موضوع رسالة واترفض....يبقى احاول ادور ع النقائص واكملها علشان الدكتورة دي ما تلاقيش حجة للرفض
احنا ياما اتعمل فينا كده....يعني انا مرة كنت عامل تقرير عن تدريب ميداني كنت اتدربته في مصنع....وما اقولكيش انا تعبت ازاي في التقرير ده ...تعب فظيع ....وكانت امكانياتي في هذا الوقت لاتكتفي لكتابة التقرير وطبعاته لانه كان كبير ومكلف....وفي الاخر رماه في وشي وما رضيش حتى يبص ع محتواه...وكانت مادة سقوط ونجاح
المهم عالجت الامور طبعا بحنكتي وذكائي الذي لا حدود له....ومن غير ما اتعب حتى.....وتقريري لسه عندي الناس اللي بتيجي تتعين عندنا أو تتدرب بياخدوه ويذاكروا منه....يعني انا اللي كسبان بدل ما كان الراجل هياخده ويرميه اهو معايا وفي الاخر ضحكت عليه....لو انتي مكاني وهتسقطي كان هيبقى شعورك ايه؟
اللي عايز اقوله بصي للي جاي وماتفكريش في الماضي الا لو كنت عايزة تتعلمي من اخطائك....فميش حاجة في الكون تستحق الا رضا الله عز وجل

انا موجوده بينكم ودايما معاكم بس سبب اختفائى شويه. نصه حاله زهد والنص التانى حاله بحث عن بديل لحلم عيشته وضاع منىبس انا مش بياس وموقف الدكتوره مهزش فيا شعره علمنى درس من دروس الحياه كل الى عايزه اقوله ان ده اجابه لموضوع هنى بى اللى كانت بتسال فيه عن اهميه المنتديات والمشاركه فيها اكيد مش هتلاقى دعم معنوى ونفسى من نا س متعرفيهاش ومفيش بينكم اى مصلحه شخصيه غير فى منتدى زى المتحابون فى الله انا بحس ان المنتدى بيعمل اتصال بين ناس ميعرفوش بعض وبيربطهم رابطه مختلفه ده لو فعلا بيتكلموا بما يرضى ىالله من غير نفاق ولا تمثيل وده كله فى منتدانا المتحابون احبكم فى وربنا يجمعنا فى الدنيا فى فرحى طبعا وكمان فى الجنه ان شاء الله

مش ممكن مين اختنا زرقاء هنا يامرحبا يامرحبا المنتدى كان ناقصه الشغب بتاع حضرتك يازرقاء الاحلام لا تضيع واجمل كلام قلتيه ان الموضوع لم يؤثر فيكى بالسلب جمع الله عليكى امرك وياابله زرقاء رب اخوه لكى انتى ما تعرفيهمش خاااااااااااالص

يا مراحب باختنا زرقاء....وانا بقول المنتدى منور....حمدالله ع سلامتك

ده لو فعلا بيتكلموا بما يرضى ىالله من غير نفاق ولا تمثيل
دا كلام يا يمامه طبعا بما يرضى الله ومن غير نفاق ولا تمثيل هو انتى لسة معرفتيش ان احنا بنحبك ف الله وهنافقك ليه وعشان ايه والله ف الله