زمان وانا صغير

زمان وانا صغير كنت بحلم ابقه كبير تعب القلب واتحير من الدنيا والمشاوير ولما كبرت قولت يا رتنى ما كنت حلمت ولا اتمنيت
بججد اختلفت الحياه ومبقاش العيد زى بتاع زمان كل سنه بيفقد عاده من عاداته هو عمره ما هيرجع شعور زمان تانى ولا ايه هو فى ايه فين غزل البنات فين حديقه العبور فين البمب فين لبس العيد فين حاجات كتيير اوى راحت سؤال اخير تتمنوا ايه يرجع تانى فى العيد ده

ليه نبكي علي الماء المسكوب
اتمني في العيد ابقي في بيتي ومع زوجي الصالح بامر الله واكون عادات جديده انا وبيتي وزوجي وابنائي
اه اكيد زمان كان في حاجات كتير حلوه وضاعت منننا الوقت ده بس اكيد بامر الله اللي جاي هيبقي احلي من زمان ومن الوقت ده وبامر الله انا وانتي يازرقاء وبنات المسلمين نلاقي في العيد الجديد بامر الله ونلاقي فيه حياه لقلوبنا ببيت نبنيه فيذكر فيه اسم الله فيحيا قلبي وقلب زوجي فيكون هذا عيدنا فليس العيد بلبس الجديد ولكن العيد لمن امن يوم الوعيد
الراحه النفسيه واستقرار المشاعر عيد
الامل عيد
ضحكه طفلك عيد
ابتسامه امك عيد
حنيه ابي عيد
وياسلام بقي لو كان طيبه وهدوء اخواتي الصبيان كان فعلا هيبقي عيد
والله من غير مبالغه داايما كانوا يقولوا العيد باصحابه يعني لما يكون في حياتك اناس مصدر العيد لكي فحياتك عيد
اللهم اجعل ايامنا عيدا امين امين امين وارزق زرقاء واختي وبنات المسلمين ازواجا صالحين يعونهم علي طاعتك وذكرك وحسن عبادتك
دمتم بخير وسعاده وعيد علي طول

اقتباس :

بججد اختلفت الحياه ومبقاش العيد زى بتاع زمان كل سنه بيفقد عاده من عاداته هو عمره ما هيرجع شعور زمان تانى

انا مؤيد ليك جداااااااااااااااا

ومش العيد وبس لا كل المناسبات " رمضان ، الاجازات عامتا ، يوم الخميس ،

حتى الكرتون والحاجات اللى كنا بنشوفها زمان فى التلفزيون "

فينك يا كابتن ماجد انت ومازنجر و بابار وبوجى وطمطم " اللى شوهه " والعالم الحلوة دى كلها

ده على ما اظن راجع لامرين :

الاول : الطفولة .. لان هذة الاشياء ارتبطت معانا بايام الطفوله بكل ما فيها من

لحظات سعادة وذكريات .. و على ما اعتقد السر فى السعادة فى هذة الايام هو

طبيعة المرحله من انطلاق وعدم تحمل المسؤليه مقارنه بهذة المرحله التى تبدء

بالتخرج من الجامعة يحمل معاها الشاب هم البحث عن عمل و هم الزاواج من

بنت الجيران او زميلته فى الجامعة اللى بيحبها ومش عارف يجوزها ازاى

اللى بعد مرور 5 سنوات بيشوفها هى واولادها وهو لسه بيدور على وظيفة

وبعد كده يدور على زوجة وبعد كده يبدء يشيل هم الزاوج اللى كان هو اساسا

هم عايزة

ويدخل فى دوامة الحياة مع الاولاد والزوجه والمصاريف ويطلع له هم جديد ازاى

ازود دخلى وهكذا تدور به الدوائر .....

الامر الثانى : البركه . اعتقد ان الايام كل لما بتمر بتقل بركتها

وبيزيد همها وبيتهيقلى لو رجعت طفل فى هذة الايام مش هايكون بطعم ولذاذة

طفل زمان


وشكرااااا

حواء كتب:

أدة يا غاوى انت كنت بتتفرج على مزنجر انا من ايام السندباد وعصفورتة ياسمينة

ولبان على بابا والعسلية الكان فيها الاقرش

اه ده مازنجر ده حبيبى

ده انا حضرت ايام ماكان التلفزيون بيقفل على الساعة 12 كده

معاده الخميس كان اليوم المفتوح كان بيفضل لح الساعة 2 باليلل " شوف الافتره "


ا انا فاكر ايامنا كان كل يوم فى الاسبوع برنامج مختلف


كان مثلا يوم الاثنين بقلظ و ماما نجوى

والخميس كانت ماما سامية

والجمعة سينما الاطفال والكلبه لاسى

والسبت كانت عروسة اسمها "كرنبة "

يعنى ده اللى الذاكرة جايباه لحد دلوقتى

ياااااااه كانت ايام

وبعد كده كبرنا شوية وبقا يجى مازنجر و كابتن ماجد

وخاصا يوم الخميس كان بيجى حلقتين ويدوبك كان بيشوط فيهم الكورة

والحلقة اللى بعدها يكمل الشوطة وبعد ثالث حلقة يدوبك توصل للجون ويصدها كمان " بس كان لذيذ "


حاسس ان دلوقتى مفيش كرتون لذيذ زى زمان عندهم حاجات دلوقتى معفرته وتكنولوجيا ومليانه عنف

يلا اشمعنى الكرتون اللى هايتصلح حاله

حمد لله على سلمتك يا افندم والله المنتدى كان ناقصه حاجه من غيرك وكمان معيدتش معانا
المهم انك فكرتنا بزكريات الواحد مش عايز ينساها بس شكلك كنت طفل شقى مش وراه غير التليفزيون لا وايه صامم البرامج لالالا وبلايام كمان ايه ده طب بقه فاكر مجلس الشعب اللى كان من الاطفال وفاكر النينجا وفاكر بولا بولا
بس كمان فتحت لنا موضوع جديد هو اننا نسترجع الزكريات دى وان شاء الله انا هسترجعها بصوت عالى معاكم وبشكل مختلف استنونى لما اجهز نفسى

زرقاء اليمامه كتب:

حمد لله على سلمتك يا افندم والله المنتدى كان ناقصه حاجه من غيرك وكمان معيدتش معانا

يا فندم الله يسلمك وجزاكم الله خيرا

بس ظروف والله وكان ايام العيد قبلها ضغط شغل جامد عشان الاجازة كانت طويلة وايام العيد مقدرتش ادخل عشان مفيش نت فى البيت الان

زرقاء اليمامه كتب:

المهم انك فكرتنا بزكريات الواحد مش عايز ينساها بس شكلك كنت طفل شقى مش وراه غير التليفزيون لا وايه صامم البرامج لالالا وبلايام كمان ايه ده طب بقه فاكر مجلس الشعب اللى كان من الاطفال وفاكر النينجا وفاكر بولا بولا
لما اجهز نفسى

طبعا طبعا

كان اسمه البرلمان الصغير وكانو جايبين ولد صغير كده عامل فلاح او صعيدى

وسلاحف النينجا طبعا بس كنت كبير شوية كنت فى اعدادى كده

فرق التوقيت بقا بينى وبين حضرتك

وانا مؤيد لفكرتك جدااا وانا اوقات كتير بقعد امام اليوتيوب اكتب اسماء برامج قديمة او كرتون قديم واشوفه

زى " بابار " و " كعبول وعبقرينو "








ده غير بقا عم بطوط وعم دهب

يااااااااااااااااااااااااااا اياام جميلة

الله عليكم 000فكرتونى بأيام الطفوله الجميله وحسيت لما قرأت الموضوع والردود عليه بأنى مش لوحدى اللى مفتقده الحاجات الحلوه دى وان فيه حاجه مهمه .ان الاطفال دلوقت مش هايلاقوا حاجه ترجعهم بسرعه لاحساس الطفوله ده ولا حتى ها يعرفوا يكتبوا موضوع زى ده !!!!

honeybee كتب:

وان فيه حاجه مهمه .ان الاطفال دلوقت مش هايلاقوا حاجه ترجعهم بسرعه لاحساس الطفوله ده ولا حتى ها يعرفوا يكتبوا موضوع زى ده !!!!

كلام مهم جداا وخطير جدا

ومش على مستوى ذكريات الطفولة بس لا ده هيبقا انتماء و فقدان الهوية وغيره

ربنا يستر

اسمحوا لى استرجع ذكرياتى مع اخواتى زمان وانا صغيره كنت بحب الالقاء وكمان كنت تلميذه شاطره والله مش شكر بس كنت بحب الانجاز هوريكم ما بقى من ذكرياتى
الفلوس دى كنت باخدها من مدرسينى مره فى امتحان ومره فى تسميع نظريه ومره فى القاء ومره فى مسابقه كانت اسعد لحظه يوم مما اخد جايزه وكنت لازم اشيلها وكان بابا ربنا يديله الصحه اكبر مشجع وكان بيعلمنى الالقاء ويجى المسابقات معايا عمرى ما هنسى فضله علينا كلنا
اما الخمسه جنيه دى قصتها كانت المدرسه فى اعدادى عامله حفله والموجهين بيحضروها وبعد الالقاء قام الموجهه وعطانى الخمسه جنيه وكتبلى عليها كانت الخخمسه جنيه ايامها مبلغ وقدره وبقيت اشهر بنت فى المدرسه معروفه بالخمسه جنيه
مشاركتى ليكم مش تفاخر بس حب للفتره دى اوى ورغبه فى استعاده ذكرياتى معاكم وعشان اقول زمان وانا صغير



على فكره الدولارات دى جوايز والدى ربنا يباركلى فى عمره

اعتقد القصة دى نهايتها انك صحيتى من النوم ههههههههههههه