السياسة فى منظور الاسلام

للاسف احنا المصريين بالذات عندنا جهل سياسى شديد وبالتالى تجد ان المعارضه قليله جدا وعندها نقص شديد فى الكوادر

كلام حضرتك مظبوط جداا

انا مش هاسميها فهم بالسياسة عشان المفهوم ده مرتبط فى اذهان الناس بشىء مرعب ومخيف وغير محبب

انا هاسميها ادراك لدورك واهميته فى صنع الاحداث وفى صنع مستقبل بلدك وبالتالى مستقبلك انت واولادك

وده مش هايحصل غير انك تقرا وتعرف وتفهم حقوقك وازاى تطالب بيها باسلوب شرعى صحيح وتحس انك جزء من الوطن ده ولازم يكون ليك دور فى اصلاحه مش نسيب الدور ده لشوية مرتزقه افاقين منتفعين بمراكزهم ومناصبهم

لما يحصل ده ونشوف كل مواطن بيطالب بحقه وبيمارس حقه هنلاقى كوادر ونلاقى معارضة قوية


لكن للاسف اغلب المصريين فضلو يلعبو دور المتفرج والناقد للاحداث فقط

وبيحبو يلعبو دور الضحية التى لا حيله لها ولا تسمع الا شكوى وهكذا اصبحت الديمقراطية عند الحزب الوطنى ومن يمثلهم

مجرد ان يسمحو لك بالشكورى والتذمر و التنديد بالاوضاع

وهكذا اصبحت الديمقراطية انك تشكو الواقع وفقط

والله يامعلم غاوي انت نبهتني لنقطة كانت غايبة عني وهي

اقتباس :

وده مش هايحصل غير انك تقرا وتعرف وتفهم حقوقك وازاى تطالب بيها باسلوب شرعى صحيح

موضوع الوعي والقراءة....بس خلي بالك ان الوعي ما يكونش سماعي بس...لان السمع هو اللي ضيعنا وخلانا نسمع للشخص وهو يتحدث عن رأيه فتلاقي الشعب بيعارض ع ايه؟هو مش عارف بيعارض وخلاص
لكن لو القينا نظرة مثلا ع قانون الضرائب سواء العامة او العقارية...هتستغرب لما اقولك انه قانون شبه منصف....طب الناس مضايقة ليه؟...لانهم عرفوا اللي عليهم وماعرفوش اللي ليهم...ده غير بتاع الضرايب عمره ماهيقولك ع اللي ليك علشان يحقق اعلى ايرادات لوزير المالية بتاعه اللي ماسكله الكرباج....في حين انك لو تمعنت في القانون هتلاقي ثغرات بتعوض مصاريف حقيقية تنزل الاتاوة المفروضة عليك للنص
لكن كل ده مش هييجي وانت قاعد مكانك لازم نتثقف وتقرأ علشان تجيب حقك بايدك

عارف ياغاوي اكتر حاجة عجبتني في القاهرة!!! ان الناس هناك ما بتسبش حقها لو ليه ربع جنيه ما يسيبوش...بالرغم من ان الربع جنيه ما يتقالش عليه انه فلوس...لكن المبدأ....علشان كده لما يكلمه امين شرطه ولا بيهمه لانه عارف انه مش غلطان...بس مش عذر بردو ليهم انهم يتعاملوا مع بعض بفظاظة ودي بردو كانت من اهم العيوب التي وجدتها فيهم وهما بيتعاملوا مع بعض

حاجة تانية بردو وهي الاعلام....الاعلام مشكلته من قديم الازل بيتعامل بنوع يخلوا من الشفافية...بمعنة انه بيطلع الجهة التي هو تابع لها ع ان معها الحق
فمثلا ايام انتخابات مجلش الشعب اللي فاتت وفي الوقت اللي كانوا بسجنوا الاخوان لحد الانتخابات ما تخلص....كان ليا صديق اتمسك معاهم فسألتوا انتوا كنتم كام واحد...قاللي 120 واحد....وفي اخبار التليفزيون المصري قالوا انهم ماسكين 63 واحد....وفي قناة الجزيرة قالوا بورسعيد ممسوك فيها 360 واحد....اللي عايز اقوله شايف التناقض البعيد واحد بيلعب في دائرة( اكبر من) لتهويل الموقف وواحد بيلعب في دائرة( اصغر من) لتقليل جدية الموقف...مين تصدق؟كله كذاب....وده اللي خلى الناس تبطل تسمع اخبار وبالاخص اللي بيسمعوها ع الماشي
لينا بقيه بس لما الموضوع يسخن شويتين

احب اضيف يا اخى غاوى ان جزء من دورى السياسى وهو انى على الاقل اختار الشخص اللى ينوب عنى فى عمل دورى السياسى يعنى اشترك فى الانتخابات بس اختار بجد اللى اشوفه مناسب بالنسبه لى لكن للاسف تلاقى كتير مننا ما عندوش بطاقه انتخابيه ولا عارف مين مرشح نفسه فى دائرته ولا حتى عارف ميعاد الانتخابات0
وبالنسبه لقانون الضرائب الجديد كل مشكلته مش فى عدم فهمه ولكن فى عدم ثقة الشعب فى الحكومه يعنى جزء من الناس بيقول ان ايه اللى يضمن لى ان التقدير على العقار هيطلع مناسب مش مبالغ فيه وبعض الناس بتقول ان الاغنياء واصحاب النفوذ مش هيدفعوا وانها فى الاخر هاترسى على الغلابه وبس 000