ماذا يريدون ؟!

تصدقي انك زعلتيني قوي ياحواء....للدرجة دي وصل التهاون باوامر الله حتى صارت اوامر بمعصية الله....حسبنا الله ونعم الوكيل
المهم ابقى طمنينا ع زرقاء اليمامة....والابيات دي علشانها

يقول جمال الدين بن نباتة :

ألا رب ذي ظلم كمنت لحربه فأوقعه المقدور أي وقوع

و ما كان لي إلا سلاح تهجد و أدعية لا تتقى بدروع

وهيهات أن ينجو الظلوم وخلفه سهام دعاء من قسي ركوع

وإني لأرجو الله حتى كأنني أرى بجميل الظن ما الله صانع

مازال يظلمني وأرحمه حتى رثيت له من الظلم

وكم من لئيم ود أني شتمته وإن كان شتمي فيه صاب وعلقم

وللكف عن شتم اللئيم تكرما أضر له من شتمه حين يشتم

سكت عن السفيه فظن أني عييت عن الجواب وما عييت

فإن كلمته فرجت عنه وإن خليته كمدا يموت

تغرب عن الأوطان في طلب العلا وسافر ففي الأسفار خمس فوائد

تفريج هم و اكتساب معيشة وعلم وآداب و صحبة ماجد


وقال شاعر:

إني وهبت لظالمي ظلمي :: وغفرت ذاك له على علمي
ورأيته أسدى إلي يدا :: لما أبان بجهله حلمي
رجعت إساءته عليه ولي :: فضل فعاد مضاعف الجرم
فكأنما الإحسان كان له :: وأنا المسئ اليه في الزعم
لازال يظلمني وأرحمه :: حتى بكيت له من الظلم

لو حد فيكم يعرف اختنا بنات افكاري الموضوع حصل معاها فعلا تقريبا باختلاف طبعا التفاصيل بردوا لانها ملتزمه في وسط غير ذلك من الدكاتره
وزعلوا منها علشان رفضت تسلم باليد علي دكتور كبير "اجنبي تقريبا " مش ردت تسلم عليه بايديها وقالتله ان دينها يحرم ذلك
ربنا يثبتك اختنا زرقاء ويهبك الثبات امين وبعدين لاتبيعي الغالي بالرخيص واعلمي ان ما اخطأك لم يكن ليصيبك وما اصابك لم يكن ليخطأك
"وفي السماء رزقكم وما توعدون "

ربنا يبارك فيكى يازرقاء وفى تصرفك وبردك ده نصرتى دينك وكشفتى ان من ترك شى لله ابدله الله خير منه ولو كره المنافقون والكافرون ورددتى قول النبى لكن بطريقتك والله ياعم لو وضعوا الشمس فى يمينى والقمر فى يسارى ...... انتى قلتى تلك القوله فرددتى
خمارى هو حارسي الذي يحميني من عيونٍ جائعة ، فيحتويني ..
كان دفئاً غامراً يأسرني ، وهو عنواني ، عنوان المرأة المسلمة
لمّا ارتديتُه تعمّق الإسلامُ في داخلي ، واستشعرتٌ رضا الله تعالى عنّي ..
فهل أترك كنزي هذا وأضعفُ أمام كلماتٍ حاقدة
فماذا تظنين فى فتاه اجابت هكذا ما عنديش غير انى اقول ربنا يكثر من امثالك ويجعل فتيات المسلمين كلهم زرقاء اليمامه بارك الله لكى فى دينك وفى عفتك واثلج حر قلبك ببرد الدين ونور الثبات على الحق

اللهم امين امين
لا فهمنا صح ياحواء مش تخافي

انا مش قادرة اصدق ان فى ناس بالمنظر ده الغريب انك لو جيت تديهم النصيحة تلاقى عليهم قدرة على الجدال غريبة تخليك تسيب لهم النخل رامى حسبى الله ونعم الوكيل ف الدكتورة وامثالها وبالنسبة لزرقاء انا بقول لها ذاكرى كويس متتحججيش بالدكتورة مش هنستهبل ههههههههههههههههه

يا جماعه ده فعلا يحصل انا هاحكى لكم موقف مشابه انا كنت باخد دوره تدريبيه فى القاهره وكان اللى بيدرس لنا ناس من بريطانيا كانوا طبعا بيتكلموا انجليزى كل كلامهم فكان من ضمن التدريبات غير اللغه انهم حاولوا يشوفوا اقرب مسافه بيننا وبينهم نقدر نعديها واللى يقدر يقرب اكتر معناه انه مودرن وياخد درجه احسن واللى يقدر يسلم باليد كمان و انا اعتقد انهم حاولوا يدرسوا طباعنا احنا المسلمين عن قرب مع العلم انهم طبعا رجال واحنا كلنا ستات وكلنا من الاقاليم, والحمد لله ان فيه قله لا تذكر اللى نجحوا فى الاختبار ده من وجهة نظرهم وعلى فكره كانوا مسيحيات 0ولكن اللى يغفر للناس دى انهم اجانب لكن الدكتوره دى مصريه وست كمان يبقى ليه بتعمل كده ,

بتعمل كده لانها نفسها عندها قناعه تامه بان الحجاب ليس فرضا عجبا يا امه الاسلام
انا لله وانا اليه راجعون

لا انا رايى ان الست دى متضايقه وغيرانه من اى بنت ملتزمه لانها اكيد حاسه بتميزها وعفتها وتمسكها بدينها زى الشيطان هو عارف انه هايدخل النار لكن بيحاول يغوى اللى يقدر عليه من المؤمنين وما بيحاولش انه يرجع لطاعة الله تعالى 000