ممكن نكمل فضفضة؟؟؟؟؟

ممكن تشاركونى ف الاسئلة دى لزيادة مساحة التعارف بينا ؟ وطبعا فى حرية تامة ف الاجابة وحذف ما تريدونه من الاسئلة - ويا ريت اللى يدخل يشارك على طول ميترددش

ياورد مين علمك تجرح ,,, لمن توجه هذه العباره ؟؟

2- اعتذار الرجل للمرأه ذل أم احترام للذات ؟؟

5- رتب هذه الكلمات على حسب اهميتها عندك المال - الحب - الصديق - المستقبل المهني - العائلة !!!!

6- اغمض عينيك دقيقه وتخيل قبلها انك صاحب الموقع ما هو اول قرار ستتخذه ؟

7- ايهم اكثر وبصراحه استلامك للرسائل خاصه ام ارسالك للرسائل خاصه ؟

8- مارأيك بالغيره ؟

9- كم وزنك ؟؟

10- كم طولك ؟؟

11- ماذا تقول لمن ظلمك ؟؟

12- سر لاول مره تقوله لنا؟؟

13- وجه نقد لكاتب الموضوع ؟؟

14- هل وضعك كلمة منقول لموضوع نقلته تزعجك ؟؟

15- ماهي الحيوانات التي قمت بتربيتها قبل ذلك ؟؟

16- كتاب حياتك بم تصفه في كلمات معدوده ؟؟

17- شخص تفتقده ,, من هو ؟؟ ليس شرطا ان يكون عضوا !!!!!

18- قرار اتخذته وتسرعت به ومن ثم ندمت عليه؟؟

19- لا اسمع لا ارى لا اتكلم ,, متى تطبق هذه المقوله بحياتك ؟؟

20- قم بتوجيه نصائح الى خمس اعضاء قم باختيارهم انت ؟؟

22- لو الزمان عاد يوما ماالشي الذي ستفعله مره اخرى ومالشيء الذي لن تفعله مره اخرى ؟؟

23- ملحوظه لاحظتها على عضو من الاعضاء ماهي ؟؟ ومن هو العضو ؟؟

24- شيء حدث بحياتك غير مجرى حياتك ؟؟

25- كلمة تتمنى سماعها كل يوم ؟؟

26- هل جنس كاتب الموضوع له تأثير عليك لتضع ردا ؟؟

1- ياورد مين علمك تجرح ,,, لمن توجه هذه العباره ؟؟

للورد

2- اعتذار الرجل للمرأه ذل أم احترام للذات ؟؟

احترام للذات والاعتذار دائما يدل على شخصية سويه محترمة

5- رتب هذه الكلمات على حسب اهميتها عندك المال - الحب - الصديق - المستقبل المهني - العائلة !!!!

الحب - المستقبل المهنى - العائلة - الصديق - المال

6- اغمض عينيك دقيقه وتخيل قبلها انك صاحب الموقع ما هو اول قرار ستتخذه ؟

لا جديد سوف احاول التطوير ما استطعت

7- ايهم اكثر وبصراحه استلامك للرسائل خاصه ام ارسالك للرسائل خاصه ؟

بيتهيقلى زى بعض تقريبا ببعت رسائل كتير وبستلم كتير برضه


8- مارأيك بالغيره ؟

دليل الحب ( بس فى الحدود العقلانية )

9- كم وزنك ؟؟

ممممممم بعد الجواز ولا قبل ؟

قبل الجواز 71

10- كم طولك ؟؟

بعد الجواز ولا قبل

قبل الجواز 168


11- ماذا تقول لمن ظلمك ؟؟

حسبنا الله ونعم الوكيل

12- سر لاول مره تقوله لنا؟؟

ممممممم " مش فى دماغى حاجه الان بصراحة "

13- وجه نقد لكاتب الموضوع ؟؟

الاسئلة كتيرة

14- هل وضعك كلمة منقول لموضوع نقلته تزعجك ؟؟

لا اطلاقا

15- ماهي الحيوانات التي قمت بتربيتها قبل ذلك ؟؟

ارانب

16- كتاب حياتك بم تصفه في كلمات معدوده ؟؟

جميل وجيد وفضل ونعمة دائمة من الله

17- شخص تفتقده ,, من هو ؟؟ ليس شرطا ان يكون عضوا !!!!!

محمد عامر زميلى وصديقى ( مسافر )

18- قرار اتخذته وتسرعت به ومن ثم ندمت عليه؟؟

ممممممممممم مش متذكر قوى بس اكيد فيه

19- لا اسمع لا ارى لا اتكلم ,, متى تطبق هذه المقوله بحياتك ؟؟

باذن الله لن اطبقها


20- قم بتوجيه نصائح الى خمس اعضاء قم باختيارهم انت ؟؟

حواء --- استمرى

بسمات ---- تفائل دائما بالخير تجده

زرقاء اليمامة --- الحسية شىء جميل ولكن الحياة تحتاج مزيد من المنطقية والعملية ( لا تيأسى ابدا )

نور الله ---- ( اجمل شىء فى الحياة التوازن وخاصا بين العقل والقلب )

المهندس محمود --- خلص واجوز بسرعة


22- لو الزمان عاد يوما ماالشي الذي ستفعله مره اخرى ومالشيء الذي لن تفعله مره اخرى ؟؟

الذى سوف افعلة ( اختار ام سما زوجتا لى )

الذى لن افعله ----- ممممم مافيش حاجه فى دماغى


23- ملحوظه لاحظتها على عضو من الاعضاء ماهي ؟؟ ومن هو العضو ؟؟

ممممممم -- honeybee ( دماغها كويسه وبتفكر بشكل منطقى و جيد )

حواء ---- عندها ارداة وتحدى للذات كبير جدا ماشاء الله

24- شيء حدث بحياتك غير مجرى حياتك ؟؟

الالتزام
وكان فى 3 كلية

25- كلمة تتمنى سماعها كل يوم ؟؟

بابا


26- هل جنس كاتب الموضوع له تأثير عليك لتضع ردا ؟؟

نعم

طب والله العظيم والله العظيم - انا بحس بمتعة غير طبيعية لما بقرا كلامكم مش فضول ابدا والله كل الحكاية بحس ان احنا بجد قاعدين مع بعض وبندردش وبنتعرف على بعض اكتر- مش عارفة انتو بتحسو بكده ولا لا ؟ يلا اتمنى مزيد من المشاركة

شكلك كده من المباحث ولا ايه يا اخت جنة؟ ولا علشان موضوعك كسب الشهر ده يبقى هتزودي الجرعة ....ولا يمكن بتقلدي قنوات الام بي سي وقناة سوا ويكون الغرض الدفين هو القضاء ع المنتدى والاطاحة بأعضائه عن طريق طرح استفتاءات تبين نقاط الضعف للاعضاء من خلال اجاباتهم الصريحة جدا
ع العموم اناهاجاوب بفرض حسن النية ونبدأ ببسم الله الرحمن الرحيم

ياورد مين علمك تجرح ,,, لمن توجه هذه العباره ؟؟
اقولها لنفسي...لان اللي يجرحني اجرحه وانتوا عارفين ليه!!!

2- اعتذار الرجل للمرأه ذل أم احترام للذات ؟؟
احترام للذات طبعا ويزيد الحب والترابط

5- رتب هذه الكلمات على حسب اهميتها عندك المال - الحب - الصديق - المستقبل المهني - العائلة !!!!المستقبل المهني-العائلة-الحب-الصديق-المال

6- اغمض عينيك دقيقه وتخيل قبلها انك صاحب الموقع ما هو اول قرار ستتخذه ؟
كنت هالغي عضوية جنة الخلد وزرقاء اليمامة

7- ايهم اكثر وبصراحه استلامك للرسائل خاصه ام ارسالك للرسائل خاصه ؟
الاتنين زي بعض=زيرووووووووو تقريبا لاني ما بستخدمش الخاصية دي الا لو كنت عايز طلب

8- مارأيك بالغيره ؟
شئ مهم جدا يجب ان يتواجد عند اي حد مع ضبط النفس والثقة في الطرف الاخر

9- كم وزنك ؟؟
ههههههههههههه....بلاااااااااااااااااش
97 بالضبط من ثانوية عامة لحد دلوقتي نزلت مرة ل 80 وطلعت تاني ل97 فبطلت من ساعتها اني اغير فيه

10- كم طولك ؟؟
170 بس بالسنتيمتر مش بالمتر

11- ماذا تقول لمن ظلمك ؟؟
زي ما قولت ع الجزائر:إن الله يمهل ولا يهمل

12- سر لاول مره تقوله لنا؟؟
لما اجي اتكلم مع بنت لاول مرة وشي بيحمر وبتلخبط في الكلام ...هههههههههههههههههههه

13- وجه نقد لكاتب الموضوع ؟؟
ان الله يمهل ولا يهمل

14- هل وضعك كلمة منقول لموضوع نقلته تزعجك ؟؟
بالعكس ده اثبات لحقوق الملكية الفكرية ولو امكن كتابة صاحب الموضوع

15- ماهي الحيوانات التي قمت بتربيتها قبل ذلك ؟؟
انا شخصيا لا....بس كان عند اخويا الصغير سلحفاة كنت ساعات بأكلها الا ان توفاها الله ع يد القاتل المأجور ابن خالي الصغير وكلنا زعلنا عليها جدا

16- كتاب حياتك بم تصفه في كلمات معدوده ؟؟
كل اللي فات مر كأنه يوم....ومش عارف اللي جاي قد ايه وخاتمته ايه

17- شخص تفتقده ,, من هو ؟؟ ليس شرطا ان يكون عضوا !!!!!
محمود صديقي ايام الكلية بس هاقابله في فرحه باذن الله الخميس اللي جاي

18- قرار اتخذته وتسرعت به ومن ثم ندمت عليه؟؟
إختيار شريك الحياة

19- لا اسمع لا ارى لا اتكلم ,, متى تطبق هذه المقوله بحياتك ؟؟
بستخدمها في الشغل لما حد يخطئ في عمله ونحاول اصلاح خطؤه بس بشرط انه يتعلم من ذلك ولا يتكرر مرة اخرى

20- قم بتوجيه نصائح الى خمس اعضاء قم باختيارهم انت ؟؟
غاوي جنة: زي ماقالت حواء ابن حلال مش محتاج نصيحة غير اتق الله
حواء:بردو زي ما قال غاوي استمري وجددي نيتك دايما بأن يكون العمل خالصا لوجه الله
بسمات:ارحم نفسك يابني وكن وسطا (لا تكن سهلا فتعصر ولا تكن صلبا فتكسر)
جنة الخلد:بلاش المواضيع اللي من النوع ده لان ما ينفعش اني اكتب فيها (موضوع رائع....جزاكي الله خيرا اختي الفاضلة) ولازم اقعد ساعتين علشان ارد ....انا نبهت وخلاص
زرقاء اليمامة:حاولي ان تتماسكي عند الشدائد ولو حتى خارجيا بحيث تظهري مظهر الذي لم يتأثر بما حدث
هني بي:حاولي تخصصي وقت للمنتدى ولو قصير حتى لاتطيلي الغياب
جاسر: لما اشوفك بس هاقولك نصيحتي بنفسي

22- لو الزمان عاد يوما ماالشي الذي ستفعله مره اخرى ومالشيء الذي لن تفعله مره اخرى ؟؟
اللي هاعمله : هاذاكر من اول سنة في الكلية مش في اخر سنتين بس مش علشان انا مش راضي عن نفسي....لا....اصل انا كنت من النوع اللي بذاكر ليلة الامتحان علشان بنسى بسرعة وكان في الحركة مخاطرة كبيرة جدا بس كانت ناجحة...لكن المشكلة اني دلوقتي وانا نايم بحلم تقريبا اسبوعيا اني عندي امتحان ومالحقتش اذاكر ولما اصحى من النوم اقول الحمد لله كان حلم انا خلاص خلصت ونجحت ومش هذاكر مذاكرة الغصب دي تاني

الشيئ اللي مش هاعمله... الذنوب اللي بندم علي فعلها واتمنى انها تتمسح

23- ملحوظه لاحظتها على عضو من الاعضاء ماهي ؟؟ ومن هو العضو ؟؟
زرقاء اليمامة مختفية عن المشاركة بالرغم من انها اكيد متابعة معانا بس يمكن ما بقتش تستنظفنا او المنتدى مش قد المقام هههههههههههههههههه
وبسمات مزودها حبتين في عتاب نفسه وخايف عليه لينقلب 180 درجة زي ما حصل معايا سابقا

24- شيء حدث بحياتك غير مجرى حياتك ؟؟
وظيفتي الاخيرة...ربنا يديمها نعمة

25- كلمة تتمنى سماعها كل يوم ؟؟
اتقي الله....مش مجرد كلام.... بس فعلا مش لاقي حد يقولهالي

26- هل جنس كاتب الموضوع له تأثير عليك لتضع ردا ؟؟
اكيد طبعا....امال احنا حاطين ليه قوانين التعامل مع الاعضاء في المنتدى

للاسف كتبت رد امبارح اول ماقريت الموضوع بس النت فصل بس الحمد الله طلعت اذكي منه وكنت واخده كوبي المره ديت هحط الرد باذن الله المشاركه الجايه بس اظبط تنسيقاته

هجاوب بدون تعليقات اهوت "هههههه"

اقتباس :

ياورد مين علمك تجرح ,,, لمن توجه هذه العباره ؟؟

مش عارفه

اقتباس :

2- اعتذار الرجل للمرأه ذل أم احترام للذات ؟؟

قمه الرجوله واحترام الذات وكل حاجه حلوه قوليها لان الاعتذار بشكل عام بيجلب الحب

اقتباس :

- رتب هذه الكلمات على حسب اهميتها عندك المال - الحب - الصديق - المستقبل المهني - العائلة !!!!

الحب - العائله- الصديق - المستقبل المهني - المال
6

اقتباس :

- اغمض عينيك دقيقه وتخيل قبلها انك صاحب الموقع ما هو اول قرار ستتخذه ؟

التزام نفسي اولا بكوني مسلمه علشان ابقي عنوان للموقع قولا وعملا

اقتباس :

ايهم اكثر وبصراحه استلامك للرسائل خاصه ام ارسالك للرسائل خاصه ؟

الموبيل ولا النت لو الموبيل انا اللي ببعت كتير بصراحه وقليل لما بيجيلي رسائل بيحسبوها اتصال احسن "غتتاته يعني " لكني بحب حتي لو اتصلت بردوا ابعت رسايل "رومانسيه تافهه "
اما الموقع فبصراحه مش بستلم ولا برسل الا نادرا لو في شئ ضروري ببعته وببقي انا بردوا

اقتباس :

8- مارأيك بالغيره ؟

طبيعه في غالب النساء وبتبقي جميله لما تكون بعقل لان انا نفسي سواعي بحب احس ان في حد بيغير علي اما في الرجل فلازمه "الغيره علي اهل بيته " لالتزام شرع الله حتي لا يكون ديوس
اما غيره المجانين سواعي بتبقي حلوه لكسر ملل الحياه مش اكثر غير كده بتخرب بيوت

اقتباس :

9- كم وزنك ؟؟

لاداعي للاحراج بقي احسن تتخضوا بس نفسي اصل لنفس اللي قررته حواء بس مش لدرجه وهو الاصرار والتحدي واعمل اللي نفسي فيه

اقتباس :

10- كم طولك ؟؟

مش عارفه بالظبط بس تقريبا 167

اقتباس :

11- ماذا تقول لمن ظلمك ؟؟

حسبي الله ونعم الوكيل في الغالب لو نسيت بعيط واهري في نفسي

اقتباس :

12- سر لاول مره تقوله لنا؟؟

مش عارفه بصراحه في اسرار لو قولتها مش هتبقي سر

اقتباس :

13- وجه نقد لكاتب الموضوع ؟؟

مش نقد بس سلمت يداكي علي مواضيع مميزه وجميله بس طويله اوي ينفع اقسم الاسئلة "ههههههههه"

اقتباس :

هل وضعك كلمة منقول لموضوع نقلته تزعجك ؟؟

لا علي العكس اعطي كل ذي حق حقه بس ببقي نفسي انا اكتب موضوع مش منقول يعني انا اللي اكتبه او اكون صاحبه فكرته وده اللي كنت بحاول انفذه في سويف بس فشلت لاني لست باديبه ولا راويه الحمد الله بردوا

اقتباس :

ماهي الحيوانات التي قمت بتربيتها قبل ذلك ؟؟

مش انا بس بابا "الماعز " وتم القضاء عليهم ببيعهم الا واحده بنجليها ومعزايه راجل معاهم لان مافيش مكان ليهم

اقتباس :

19- لا اسمع لا ارى لا اتكلم ,, متى تطبق هذه المقوله بحياتك ؟؟

لا انا بطبيعتي رغايه ككثير من النساء بس بحاول اسكت شويه بس لو تقصدي علي عدم الايجابيه لا الحمد الله مش في الطبع ده انا بدب وزي ماتيجي

اقتباس :

قم بتوجيه نصائح الى خمس اعضاء قم باختيارهم انت ؟؟

حواء --------------> ملاحظه وقت كتير في النت اتمني مايجورش علي حق بيتك وزوجك واولادك انا طبعا مش اعرف بس اكيد هيبقي شئ جميل لو حواء المنتدي حواء زوجها بس حبيت اذكرك ليس اكثر
غاوي جنه -------------------> مش نصيحه بردوا بس احب اقولك انت اخويا الكبير اللي فعلا كلماته لها وقع وبتاثر في كتير واتعلمت من حضرتك ومن باقي اخواني واخواتي في منتدي سويف الكثير وانتم اصحاب الفضل علي وفعلا كلمتك كانت لها وقع "التوازن " ولكن في بعض الاحيان يختل توازن كل منا بسبب ظروف تنشأه وخطأ في التربيه نحاول ان نصلح ولكن الطبع في بعض الاحيان يغلب ,ولكن يبقي انما الصبر بالتصبر
زرقاء ------------------>كنت اتمني اتعرف عليكي اكتر من كده
بسمات دامعه ---------------> ابتسم بدون دموع
نور -----------------------> اتقي الله

اقتباس :

لو الزمان عاد يوما ماالشي الذي ستفعله مره اخرى ومالشيء الذي لن تفعله مره اخرى ؟؟

اني اوزن الحب والعقل فلا يطغي احدهما علي الاخر ....الشئ الذي لم افعله اني مش كنت هحب اصحابي بالشكل اللي حبيتهم بيه فأذاني مش اقصد مش احبهم بس تقريبا نفس المعني التوازن اللي قال عليها اخي غاوي

اقتباس :

23- ملحوظه لاحظتها على عضو من الاعضاء ماهي ؟؟ ومن هو العضو ؟؟

اختفاء زرقاء وقله مشاركتها

اقتباس :

24- شيء حدث بحياتك غير مجرى حياتك ؟؟

مش هقول التزامي بس دخولي الاخوان غيرني كتير

اقتباس :

25- كلمة تتمنى سماعها كل يوم ؟؟

اكيد نفس كلمه حواء

اقتباس :

17- شخص تفتقده ,, من هو ؟؟ ليس شرطا ان يكون عضوا !!!!!

جدي الله يرحمه

اقتباس :

18- قرار اتخذته وتسرعت به ومن ثم ندمت عليه؟؟

ماتعديش

اقتباس :

16- كتاب حياتك بم تصفه في كلمات معدوده ؟؟

مجهول الهويه يبحث عن بر الامان

ياورد مين علمك تجرح ,,, لمن توجه هذه العباره ؟؟

بقولها لنفسى لما بجرح حد من غير ماقصد
2- اعتذار الرجل للمرأه ذل أم احترام للذات ؟؟

كلمه اعتذار صعبه على اى راجل لكن ممكن الاعتذار يتم بشكل اجمل من كلمه الاعتذار بس اكيد الاعتذار للست او حتى لاى حد حاجه ضروريه بتخلى الواحد يوقف نفسه ويراجعها

5- رتب هذه الكلمات على حسب اهميتها عندك
الحب_ العائلة _ _المستقبل المهنىالصديق-ولا اجد للمال اى اهميه فى حياتى سوى انه مجرد وسيله اذا تعزرت كل الوسائل

6- اغمض عينيك دقيقه وتخيل قبلها انك صاحب الموقع ما هو اول قرار ستتخذه ؟

هحاول اطوره واحطله اعلانات واحاول اجيب اعضاء كتيير وهشيل عضويه المهندس محمود

7- ايهم اكثر وبصراحه استلامك للرسائل خاصه ام ارسالك للرسائل خاصه ؟

لا الاستلام ولا الارسال الا فى حالات الضروره القصوى اللى لو الكلام بقى علنا يبقى فى احراج للشخص الموجهه ليه

8- مارأيك بالغيره ؟

دليل الحب ولكن ليها قمم وقيعان يعنى اعتقد انه بمرور الزمن على اى اتنين متجوزين مبتبقاش الغيره بنفس الشكل فى بدايه جوازهم او فى الخطوبه وده مش نقص حب ولكن بيبقى ثقه فى الشريك وكمان تاكد من الامتلاك وكمان فهموا طبع بعض ونخلى بالنا ان الغيره لازم اساسها الحب مش عدم الثقه

9- كم وزنك ؟؟

ااصعب سؤال ومش هجاوب كلكم هتشفونى ان شاء الله فى فرحى وابقوا احكموا انتو بقى

- كم طولك ؟؟


نوكمنت
11- ماذا تقول لمن ظلمك ؟؟
لو فعلا اللى ظلمنى حد بحبه هقوله منك لله لكن لو مش بحبه هقوله ربنا يديك على اد نيتك
بس ايه بعد ماخد حقى منه ولو معرفتش هفوض امرى لله واقول حسبى يالله ونعمالوكيل
12- سر لاول مره تقوله لنا؟؟

مش راضيه عن نفسى

13- وجه نقد لكاتب الموضوع ؟؟

انسى الفات وان الله لن يغير ما بقوم حتى يغيروا ما بانفسهم اوزنى الامور وانتى بره مكانك

- هل وضعك كلمة منقول لموضوع نقلته تزعجك ؟؟

لاء15-

ماهي الحيوانات التي قمت بتربيتها قبل ذلك ؟؟


كتكوت ومبيعديش عليه اسبوع ويموت وكمان عصافير وكانو بيموتوا
- كتاب حياتك بم تصفه في كلمات معدوده ؟؟

ملئ بالتحديات والناس والاحداث اوقات بحس انه ماشى فى اتجاهه واوقات لا مستنيه اشوف الفصول الاخيره منه واوعدكم اول ما يكمل هنشره فى بريد الجمعه صح يا حواء
17- شخص تفتقده ,, من هو ؟؟ ليس شرطا ان يكون عضوا !!!!!

نصفى التانى-

قرار اتخذته وتسرعت به ومن ثم ندمت عليه؟؟

قررات كتيره خدتها بس لسهة مش عارفه هندم ولا لا

19- لا اسمع لا ارى لا اتكلم ,, متى تطبق هذه المقوله بحياتك ؟؟

لما حد يقولى سر
قم بتوجيه نصائح الى خمس اعضاء قم باختيارهم انت ؟؟

جنة حاولى تغيرى اللى مضيقك

زرقاء اتقى الله


غاوى اخى الذى طالما تمنيت وجوده

نور بطلى تحسبى نفسك كتير

المهندس محمود ربنا يقويك

جاسر حافظ على الصفة الجميلة الفيك سسسسسسسسسسسسسسسس

هنى لسة معرفتكيش

بسمات برضو متحملش نفسك كتير 22-


لو الزمان عاد يوما ماالشي الذي ستفعله مره اخرى ومالشيء الذي لن تفعله مره اخرى ؟؟

ههدخل قسم الادبى وادخل كليه السن
23- ملحوظه لاحظتها على عضو من الاعضاء ماهي ؟؟ ومن هو العضو ؟؟

الشافعى انة مابيشاركش معانا

24- شيء حدث بحياتك غير مجرى حياتك ؟؟

لسه محصلش

25- كلمة تتمنى سماعها كل يوم ؟؟

مش محتاج اجابه
هل جنس كاتب الموضوع له تأثير عليك لتضع ردا

لا

يا رب يكرمك يا ا غاوى على الاطراء الجميل ده ودايما رافع من معنوياتى على فكره هاجاوب على سوال جنه وهو سر من اسرارى ان انا احب اللى يشكر فى طريقه تفكيرى او دماغى زى ما قلت اكتر من اى صفه اخرى 000
وبالنسبه لاخوتى يمامه وهندسه ان انا مش بقدر ادخل المنتدى زى الاول علشان انتوا عارفين ان زوجى سافر والمسئوليه اصبحت ضخمه واصعب مما تصورت لكن هاحاول ان شاء الله وشكرا على اهتمامكم 000

يا جماعة يا جماعة اغيب يومين محدش يقول جنة الخلد فين لا لا مكنش العشم

ع العموم انا قرات مشاركتكم وعجبتنى جدا واسمحو لى اعلق على بعض الاراء اللى لفتت انتباهى

الاسئلة كتيرة ----------> الاخ غاوى بيقول الاسئلة كتير طب انا تحت امركم واوعدكم بالصراحة وانا هجاوب عن الاسئلة بكل صراحة

كنت مئة كيلو واصبحت 77 كيلو لانى لما بحب اعمل حاجة بعملها والحمد لله -------> 100 كيلو حتة واحدة يا ربنا - طب ممكن تحويل رصيد؟

ولا علشان موضوعك كسب الشهر ده يبقى هتزودي الجرعة ...----------------> مش بقولك يا اخ محمود انت قارش ملحتى - ماشى الله يسامحك وع العموم هى الشجرة المثمرة كده بتتحدف بالطوب

كنت هالغي عضوية جنة الخلد وزرقاء اليمامة---------> طب ع العموم انا مش هرد عليك انا هسيب المهمة دى لزرقاء

لما اجي اتكلم مع بنت لاول مرة وشي بيحمر وبتلخبط في الكلام------------> ايه ده حاجة غريبة؟
جنة الخلد:بلاش المواضيع اللي من النوع ده لان ما ينفعش اني اكتب فيها (موضوع رائع....جزاكي الله خيرا اختي الفاضلة) ولازم اقعد ساعتين علشان ارد ....انا نبهت وخلاص ----------> انت عايز نظام التيك اواى طب وذمتك محستش انك عايز تجاوب وتقرا مشاركة غيرك

جنة حاولى تغيرى اللى مضيقك--------> الكلام سهل اوى يا يمامة لكن التنفيذ مستحيل

طب يا جماعة فى ناس مشاركتش هى هنى بى فين والاخ بسمات فين؟

مش نقد بس سلمت يداكي علي مواضيع مميزه وجميله بس طويله اوي ينفع اقسم الاسئلة "ههههههههه"------------> قسمى الاسئلة براحتك وجاوبى براحتك المهم انى
شفت اسمك م المشاركين بس عايزه اطلب طلب براحتك ممكن اخد الايميل بتاعك ؟

ياورد مين علمك تجرح ,,, لمن توجه هذه العباره ؟؟

لا احد

[color=violet]اعتذار الرجل للمرأه ذل أم احترام للذات ؟؟[
/color]
ده حب للمراه مش ذل

رتب هذه الكلمات على حسب اهميتها عندك
المال - الحب - الصديق - المستقبل المهني - العائلة !!!!

العائله-الحب-المال-المستقبل المهنى -الصديق

اغمض عينيك دقيقه وتخيل قبلها انك صاحب الموقع ما هو اول قرار ستتخذه ؟

انى ابقى العضو والمشرف وصاحب الموضوع المميز واغير اسم المنتدى واسميه دعاء الكروان ههههههه0

ايهم اكثر وبصراحه استلامك للرسائل خاصه ام ارسالك للرسائل خاصه ؟

لا كده ولا كده


مارأيك بالغيره ؟

الغيره المتوسطه مطلوبه بين الزوجين لانها تجعل الحياه دافئه00

- كم وزنك ؟؟

قبل الزواج 54 وبعده 70

كم طولك ؟؟

166
ماذا تقول لمن ظلمك ؟؟


اقول لكوا على سر انا ظلمنى فى حياتى تلاته واحد جاله ازمه قلبيه والتانيه ست جالها سرطان وابنها مات والتالته ماتت متاثره بمرضها الشديد والله انا بتكلم جد لذلك انا لا اقول الا حسبى الله ونعم الوكيل وبسيبها على ربنا


وجه نقد لكاتب الموضوع ؟؟

فين الخمسه جنيه اللى عليكى يا جنه ؟

هل وضعك كلمة منقول لموضوع نقلته تزعجك ؟؟

لا بس بنسى اكتبها

كتاب حياتك بم تصفه في كلمات معدوده ؟؟

دراسه- زواج -اولاد-دراسه


انا هاكمل بعدين علشان عندى درس سواقه

ياورد مين علمك تجرح ,,, لمن توجه هذه العباره ؟؟
---------> خالى
- اعتذار الرجل للمرأه ذل أم احترام للذات ؟؟
--------->حسب المراة يعنى فى ست الاعتذار ليها اكبر غلط
5- رتب هذه الكلمات على حسب اهميتها عندك المال - الحب - الصديق - المستقبل المهني - العائلة !!!!
---------> العائله- المستقبل المهنى-الصديق-الحب - المال
6- اغمض عينيك دقيقه وتخيل قبلها انك صاحب الموقع ما هو اول قرار ستتخذه ؟
---------> ما عمرى اتخيل انى ابدا هكون صاحبة موقع
7- ايهم اكثر وبصراحه استلامك للرسائل خاصه ام ارسالك للرسائل خاصه ؟
---------> استلامى للرسائل اصل انا على طول معييش رصيد
8- مارأيك بالغيره ؟
-----------> الغيرة من الراجل للست حاجة روعة - الغيرة من الست للراجل حاجة ليها سبب
9- كم وزنك ؟؟
---------> ؟؟؟؟؟؟
10- كم طولك ؟؟
------------> ؟؟؟؟؟
11- ماذا تقول لمن ظلمك ؟؟
----------> دايما بقول فوضت امرى ليك يا رب
12- سر لاول مره تقوله لنا؟؟
---------> انا عندى 30 سنه
13- وجه نقد لكاتب الموضوع ؟؟
---------> امتى يا جنة هتعتمدى على نفسك؟
14- هل وضعك كلمة منقول لموضوع نقلته تزعجك ؟؟
---------> لا نهائى- ابسلوتلى
15- ماهي الحيوانات التي قمت بتربيتها قبل ذلك ؟؟
---------> لا مبعرفش اصلى بخاف جدا - لو كتكوت جه عليا اصرخ سنة وكانه وحش
16- كتاب حياتك بم تصفه في كلمات معدوده ؟؟
--------> الفرح فى سطرين والباقى كله عذاااااب
17- شخص تفتقده ,, من هو ؟؟ ليس شرطا ان يكون عضوا !!!!!
نفسى اشوف بنتى تانى - بخاف لانسى ملامحها
18- قرار اتخذته وتسرعت به ومن ثم ندمت عليه؟؟
-------------> انى نقلت ف شقة تانية
19- لا اسمع لا ارى لا اتكلم ,, متى تطبق هذه المقوله بحياتك ؟؟
-----------> ان حد يقولى سر وييجى حد تانى عايز يعرفه
20- قم بتوجيه نصائح الى خمس اعضاء قم باختيارهم انت ؟؟
(حوا)-- متعمليش اوف لاين كل ما تشوفى خلقتى وانا عمرى ما هغلس
(بسمات دامعة) -- ساعات كتير بفكر ان انت اللى صح واحنا اللى غلط
(نور الله)-- حاسة ان جواكى حاجة مخلياكى خايفة على طول
(هنى بى) اثبتى لى ان الراجل مش كل حاجة وان الست تقدر تستغنى عنه - حتى لو بتحبه
(المهندس محمود) بلاش تقف ادام القطر - انت مش ادى
(غاوى جنة)--- ايه المدح ده كله للناس فيك - هى دى روايه خيال علمى؟
22- لو الزمان عاد يوما ماالشي الذي ستفعله مره اخرى ومالشيء الذي لن تفعله مره اخرى ؟؟
----------> لو الزمان رجع تانى هتعامل مع ناس بتكبر لانى لما اتباسطت خسرت-والشئ اللى مش هعمله انى اصدق كلام اى حد
23- ملحوظه لاحظتها على عضو من الاعضاء ماهي ؟؟ ومن هو العضو ؟؟
مالك بن سيف الله- لابس صيفى ف عز الشتا
24- شيء حدث بحياتك غير مجرى حياتك ؟؟
---------> وفاة بنتى خلانى عصبية جدا
25- كلمة تتمنى سماعها كل يوم ؟؟
--------> كلمة انا اسف انا غلطت ف حقك
26- هل جنس كاتب الموضوع له تأثير عليك لتضع ردا ؟؟
--------> ابسلوتلى - كلكم زى اولادى

حسبى شوية فعلا قطر لما هما ولادك انا بقى ماما ستو متتكلميش فى السن خالص
افتحى ايميلك الاقديم وانتى تعرفى انك ظلامنى

اقتباس :

يا جماعة يا جماعة اغيب يومين محدش يقول جنة الخلد فين لا لا مكنش العشم

يعني مستخسرة فينا يومين لراحة البال والهدوء

اقتباس :

100 كيلو حتة واحدة يا ربنا - طب ممكن تحويل رصيد؟

اتريقي اتريقي ع الناس

اقتباس :

كنت هالغي عضوية جنة الخلد وزرقاء اليمامة---------> طب ع العموم انا مش هرد عليك انا هسيب المهمة دى لزرقاء

هههههههههه.....زرقاء مين دي؟ بيتهيألي سمعت الاسم ده قبل كده!!!

اقتباس :

الكلام سهل اوى يا يمامة لكن التنفيذ مستحيل

هو ده بيت القصيد وحل المشكلة وهو تغيير فكرتك نفسها وتشيلي كلمة مستحيل....ودائما لما يبقى عندك مشكلة لايمكن التخلص منها....حاولي اعادة توجيه المشكلة وتحويلها لحل او ميزة

اقتباس :

انى ابقى العضو والمشرف وصاحب الموضوع المميز واغير اسم المنتدى واسميه دعاء الكروان

هو ده التصرف الصحيح ....ليه الواحد يتعب ويقعد يشارك شهر كاااااااااااااااااامل علشان في الاخر اسمه يتحط شهر واحد وبعد كده تيجي ناس زي جنة الخلد ما عملتش حاجة خاااااااااااالص وفي الاخر تاخدها بكل سهولة (كوسة)

اقتباس :

اقول لكوا على سر انا ظلمنى فى حياتى تلاته واحد جاله ازمه قلبيه والتانيه ست جالها سرطان وابنها مات والتالته ماتت متاثره بمرضها الشديد والله انا بتكلم جد لذلك انا لا اقول الا حسبى الله ونعم الوكيل وبسيبها على ربنا

لا حول ولا قوة الا بالله.....نصيحة يا حواء من الشهر اللي جاي هني بي اسمها يتحط فوق بالبنط العريض كمديرة ومشرفة وعضو مميز ونعملها موضوع كمان اسمها يكون عنوانه علشان يتحط فوق....العمر مش بعزقة...ولادك محتاجينك....وهي مش شوية بتلمح عضو مميز وبعد كده سرطان ومات ...خدي بالك

اقتباس :

فين الخمسه جنيه اللى عليكى يا جنه ؟

هي بردو ليها خمسة جنيه!!!!....انتي عمالة تستلفي من الناس كلها؟ انا عايز فلوسي

اقتباس :

حسب المراة يعنى فى ست الاعتذار ليها اكبر غلط

والله العظيم احسن واصدق كلمة قولتيها من ساعة ما اشتركتي في المنتدي
بس ده معناه ان مش كل الستات زي بعض؟صح؟

اقتباس :

العائله- المستقبل المهنى-الصديق-الحب - المال

رد غريب بالنسبة لواحدة ست.....الرجالة ممكن اللي بيخلوا الحب في الاواخر

اقتباس :

الغيرة من الراجل للست حاجة روعة - الغيرة من الست للراجل حاجة ليها سبب

طب كويس....يعني انا طبيعي كده..هههههههههههه

سلاااااااااااااااام بقه لحسن جاتلي شغلانة عاجلة

تفائل دائما بالخير تجده
بسمات برضو متحملش نفسك كتير
بسمات:ارحم نفسك يابني وكن وسطا (لا تكن سهلا فتعصر ولا تكن صلبا فتكسر)
وبسمات مزودها حبتين في عتاب نفسه وخايف عليه لينقلب 180 درجة زي ما حصل معايا سابقا(اسأت استخدام التعبير اخى )(مزودها حبتين)
بسمات برضو متحملش نفسك كتير
بسمات دامعه ---------------> ابتسم بدون دموع
الله المستعان لعله خير لا اعلمه ولا تعلموه لعل خشيه او دمعه صادقه نزلت فى يوم محت بها ذنوب الدهور لعل قولا صادقا من القلب انطلق اتاه الرد غفرت لك ولا ابالى لعل ولعل ولعل ومادام هى لعل فلا أأمن مكر الله ..... جزاكم ربى خير

(بسمات دامعة) -- ساعات كتير بفكر ان انت اللى صح واحنا اللى غلط
لا يااستاذه جنه انا اقل خلق الله ارضائا لله اللهماغفر لى ما لا يعلمون واجعلنى افضل مما يظنون اللهم امين
مالك بن سيف الله- لابس صيفى ف عز الشتا اولا سيف الله دى كنيه حضرتك مش اسمى ثانيا ادينا يااستاذه جنه خليناهولك شتوى الصيفى ده كانت لقطات نادره

اقتباس :

طب والله العظيم والله العظيم - انا بحس بمتعة غير طبيعية لما بقرا كلامكم مش فضول ابدا والله كل الحكاية بحس ان احنا بجد قاعدين مع بعض وبندردش وبنتعرف على بعض اكتر- مش عارفة انتو بتحسو بكده ولا لا ؟ يلا اتمنى مزيد من المشاركة

شىء طبيعى لما حد بيرتبط بناس افتراضين " زينا كده " بيكون عنده حافز دائما انه يعرف عنهم اكتر
ونوعية المواضيع اللى زى دى بتزيد من حجم المعرفه عنده وبتشبع فضوله اللى لازم يكون موجود نتيجة افتراضية الاصدقاء والناس اللى بيكلم معاهم
اقولك بقا على حاجه جميلة هاتعجبك

موضوع كرسى الدردشة او ما يسمى " الاعتراف " نستضيف عضو كل اسبوع وكل واحد فينا يطرح عليه عدد من الاسئلة وهو يجمعهم ويرد عليهم واجمل حاجة بقا حضرتك تشرفينا وتكونى اول واحدة تقعد على الكرسى اللذيذ ده


* مجموعة من الاسرار الشبة مستحيل انها تظهر وخاصا من الجنس اللطيف ظهرت فى الموضوع ده

اقتباس :

---------> انا عندى 30 سنه

عرفت ليه دلوقتى قلتى " كل شوية حضرتك حضرتك "

اقتباس :

بقى عندى 37 سنة علية العوض

كل سنة وحضرتك طيبة يا فندم

باقى honeybee

اقتباس :

(غاوى جنة)--- ايه المدح ده كله للناس فيك - هى دى روايه خيال علمى؟

مش عارف والله .....كده احتمال افكر اترشح لمجلس الشعب
وبجد ده حسن ظن فقط من اخواتى وربنا يبارك فيهم ويجعلنى كما يظنون وخاصا اختى يمامة اللى بشكرها جدا على حسن ظنها بى .

حاجه اخيرة عايز اسال جنة عنها فين السؤال رقم 3 ، 4 وايه هما وليه ما جبتهمش مع باقى الاسئلة .

مالك بن سيف الله- لابس صيفى ف عز الشتا اولا سيف الله دى كنيه حضرتك مش اسمى ثانيا ادينا يااستاذه جنه خليناهولك شتوى الصيفى ده كانت لقطات نادره[quote]-----
انا احسبه اسمك والله معلشى حصل خير وبعدين الاسم ده مرتبط معايا باسم وكيل مدرسة وكان اخلاق بدرجة رهيبة ولغاية اللحظة دى انا بدعى له بظهر الغيب - بس الصورة
الاخيرة دى جميلة اوى الله اكبر عليه-

موضوع كرسى الدردشة او ما يسمى " الاعتراف " نستضيف عضو كل اسبوع وكل واحد فينا يطرح عليه عدد من الاسئلة وهو يجمعهم ويرد عليهم واجمل حاجة بقا حضرتك تشرفينا وتكونى اول واحدة تقعد على الكرسى اللذيذ ده [quote]---------> انا مش فاهمة كرسى الاعتراف ده حقيقى ولا مجازى؟ يعنى ف الواقع ولا النت
بس تتصور الفكرة حلوة اوى

---------> انا عندى 30 سنه------ شفت بقى انك ظالمنى


حاجه اخيرة عايز اسال جنة عنها فين السؤال رقم 3 ، 4 وايه هما وليه ما جبتهمش مع باقى الاسئلة .----------> ما شاء الله عليك اخ غاوى - بالنسبة للاسئلة الناقصة انا اللى مسحتها لانها بصراحة محرجة - ومن الاخر استحالة حد كان هيجاوب عليها

اقتباس :

انا مش فاهمة كرسى الاعتراف ده حقيقى ولا مجازى؟ يعنى ف الواقع ولا النت
بس تتصور الفكرة حلوة اوى

طبعاعلى النت الفكرة اننا بنختار عضو وبيقعد على الكرسى " بنستضيفه " لمدة 3 ايام مثلا او اسبوع وبنحدد لكل عضو مثلا 5 اسئلة او اكتر او اقل يسألهم للعضو ويحى اللى بعدة يسأل وهكذا وهو برحته بقا يجاوب على الاسئلة مرة واحدة عضو عضو بس مايزدش عن المدة بتاعته " الموضوع كان موجود فى منتدى بنىسويف وكان ناجح بشكل جيد جدااا "

وطبعا استاذتنا حواء هتحدد قوانين للموضوع من حيث المدة وكمية الاسئلة والعضو هو اللى بيختار مين اللى يقعد بعدة وهكذا .
واكيد من حقه مايجوبش على بعض الاسئلة اللى مثلا بتكون شخصية واكيد محدش فى اللى بيسال هايتدخل فى امور لا يجب الاجابه عنها او لا تخصه .

وصلت الفكرة يا فندم ؟

اقتباس :

بالنسبة للاسئلة الناقصة انا اللى مسحتها لانها بصراحة محرجة - ومن الاخر استحالة حد كان هيجاوب عليها

كنت متوقع بس مش لدرجة استحاله يعنى

وصلت الفكرة يا فندم ؟
وصلت الفكرة وانا موافقة بس طبعا شوفو باقى الاعضاء

وبالنسبة للاسئلة انا متاكدة ان محدش كان هيجاوب لنه حتى لو جاوب مش هيكون صريح - يبقى السؤال فقد اهميته - وصلت الفكرة يا فندم

وصلت يا فندم

وعامتا انا جبتهم بطرقتى الخاصة

شوفى بقى يا جنه لو السما انطبقت على الارض مش هاعرف اعيش ولا اتنفس بدون زوجى اصدقك قولا بانى منذ سفر زوجى لا ارى للدنيا الوان بدون مبالغه0هاكمل الاجوبه
0
شخص تفتقده ,, من هو ؟؟ ليس شرطا ان يكون عضوا

زوجى وصديقتى شيماء تمراز

قرار اتخذته وتسرعت به ومن ثم ندمت عليه؟؟

ندمت على دخولى كلية التمريض لفتره ثم فرحت بها جدا بعد كده لدرجه انى كنت هاندم لو سبتها0

لا اسمع لا ارى لا اتكلم ,, متى تطبق هذه المقوله بحياتك ؟؟

فى المعهد الذى اعمل به بالتدريس

قم بتوجيه نصائح الى خمس اعضاء قم باختيارهم انت ؟؟

غاوى ---->استمر فى طريقه مشاركاتك الاولى
جنه ----> ربنا يهديك
بسمات ---> هون عليك
يمامه ---> اكثرى من تواجدك
حوا----> مستعده للتعرف عليكى

لو الزمان عاد يوما ماالشي الذي ستفعله مره اخرى ومالشيء الذي لن تفعله مره اخرى ؟؟

الذى سافعله مره اخرى ان اتزوج زوجى , الذى لن افعله مره اخرى ان اكون غير محجبه فى يوم زفافى 000

ملحوظه لاحظتها على عضو من الاعضاء ماهي ؟؟ ومن هو العضو ؟؟

ان نور الله مش معبرانى وكانى لابسه طاقيه الاخفاء

شيء حدث بحياتك غير مجرى حياتك ؟؟

سفر زوجى

كلمة تتمنى سماعها كل يوم ؟؟

بابا جه

هل جنس كاتب الموضوع له تأثير عليك لتضع ردا ؟؟

لا طبعا

سر لاول مره تقوله لنا؟؟

ان جنة الخلد اختى من امى وابويا000

اقتباس :

ان نور الله مش معبرانى وكانى لابسه طاقيه الاخفاء

لا والله ليه بس بتقولي كده
انا بس لسه مش عرفتك اوي علشان كده مش حطيتك في النصائح علشان يبقي ليها معني
وبعدين اعذروني ياجماعه انا اليومين دول مش متظبطه خالص عايزه اخد قرار وكل مابخده برجع زي العيله فيه وده مدايقني جدا ومش متابعه اوي لاني مش مركزه معلش العتب علي الظر والله ياهوني بي بس ربنا يعلم انك من الاشخاص اللي مواضيعها رغم قلتا الا وانها بترك اثر
علي فكره صاحبتي الانتيم كانت في كليه تمريض في اسيوط وانا في علوم واحنا الاتنين سبناهم وجينا بني سويف تاني بنحبها بقي نعمل ايه "ههههههههه" حجه الفاشلين
بس بجد كليه التمريض جميله جدا بس للاسف سمعه المهنه مضيعه المهنه مع ان والله فيها ناس محترمين جدا واولهم امي ربنا يشفيها بس ساعه ماكنا في اسيوط كان في انك تكملي وتبقي دكتوره هل ده لسه موجود ولا خلاص
اما بقي مش عارفه انتي ولا جنه اللي طلبتوا الايميل
بس طالما انتوا الاتنين اخوات هبعته ليكم انتو الاتنين انا دورت علي المشاركه بس تقريبا نظري ضعف مش لاقيه الكلام وكمان مش فاكره مين كان كاتبه مش بقولكم العتب علي النظر
الحمد الله ممكن بقي بعد الرغي ده تدعولي معاكم

1- ياورد مين علمك تجرح ,,, لمن توجه هذه العباره ؟؟

للزمن

2- اعتذار الرجل للمرأه ذل أم احترام للذات ؟؟

احترام وموده وحب

5- رتب هذه الكلمات على حسب اهميتها عندك المال - الحب - الصديق - المستقبل المهني - العائلة !!!
الصديق -الحب -العائله-المستقبل المهنى-المال

6- اغمض عينيك دقيقه وتخيل قبلها انك صاحب الموقع ما هو اول قرار ستتخذه ؟

ياجماعه فى رد عايز اكتبه بس هتزعلوا منى
فامتنع

7- ايهم اكثر وبصراحه استلامك للرسائل خاصه ام ارسالك للرسائل خاصه ؟

لا هذا ولا ذاك


8- مارأيك بالغيره ؟

حب اعمى

9- كم وزنك ؟؟

الحمد لله لى وزن وثقل فى اى مكان اتواجد فيه


10- كم طولك ؟؟

طويل النجاد رفيع العماد......


11- ماذا تقول لمن ظلمك ؟؟

سامحنى ان كنت قد بدات انا بالظلم وغفر الله لى ولك وجمعنا فى الجنه بعد عفوك عنى او عفوى عنك

12- سر لاول مره تقوله لنا؟؟

كان نفسى يكون عندى اخت اصغر منى بسنه او سنتين كنت هحبها اوووى اووووى

13- وجه نقد لكاتب الموضوع ؟؟

هى نصيحه (قدم لنفسك خيرا وانت مالك مالك
من بعد تصبح فردا ولون حالك حااالك
ولست والله تدرى اى المسالك سااالك
اما لجنه عدن او فى المهالك هااالك


14- هل وضعك كلمة منقول لموضوع نقلته تزعجك ؟؟

لا يهمنى كثيرا انظر الاهم الى الفائده

15- ماهي الحيوانات التي قمت بتربيتها قبل ذلك ؟؟

لا شئ

16- كتاب حياتك بم تصفه في كلمات معدوده ؟؟

صبرا- وامل- ورجاء- وخوف- وتمنى -وياليتنى- وماذا بعد- ولله الحمد

17- شخص تفتقده ,, من هو ؟؟ ليس شرطا ان يكون عضوا !!!!!

محمد مختار افتقد فيه حيويته وقوته واصراره وصلابته افتقده من زمنا بعيد

18- قرار اتخذته وتسرعت به ومن ثم ندمت عليه؟؟

لا اندم على قرار اتخذته

19- لا اسمع لا ارى لا اتكلم ,, متى تطبق هذه المقوله بحياتك ؟؟

باذن الله لن اطبقها


20- قم بتوجيه نصائح الى خمس اعضاء قم باختيارهم انت ؟؟

حواء --- استشف نقطه تؤلمك كثيرا واشترك مع حضرتك بها فأصبرى


زرقاء اليمامة --- اللهم انفع الاسلام بها

نور الله ---- (حضرتك حساسه والدنيا دى ما تستاهلش كده)

المهندس محمود - ولدتك امك ياابن ادم باكيا والناس حولك يضحكون سرورا
فاعمل ليوما تكون فيه اذا بكوا فى يوم موتك ضاحكا مسرورا
غاااوى جنه - ممكن بعد اذن اختنا حواء اتنازل لك عن اشرا القسم الدينى ؟؟

بسمات دامعه--- ويلى ثم ويلى ان لم يغفرلى الله

22- لو الزمان عاد يوما ماالشي الذي ستفعله مره اخرى ومالشيء الذي لن تفعله مره اخرى ؟؟



23- ملحوظه لاحظتها على عضو من الاعضاء ماهي ؟؟ ومن هو العضو ؟؟

جنه الخلد---- بين نارين
حواء---- عقلها وتفهمها للامور ممتاز وعندها ردود جمييييييله
المهندس محمود--- مش عارف احدد شخصيتك


24- شيء حدث بحياتك غير مجرى حياتك ؟؟
معرفتى بزوجتى

25- كلمة تتمنى سماعها كل يوم ؟؟

اتمنى دعوه يوميه ثابته من اى فرد بظهر الغيب


26- هل جنس كاتب الموضوع له تأثير عليك لتضع ردا ؟؟

نعم وفكر كاتب الموضوع ايضا

اقتباس :

سر لاول مره تقوله لنا؟؟

ان جنة الخلد اختى من امى وابويا000

معقووول

لما عرفت بصراحه تفاجئت جدا لان ماكنش ظاهر خاااالص ، حتى ماكنتش بتغلطوو ماشاء الله " رغم انى باخد بالى قوى من التفاصيل بطبيعتي "

بس تنفعه فى المخابرات

اقتباس :

غاوى ---->استمر فى طريقه مشاركاتك الاولى

OK

وصلت يا فندم