ممكن نكمل فضفضة؟؟؟؟؟

ربنا يهديكى للطريق الصحيح يا اختى نور ويثبتك على الحق ان شاء الله 000

شوفتوا بقى ولا كان باين علينا حاجه بس جنه كانت هتقتلنى لما افشيت السر

كرسي الاعترااااااااااااف لالالالالالالالالالالالالالالالالالالالالالالالالا

انا مش موافق....وبتكلم بجد

اقتباس :

انا عندى 30 سنه------ شفت بقى انك ظالمنى

هو مين ده اللي مستغني عن نفسه ويظلمك....ثم ان 30 سنة يعني عجوزة والمفروض يقولك يا حاجة

اقتباس :

ان جنة الخلد اختى من امى وابويا000

اوووووووووووووه نوه....مش معقول....قنبلة الموسم ومفاجأة
مستحيل اصلا الشخصيتان مختلفتان تماما.....علشان تبقي تعملى مواضيع تاني من النوع ده يا جنة....ادي طباخ السم بيدوقه

اقتباس :

الحمد لله لى وزن وثقل فى اى مكان اتواجد فيه

يا واد يا تقيل

اقتباس :

كان نفسى يكون عندى اخت اصغر منى بسنه او سنتين كنت هحبها اوووى اووووى

انت عامل زيي يابني....بس انا كنت عايزها اصغر بعشر سنين علشان اربيها ع ايدي بدل الخنشور الصغير اخويا ابراهيم اصغر مني بعشر سنين واطول مني

اقتباس :

محمد مختار افتقد فيه حيويته وقوته واصراره وصلابته افتقده من زمنا بعيد

بيتهيألي سمعت الاسم ده قبل كده

اقتباس :

المهندس محمود--- مش عارف احدد شخصيتك

لييييييييييه يا جدع....بس تصدق انا نفسي مش عارف.....بس ما تخافش هي شخصية ثابتة مش متقلبة وماشي ع قوانين اضعها لنفسي لزوم راحة الدماغ....بس ساعة القرارات ببقى انسان متردد جدا....بس الحمد لله القرار غالبا بيبقى صائب....وحظك طبعا معايا مش عارفين نتقابل لظروف الشغل والسفر لدرجة اني بسافر ما بين كذا محافظة وارجع في نفس اليوم وساعات انام من غير بطانية في عز الشتاء لان قرار السفر مفاجئ وما بلحقش اجهز نفسي....لكنهم وعدوني باجازة طويلة باذن الله قريبا وهنتقابل باذن الله واجيبلك غاوي من ودانه علشان هو السبب في كل ده

اقتباس :

شوفتوا بقى ولا كان باين علينا حاجه بس جنه كانت هتقتلنى لما افشيت السر

ايه ده؟ وكمان شخصية عدوانية...ربنا يكون في عونك اختنا هني بي

ايه يا باشمهندس انت ازاى ما كنتش تعرف لحد دلوقت ده فى رد انا رديته عليك فى مره يبين ان فى علاقه قويه بينى وبين جنه وبعد كده انت جاى على جنه اوى كده ليه دى وديعه جدا بس انت اللى مش قاريها كويس

اقتباس :

ايه يا باشمهندس انت ازاى ما كنتش تعرف لحد دلوقت ده فى رد انا رديته عليك فى مره يبين ان فى علاقه قويه بينى وبين جنه

امتى؟ مش فاكر والله

اقتباس :

وبعد كده انت جاى على جنه اوى كده ليه دى وديعه جدا بس انت اللى مش قاريها كويس

انا؟ بالعكس ده انا مظلوم....هي النقطة في ان جنة شخصية ممكن تقولي بتعرف تقول كلام وبتنقي كلمات مش عارف بتجيبها منين؟ومنها اللي يضحك ومنها اللي يغيظ ولكن والله مفيش حاجة ده مجرد دعابة وبعتبرها اختي الكبيرة

والله انا كمان بهزر000

ياجماعه فى رد عايز اكتبه بس هتزعلوا منى
فامتنع-----------------> لا متمتنعش واحنا باذن الله مش هنزعل

اما لجنه عدن او فى المهالك هااالك --------------> طب وذمتك انا مسميه نفسى جنة الخلد عشان ابقى ف المهالك هالك

جنه الخلد---- بين نارين-----------------> ل ارجوك ارجوك افهمها ويا ريت من غير الغاز

جنة شخصية ممكن تقولي بتعرف تقول كلام وبتنقي كلمات مش عارف بتجيبها منين؟ومنها اللي يضحك ومنها اللي يغيظ ولكن والله مفيش حاجة ده مجرد دعابة وبعتبرها اختي الكبيرة-------------------> طب وذمتك انا غيظتك امتى ؟ مش انت اللى بتقف ادام القطر





ولمعلوماتكم انا مكنش عمرى هقول ان هنى بى اختى ابدا- بس هى منها لله افشت السر-بس بصراحة اكلت علقة سخنة - دانا اتصدمت اكتر منكم لما قريت ردها - يلا مش مشكلة

لا متمتنعش واحنا باذن الله مش هنزعل
والله اشعر انكم هتزعلوا لانه رد هيقسم المنتدى الى فريقين او لانه هيواجهنا ادام نفسنا فعشان كده همتنع

اما لجنه عدن او فى المهالك هااالك --------------> طب وذمتك انا مسميه نفسى جنة الخلد عشان ابقى ف المهالك هالك ومن ذا الذى يعلم الى اى المصير يصير

اقتباس :

ومن ذا الذى يعلم الى اى المصير يصير

انا بختلف معاك يا بسمات هنا

يا اخى الانسان علاقته بربه زى الطائر اللى بجناحين

جناح الخوف & وجناح الرجاء

كما قال الامام ابن القيم: (المؤمن كالطائر رأسه المحبة، وجناحاه الخوف والرجاء، فإذا سقط الرأس هلك الطائر، وإذا فقد أحد جناحيه كان عرضة للصيد).

واذا اختل جانب منه لصالح الاخر كان فريسة سهله للشيطان

فاذا رجح كفة الخوف " وقع تحت من تقول فيهم الاية الكريمة " يقنط من رحمة ربه الا القوم الضالون "والاية الكريمة " لَا يَيْئَسُ مِنْ رَوْحِ اللَّهِ إِلَّا الْقَوْمُ الْكَافِرُونَ"


واذا رجح كفة الرجاء " بمعنى الاستهانة بفعل الذنوب والمعاصى رجاءا فى رحمة الله التى لايستحقها هنا يقع تحت من قالت فيهم الاية الكريمة " أَفَأَمِنُوا مَكْرَ اللَّهِ فَلَا يَأْمَنُ مَكْرَ اللَّهِ إِلَّا الْقَوْمُ الْخَاسِرُونَ "


وربنا يجعل لاختنا جنة الجلد نصيب من اسمها باذن الله

واخيرا

.. لا يجوز للإنسان أن يعتمد على الخوف فقط حتى يقنط من رحمة الله، ولا الرجاء فقط حتى يأمن من عذاب الله، بل يكون خائفا راجيا، يخاف ذنوبه، ويعمل بطاعة الله، ويرجو رحمته كما قال سبحانه: (إنهم كانوا يسارعون في الخيرات ويدعوننا رغبا ورهبا وكانوا لنا خاشعين)، وقال عز وجل: (أولئك الذين يدعون يبتغون إلى ربهم الوسيلةأيهم أقرب ويرجون رحمته ويخافون عذابه إن عذاب ربك كان محذورا)

الله الله على كلامك يا اخ غاوى والله فرق معايا - اصلى كنت خلاص ايقنت ان انا ف المهالك هالك- طب يا اخ بسمات يمكن عملى ميدخلنيش الجنة لكن ممكن بنتى هى اللى تدخلنى- انا بقول ممكن - وهفضل اقول لك انا حسن ظنى بالله كبير جدا - انا بحب جدا التواشيح اللى بتيجى على اذاعة القران الكريم المنشد بيقول فيها ( الهى ان يكن ذنبى عظيم فعفوك يا اله الكون اعظم )

هناك سوء فهم كبير فعلا زعلنى اوووى منكم اولا ان لا اقصد اى شى لااختنا جنه بالابيات ثانيا استاذ غاوى انا اعلم ما تقول جيدا عن الخوف والرجاء لكنى يااخى يغلب على الخوف ولوم النفس واتهامها بالتقصير المستمر واعلم انى لن لن ادخل الجنه بعملى واعتقد كلنا ايضا انما برحمته واعلم ان رحمته سبقت غضبه لكن خوفى من رؤياه والوقوف بين يديه عظيمه تجعلنى انسى ان هناك جنه ارى ان عذاب الله شديد واعلم ان رحمته عظيمه لكن ومن يأمن مكر الله وانا لا اوجه اى اتهام بالتقصير لجنه لانى شعرت ان المساله عندها اصبحت شخصيه انى اتهمها او اوبخها عياذا بالله (اصلى كنت خلاص ايقنت ان انا ف المهالك هالك) (شكرا حضرتك وصل تعليقك)
وربنا يجعل لاختنا جنة الجلد نصيب من اسمها باذن الله (اللهم امين يااخ غاوى ) انا ما دعتش على حد عشان التصحيح اللى حضرتك كاتبه ده انا لا اتمنى لااى مسلم ولا مسلمه سوى الجنه والرحمه لكن ارجوها رحمه بلا سابقه عذاب ولا عقاب لانها لظى نزاعه للشوى لانها ترمى بشرر كالقصر افهمتم قصدى وارجع اقول انا ما قصدتش توجيه اى حديث بصوره شخصيه لااختنا جنه واحسبها على خير ولا اذكى على الله احد
إنهم كانوا يسارعون في الخيرات ويدعوننا رغبا ورهبا وكانوا لنا خاشعين) طبعا طبعا حضرتك عارف الايه دى نزلت فى واسف اختنا جنه واعدكن انى ما اقدمش ولا نصايح ولا اى تعليقات لشخص بعينه بعد اليوم لاتى ارى بعض التحامل على رأى وكثر المعارضون وكاننى الحزب الوطنى فى المنتدى ( سلام عليكم ورحمه الله )

هههههههههههههه

ماشى يا عم يبتاع الحزب الوطنى

اخى بسمات انا اعرفك جيدا واقسم انى اعرف نيتك ولكن عذرا النية ليست كل شىء

يجب ان اكون حريص على الا يفهم من كلامى سوا ما اقصد فقط

اقتباس :

اعدكن انى ما اقدمش ولا نصايح ولا اى تعليقات لشخص بعينه بعد اليوم

لا طبعا مش ده اللى عايزينه

وانا شخصيا هازعل منك جدا لو عملت كده

خلى بالك طويل وصدرك رحب الموضوع والله مش تحامل ولكن انا اللى شايفه انك زى ما بتقول بالظبط بتحب تاخد نفسك بالعزم وبالشدة اكثر وبتميل لجانب الخوف من المولى عز وجل ده شىء جميل جدا ومش مزوموم ابدا ولكن يجب ان يختلف الامر وان ادعو الناس واحدثهم يجب ان نوازن هنا بين الخوف والرجاء بل بالعكس ابداء بالترغيب اولا ولابد للداعاية ان يكون يميل لكفة الترغيب اكثر ثم التنبية عن الاعتدال فى الترغيب بحيث لا ياخذة جانب الرجاء الى التوكل عليه دون العمل

باختصار شديد انت محق فى ان تاخذ نفسك بالعزم والقوة ولكن مع الغير كداعية يجب ان تكون حريص على التوازن " بل واجب عليك ذلك " انا بكلم بسمات الداعية وليس بسمات الانسان


(وادعو الى سبيل ربك بالحكمة والموعظة الحسنة)

ايه يا اخ بسمات- مالك بس زعلان ليه- انا والله ما زعلت وفهمت قصدك صح خالص- هو فى اخت تزعل من اخوها الصغير وبالعكس لو فى غلط ف شخصيتى قومنى وعمرى ما هزعل - اومال احنا دخلنا المنتدى ده ليه؟ المواضيع ف المنتدى مش مجرد مرسل ومستقبل لا طبعا- الموضوع تواد وتحاب ف الله - بالعكس انا بفرح جدا لما بلاقى حد يقولى كده غلط وكده صح ما احنا لازم نتعاون على البر والتقوى- وانا فاهمة كويس ان ابيات الشعر دى قصدها النصيحة ليس اكثر- والاخ غاوى كان يقصد بس انك تاخد المواضيع بالين وبالهدوء عشان انا او غيرى ميفهمش كلامك غلط- وبعدين مش معقولة يعنى احط سؤال واطلب منك تنقدنى فيه وبعد كده ازعل- بس كل الحكايه ان انا خفت من الكلام ولو قرات الرد بتاعى تانى هتلاقيه خوف مش زعل- وانا هقولك على حاجة انت من الناس اللى بستنى ردودهم لانى عارفة ان ردك واضح وصريح- ولو سمحت متقولش انك مش هتقدم نصايح لحد بعينه لا انا موافقة وانقد براحتك- لان احنا مش متعودين انك سلبى او ما بتشاركش- وبعدين انت خدتنى ف دوكة ومقلتش يعنى ايه جنة الخلد بين نارين اصل الكلمة دى حقيقى جدا - بس عايزة اعرف مفهومها ايه عندك؟؟؟

اسمح لى اخى بسمات مش كل حد يواجه نقد حاد شويه يقول انا مش هانصح انا مش هارد انا مش هاخش المنتدى تانى انا هانتحر مش كده يا جماعه مش كل شويه هانراضى حد فيكوا انا تعبت من التهديدات دى فى ناس كده همه اعمدة المنتدى ولو سابوه او قللوا من دورهم شويه المنتدى يقع وما يبقاش ليه طعم وطبعا حضرتك عمود من العواميد دى
ربنا يهديك000

انا مش هانصح انا مش هارد انا مش هاخش المنتدى تانى انا هانتحر مش كده يا جماعه مش كل شويه هانراضى حد فيكوا انا تعبت من التهديدات دى

ايه ده يا جماعة...مفيش ضرب ولا ايه؟
بس حلوة حكاية العامود دي....محسسني اني جوه بيت هيقع...هههههههههههههه

بس حلوة حكاية العامود دي....محسسني اني جوه بيت هيقع ههههههههه ابقى حطها يابشمهندس فى باب اضحك كركر

الله اكبر عليك يا واد يا مالك بتمشى تاتا ولا ايه؟ عقبال ما تملا الشقة جرى ولعب وتكسير- قول لبابا يا مالك عمتو جنة مزعلتش خالص

مواكب الشوق من قلبى اليكم اتت 00 تهدى المحبة فى الرحمن تبديها
انى احبكم فى الله الذى سجدت 000 له الجباه فرب العرش باريها
منابر النور يوم العرض موعدنا 000 بشراكم ان انتم قد تأخيتم مع من فيها
=============================

احبك الذى احببتنا فيه- ما هو فى شعر جميل اهو يا اخ بسمات

انا جيت اخي بسمات انت بتنادي علي "نعم انا هنا جيت بسرعه اهوت "
اسكتوا كتبت رد امبارح في الموضوع ده قعدت والله اكتب كتابه نصف ساعه بدون مبالغه مستمره في الكتابه مش عارفه اقف واضحك واهرج وكتبت كتابه ياالهي كانت فعلا اخرها ا ني انتطرد من المنتدي نهائي بس مختصر اللي كتبته طبعا اننا والله اخونا بسمات بنعزك اوي
بس بردوا سالتك علي ايه جنه بين نارين وقولت في ردي ان الجنه محفوفه بالشهوات يبقي ديت نار طيب النار التانيه مين ؟؟؟؟؟؟؟؟؟؟؟
وحكيتلكم علي الواد شلاديمو بن بن خالتي اللي مدرسته مش بترضي تدخله الفصل الا لما يبتسم الواد في كيجي وان بس علي طول لا يضحك وحكيتلكم قصته بالتفصيل اوي بس الحمد الله انت النت قطع وضيع عليكم كل الوش الي كنتم هتقرأوه

وبردوا رديت ان كلام اخي غاوي كان ليه معني كبير اوي وهو فعلا اخي بسمات لم يقصد ابدا هو جنه انه يزعلوا خالص ولا ينتقدوك ولا احنا كمان بننتقدك في خوفك ولا حزنك بس فعلا انت نحسبك علي الله من الدعاه الي الله والدعوه الي الله تحتاج التوازن فعلا بين الخوف والرجاء ومش هعيد كلام اخي غاوي هو افاض في هذه النقطه

بس سيبك مالك ماشاء الله عليه غير ابوه خالص الواد ده حته سكره ربنا يخليهولكم يارب بسم الله ماشاء الله الله اكبر يارب يحفظه من كل سوء ويجعله ذريه خير لك ولوالدته امين

وبلاش تاخد الامور علي اعصابك اوي كده اخي بسمات الدنيا مش تستاهل
اذكر نفسي واياكم وسلام الله ورحمته وبركاته
واشهد الله اني احبكم في الله

بس بردوا سالتك علي ايه جنه بين نارين وقولت في ردي ان الجنه محفوفه بالشهوات يبقي ديت نار طيب النار التانيه مين ؟؟؟؟؟ كل قلب اعلم بنفسه من غيره والحمد لله انى ما اخطئت حتى لا تغضب منى اختنا جنه لكنى فعلا شعرت انها بين نارين وانتى بقى عايزه تعرفيهم اساليها هى واقولكم على حاجه كتير بيقولهالى عشان تاخدوا بالكم من الكلام معايا لله الحمد عندى قدره على فهم شخصيه الاخرين جيده وفهم افكارهم وطباعهم ومع ذالك اغضب سريعا خلى بالك بقى اختنا حفيده الدور عليكى انتى والهندسه

بس سيبك مالك ماشاء الله عليه غير ابوه خالص الواد ده حته سكره ربنا يخليهولكم يارب بسم الله ماشاء الله الله اكبر يارب يحفظه من كل سوء ويجعله ذريه خير لك ولوالدته امين
مين هيشهد للعريس غير
ادعولى بقى علشان انا على سفر الان وهغيب عن المنتدى يمكن 5 ايام يعنى القاكم السبت ان كان بالعمر بقيه واوعدكم بالدعاء لكم جميعا عضوا عضو حاضركم وغائبكم (سلام عليكم ورحمه الله)

اقتباس :

ادعولى بقى علشان انا على سفر الان وهغيب عن المنتدى يمكن 5 ايام يعنى القاكم السبت ان كان بالعمر بقيه واوعدكم بالدعاء لكم جميعا عضوا عضو حاضركم وغائبكم (سلام عليكم ورحمه الله

في رعايه الله اخي وخالي بالك من نفسك حفظك الله وسدد خطاك ونسالك الدعاء لنا بالهدي

اقتباس :

ومع ذالك اغضب سريعا خلى بالك بقى اختنا حفيده الدور عليكى

ليه بس كده والله ربنا يعلم مافي القلوب وبعدين اغضب اخي هو الاخوات يعني مش بيغضبوا من بعض بس انا ساعتها انا بردوا اللي هاجي واتاسف لك ما انت اخي ماينفعش اغضبك بردوا
يارب يكرمك اخي ويعزك ويعلي قدرك احنا كلنا نفترض هنا حسن النيا كل منا في الاخر والحمد الله اني احسن فيك الظن ربنا يعزك

اه صحيح انا بقيت نور الله مش حفيده وبصراحه رغم فضل حفيده علي طبعا الا واني اصبحت اعشق اسم نور الله وذلك لرؤيه رأيتها واتمني انها يتم فضلها علي يارب
يبقي ناديني باسم نور بقي علشان بعد كام سنه كده تقولولي يا ام نور حفظكم الله

عشان تاخدوا بالكم من الكلام معايا لله الحمد عندى قدره على فهم شخصيه الاخرين جيده وفهم افكارهم وطباعهم [----------------------> شفتى يا نور مش عايز يقول عمال يلف ويدور - خلاص يا اخ بسمات ولا يهمك مش عايزة اعرف- اهم حاجة الناس تفهمنى صح ومحدش يزعل منى- خدوا بالكم منو يا جماعه وانتو بتتكلمو ده طبيب روحانى حضرتو