ادعولى

اخوانى فى الله

اسف لعدم المشاركة اليومين اللى فاتو عشان يوم الخميس كان اجازة عندنا بمناسبة المولد النبوى الشريف ( كل عام وانتم بخير جميعا وكل عام ونحن متخلقين بخلقة ومتبعين لسنتة صلى الله عليه وسلم )

والجمعة اجازة طبعا .. بس جيت الشغل شوية صغننين اعمل حاجه سريعة فقلت اشوف بعض المشاركات .


واستأذنكم انى احتمال اغيب كام يوم لانى باذن الله اليوم هاعمل جراحة خفيفة كده ادعولى


واحب ابعت كام رساله كده صغيرة للاعضاء

- اختنا نور الله

استشفيت من كام رد كده ان يوم ميلادك كان امس اول اول امس
( كل عام وحضرتك بخير ومحققه امنياتك والى الله اقرب )

- اختنا حواء

فك الله كربك وهمك باذن الله

- اخونا بسمات

الموضوع مش مستاهل وياريت ننسى اللى فات ونخلى بالنا مش كلامنا ومشاركتنا دائما ( الموضوع مش محتاج بقا اننا نفضل نقولك بلاش تمشى وخليك معانا والكلام ده ... ماشى يا باشا )

اختنا هانى بى

- عجبتنى جدا مشاركتك الى قلتى فيها يارت نرد على بعض بدون ما نقعد نوق دى بنت ودى ولد ( دائما اراء حضرتك متميزة ومبروك على الرخصة ونعمل حسابنا منمشيش فى الشارع بقا يا شباب لمدة كام يوم كده عشان حوادث ما بعد التعليم )

انت هتقلقنا ليه؟ يا رب يطمنا عليك وتكون حاجة بسيطة - وترجع لبيتك ولسما بالف سلامة-اسال الله العظيم رب العرش العظيم ان يشفيك يا اخ غاوى

الف سلامه عليك اخي غاوي وربنا يرجعك بالسلامه لاهلك واخوانك امين

اقتباس :

استشفيت من كام رد كده ان يوم ميلادك كان امس اول اول امس
( كل عام وحضرتك بخير ومحققه امنياتك والى الله اقرب )

وحضرتك طيب
بس هو لسه ماجاش يوم ميلادي بس اخونا بسمات قال يلحق يهني قبل مايمشي بس شكله كده ربنا يرجعه بالسلامه

الله يبارك فيك اخى غاوى ويا رب تقوم بالسلامه ان شاء الله بس انا كان نفسى اعرف عمليه ايه وفي اى مستشفى علشان اقدر اخدمك بجد والله واوصى عليك من اول مدير المستشفى لحد اصغر عامل فيها 000

وانت طيب اخى رزقك الله بشربة من يدية الطاهرة

ان شاء الله ترجعلنا وصحتك بمب بس طمنا عليك

عايزين حد من الاخوة الرجال يطمنونا على اخونا غاوى- حد يطوع كده - الكل قلقان

اسال الله العظيم ان يشفيك ويرجعك بالسلامه ربنا يطمنا عليك وترجع لاخواتك بالف خير

don`t worry
غاوي بخير والحمدلله والكلام ده كان يوم الجمعة وكانت حاجة بسيطة وهو دلوقتي زي تيييييييت

اخونا غاوى بفضل الله بخير الموضوع بسيط بعض الشى والحمد لله اطمئننا عليه انا والمهندس وقريبا فى المنتدى بأذن الله

الحمد لله الحمد لله

حمد الله على السلامه اخى غاوى والف لا بأس عليك

ا السلام عليكم

ربنا يباركلى فيكم جميعا اخواتى فى الله

انا الحمد لله بخير

جزاكم الله خيرا ( جميــعا ) على مشاعركم الطيبة .

وشكرا اخى بسمات ومحمود على اتصالكم الجميل


وشكرا اخواتى حواء ، جنة الخلد ، honeybee ، نور ، وزرقاء اليمامة ( وحمدلله على السلامة )

عشان تعرف لزمة الجماعه الحسيين- عودا حميدا والف لا باس عليك

استحلفكم بالله يا اعضاء المنتدى تدعو لحوا ان ربنا يفك كربها- هى محتاجة لكل واحد فينا يدعلها = عايزين نوحد الدعوة -المنتدى مالوش اى طعم من غيرها

حمد الله على السلامه اخى غاوى المنتدى رجع نور تانى بس ناقصه شوية نور لما اختنا حوا ترجع من غير شر وبكل خير ان شاء الله