مكرونة بالباشامل على طريقتى ,

أسمحوا لى أن أقدم لكم المكرونة بالباشمل....بس بطريقتى أنا ياريت تعجبكوا...

المقادير ::



كيلو مكرونه أقلام _نصف كيلو لحم مفروم{ أو حسب الرغبة }
بصل مبشور _3حبات طماطم _ملح وفلفل .

لعمل الباشميل ::

10معالق كبيرة دقيق _زيت ذرة _5بيضة_3كوب لبن .ملح وفلفل



الطريقة ::




نعصج اللحم { يعنى نحمر البصل حتى يصفر لونه ثم نضيف الطماطم المعسورة

ونضيف اللحم المفروم ...ويترك حتى ينضج تماما ونضيف الملح والفلفل الأسمر }

نسلق المكرونه ونصفيها بدون ما نغسلها بالماء .

الباشميل :

نضع الدقيق مع الزيت على النار حتى يتغير لونه بسيط ..

ونبعده قليلا عن النار ونضيف اليه اللبن مع مراعاة التقليب المستمر...حتى يكون قوامه متماسك

ونرده للنار مع التقليب ونضيف البيض {ويكون قوامه لا سميك ولا سايل }

ونضع الملح والفلفل الاسود.

نحضر صينيه وندهنها بقليل من زيت الذرة ونضع نصف كمية المكرونة .

ونضيف عليها كمية اللحمة المعصجة ,ثم نضع باقى المكرونة ,

نضع الباشميل فوق الوجة ...بالتساوى,ثم نضيف بيضه مخفوقة بملح وفلفل بسيط

وتدخل فرن متوسط الحرارة ,حتى يحمر وجهها




وبالهنا والشفا....

يارب تكون عجبتكوا ...
[

تسلم ايدك يا بسمه وبلف هنا وشفاء لكل اللى ذاق الموضوع قصدى اللى قراه

مشكورة زرقاء اليمامه لمرورك الغالى

دمتى بتواصل ورقة فى كلماتك

ماشاء الله ماجستير فى المكرونه و دكتوراه فى الباشميل و2 دبلومه فى الحشو باين ريحه المكرونه جابتك من بعيد
بس دى مساله نفس فى الاخر على العموم تسلم ايدك يا بسمه

كم سعدت بوجودك الغالى زرقاء اليمامه

مشكورة غاليتى لحسن كلماتك التى اسعدتنى كثيرا

احترامى ياالغالية

تتصوروا الموضوع ده هيخلينى اعمل بكرة بشاميل ان شاء الله ويا سلام لو معاهم صينية فراخ ف الفرن - جوعتونى - بس الصينية دى سمكها صغير اوى ع المكرونة هى تنفع للبسبوسة ولا ايه؟ سلم ايديكى يا امه الرحمن

اقتباس :

هو حضرتك اتعلمت الطبخ علشان الغربة يعنى ولا في اسباب اخري؟؟؟؟؟

علشان عايزين اخويا يعود نفسه حتى عالبيض مش المكرونة

فعلا الغربة والقعدة مع ناس من كذا محافظة....بس اتعلمت بردو من زمايلي ...المهم يكون عنده قابلية للتعلم...لان كان معانا بعض زمايلنا بيعملوا بلاوي...زي البيض المقلي بالمية بدل الزيت والمكرونة بالتوم بدل البصل...واختراعات غرييييييييييبة

اقتباس :

وكمان لو في شوية عيش شمسي مطحون تريهم عالوش يتدى طعم جميل

ممكن بدل العيش الشمسي شوية بقسماط وطبقة زيت خفيفة ع الوش وياسلام بقه لو اللبن بقشطته...هههههههههههههههههه
الحمدالله لسه واكل مكرونة بالباشميل امبارح

اقتباس :

زي البيض المقلي بالمية بدل الزيت والمكرونة بالتوم بدل البصل...واختراعات غرييييييييييبة

----مش غريبة ولا حاجة انا شفت برنامج طبخ ف التليفزيون بيقلو البيض ف ميه عشان الناس اللى عايزة تخس
ومتعتمدش ع الدهون- وبالنسبة للمكرونة بالتوم دى معروفة من ايام الفراعنه بس انا مبحبهاش لكن موجودة فعلا

اقتباس :

حضرتك اللى جوعتينا جداااااااااااا

اعتبرينا معزومين بقي عندك

طب ايه رايك انا ناوية اعمل عقيقة لبنتى اللى معملتلهاش عقيقة لغاية دلوقت واعزمكم فعلا بس يا ريت فعلا ترضو تشرفونى وهخلى حوا اللى توزع اللحمه ماهى مديرتنا بقى

اقتباس :

طب ايه رايك انا ناوية اعمل عقيقة لبنتى اللى معملتلهاش عقيقة لغاية دلوقت واعزمكم فعلا بس يا ريت فعلا ترضو تشرفونى وهخلى حوا اللى توزع اللحمه ماهى مديرتنا بقى

هو العرض ده يشملني ولا عزومة نسائية بس
بس انا ما بقبلش اقل من صينية مكرونة لوحدي

مليش دعوة انتى القولتى همسك اللحمة

وهتوصى بيكو كلكو ماعدا زرقاء اليمامة هديها عضمة

ياسلااااااااااااااااااااام....حواء رجعت وكمان اديها مليانة بصينية فتة....هكذا تكون العودة....امة الرحمن فعلا وشها حلو علينا كلكم رجعتوا مرة واحدة وزي زمان يا ريت ما تكرروهاش تاني