استوب ....اعاده نظر

السلام عليكم ورحمه الله وبركاته
لكل منا موقف او ايه او كلمه من شخص او او او كانت سببا في انه قال لنفسه تلك الكلمه ستوب ............لابد من اعاده النظر في حياتي ولازما اتغير

ياريت من باب الاستفاده كل منا يقول امتي قال لنفسه كده وايه السبب اللي خلاه قال لنفسه كده وياتري لازما علشان نتغير ونكون حاجه لازمه صدمه او ازمه او هزه او ابتلاءات ولا ممكن نعيد النظر في حياتنا وعلاقتنا مع ربنا خاصه واحنا لسه في موضع قوه وليس موضع ضعف وفعلا نقوله يارب راجعين وقولنا ستوب لحياتنا الفاضيه واحنا في كامل نعمك وصحتنا

اتمني فكرتي تكون وضحت واتمني المشاركه والاستفاده من تجاربكم في علاقتكم مع ربنا وازاي كل واحد فيكم قدر يحس النور في حياته نور ربنا ودمتم بخير وسعاده ورضا من الله

المرة الوحيدة اللى قلت لنفسى فيها استوب لما ربنا رزقنى ببنوتة زى القمر وبعدين اتوفت فجاه وبدون سابق انذار فحزنت حزن لا قبله ولا بعده فلما طال الحزن ولقيت ان انا كده ممكن يروح عليا ثواب الصبر قلت لنفسى استوب لازم اكون صبوره وارضى بقضاء الله وقد كان والحمد لله الامر معايا بقى افضل من الاول - معلش نكدت عليكى يا نور انتى اللى سالتى وانا بطبعتى صريحة

اقتباس :

معلش نكدت عليكى يا نور انتى اللى سالتى وانا بطبعتى صريحة

لا ابدا ياجنه
انا ليه هدف من الموضوع ونيه وصدقيني فعلا كل واحد فينا بيجي عليه وقت بيقول لنفسه كفي سيضيع منك الركب
في كل موقف لكل منا عظه وعبره فالنتعظ ببعضنا البعض اخيتي
اثلج الله قلبك ورزقك الصبر الجميل وجعلها لكي يدا ونورا يمد يده اليكي يوم القيامه ويناديكي للجنه امين انتي وزوجك امين امين امين
بارك الله فيكي واسعدني مشاركتك جدا اخيتي جنه
جزاكي الله خيرا كثيرا امين

انا يمكن ما فيش فى حياتى تغيير كبير لكن طبعا بعد الزواج حصل كده لكن الوقفه اللى وقفتها مع نفسى كانت يوم ما خرجت مدرسه من مدرستى على المعاش وهيه على نفس الدرجه اللى استلمت بيها الشغل بدون تقدم خطوه واحده فى حياتها العمليه حسيت وقتها ان حياتها كانت بلا هدف الا تربية الابناء فقط وبالتالى اتخذت قرار لا تستطيع الكثير من المتزوجات ةاللى عندهم اطفال ان يتخذوه وهو انى اكمل دراستى العليا واخد الماجستير واغير نمطية حياتى وفعلا اخدت التمهيدى والان انا فى تجهيز الرساله 000ادعوا لى 00

جميل اختي هوني وفعلا اكيد ديت بدايه التغيير انك يكون ليكي هدف في حياتك تعيشي من اجله ولاتعيشي بدون هدف
جزاك الله علي مشاركتك الجميله
فين باقي الاخوه والاخوات ياجماعه انا عايزه اتعلم من كل واحد فيكم

كلام جميل ان الواحد يبقى طموح ولكن اسمح لى يا هنى مش معنى ان المدرسة خرجت على الدرجة الثانية مثلا ده معناه ان الست دى اخفقت فى حياتها بل بالعكس يمكن قدرت تعمل لعيالها اللى الوزيرة متقدرش عليه يمكن خرجت الدكتور والمهندس من اولادها اما كلمة ان حياتها بلا هدف فهذا غير صحيح لكن لو انا عندى الاستعداد للموازنة بين الامرين يبقى يا حبذا انتى بس كنتى متلككة ع الماجستير اقولك كلام ف سرك انا ضد عمل المراة