المال مال الله فانفقوا

كانت طالبة في الابتدائية .. تذهب إلى المدرسة كل يوم بانتظام دون كلل أو ملل
ليست متفوقة كثيراً لكنها كانت تبذل جهدها لتصل إلى النتيجة المرجوة
وقد لاحظت العاملة ( الفرَاشة ) في المدرسة شيئاً غريباً

لاحظت أن هذه الفتاة الصغيرة تدخل دائما إلى المدرسة بحقيبتها الفارغة وعند انتهاء الدوام
تخرج من المدرسة ولكن حقيبتها تكون قد امتلأت بشئ ما وانتفخت مما شد انتباه العاملة
فأخذت تراقب تلك الفتاة الصغيرة لعدة أسابيع
وفي كل مرة يتكرر نفس المشهد

مما أدى بالعاملة في نهاية الأمر ان ابلغت المديرة بما شاهدته فطلبت المديرة من الفتاة أن
تأتي إليها فوراً بعد نهاية الدوام , وبالفعل حضرت الصغيرة
كانت الحقيبة منتفخة وممتلئة كالعادة وكانت تحملها بين يديها الصغيرتين وتضمها الى صدرها
فطليت منها المديرة أن تفتح الحقيبة لترى ما بداخلها

ارتبكت الصغيرة واحمر وجهها وربما اصفر قليلاً و تراجعت خطوات الى الخلف
الا ان المديرة لم تمهلها بل صرخت آمرة اياها ان تفتح الحقيبة
وقد كان ما ارادت وفتحت الطالبة الحقيبة فكانت المفاجاة

كانت الحقيبة ممتلئة بفتات الخبز وبقايا السندويشات
لقد كانت الطالبة الصغيرة تجمع بقايا السندويشات و فتات الخبز والذي يتبقى من الطالبات
كانت تجمعه من الساحة والصفوف وتخبئه في حقيبتها
ووقفت مديرة المدرسة مذهولة مما رأت

لكنها صعقت عندما أدلت الصغيرة المسكينة باعتراف لم يخطر لها على بال
اعترفت الفتاة باكية انها تجمع بقايا الطعام لتطعم إخوتها الصغار وأمها
الذين ينتظرون عودتها كل يوم وقد أنهكهم الجوع وغرس أنيابه في أحشائهم

هل تخيلتم الصورة ؟؟
ما ذكرناه قصة واقعية حدثت في هذا الزمان الذي تخلينا فيه عن الفقراء والمساكين ولم نعد
نتفقد جيراننا واصحاب الحاجات والمعوزين ثم كانت الطامة الكبرى بتركنا للصدقات واهمالنا
لاخراج الزكاة وتناسينا قول الرحمن : خذ من أموالهم صدقة تطهرهم وتزكيهم بها

وتناسينا قول رسول الله صلى الله عليه وسلم في الحديث الذي صححه الالباني
عن عبدالله بن عمر رضي الله عنهما عن النبي صلى الله عليه وسلم انه قال
أحب الأعمال إلى الله عز وجل سرور تدخله على مسلم ، أو تكشف عنه كربة ،
أو تطرد عنه جوعا ، أو تقضي عنه دينا

فالمال مال الله عز وجل، وقد استخلف عباده فيه ليرى كيف يعملون ثم هو سائلهم
عنه إذا قدموا بين يديه : من أين جمعوه ؟ وفيمَ أنفقوه ؟
وإن من أعظم ما شرع الله النفقة فيه وحث عباده على تطلُّب أجره هو الصدقةَ , حيث
هي من أفضل الأعمال وأحبها إلى الله عز وجل.

الصدقة والله باب من ابواب الخير عظيم جدا , فهي :
تدفع المصائب والكروب والشدائد المخوِّفة ..
تقي مصارع السوء والآفات والهلكات..
ترفع البلايا والآفات والأمراض الحالَّة ...
يربي الله الصدقات، ويضاعف لأصحابها المثوبات، ويعلي الدرجات..
تطفئ غضب الرب كما يطفئ الماء النار ..
هي سبب لغفران المعاصي وإذهاب السيئات والتجاوز عن الهفوات..
هي من أفضل الأعمال وأحبها إلى الله عز وجل ..
تحفظ المال من الآفات والهلكات والمفاسد، وتحل فيه البركة...
هي سبب في إخلاف الله على صاحبها بما هو أنفع له وأكثر وأطيب ..
هي بوابة للرزق ومن أسباب سعته واستمراره وتهيؤ أسبابه، وهي لا تزيد مال العبد إلا كثرة ..

واذا شئت فاقرأ ما يقوله الحبيب المصطفى عليه الصلاة والسلام :

عن أبي هريرة رضي الله عنه أن رسول الله صلى الله عليه وسلم قال
ما فتح رجل باب عطية بصدقة أو صلة ، إلا زاده الله تعالى بها كثرة
حديث صحيح صححه الالباني

عن أبي هريرة رضي الله عنه عن النبي صلى الله عليه وسلم انه قال
ما من يوم يصبح العباد فيه ، إلا ملكان ينزلان ، فيقول أحدهما : اللهم أعط منفقا خلفا
ويقول الآخر : اللهم أعط ممسكا تلفا
حديث صحيح رواه البخاري

وعن انس بن مالك رضي الله عنه عن النبي صلى الله عليه وسلم انه قال
صنائع المعروف تقي مصارع السوء و الآفات و الهلكات
حديث صحيح صححه الالباني

عن أبي هريرة رضي الله عنه عن النبي صلى الله عليه وسلم انه قال
بينا رجل بفلاة من الأرض ، فسمع صوتا في سحابة : اسق حديقة فلان
فتنحى ذلك السحاب . فأفرغ ماءه في حرة . فإذا شرجة من تلك الشراج قد استوعبت
ذلك الماء كله فتتبع الماء . فإذا رجل قائم في حديقته يحول الماء بمسحاته .
فقال له : يا عبدالله ! ما اسمك ؟
قال : فلان . للاسم الذي سمع في السحابة .
فقال له : يا عبدالله ! لم تسألني عن اسمي ؟
فقال: إني سمعت صوتا في السحاب الذي هذا ماؤه يقول: اسق حديقة فلان .لاسمك .فما تصنع فيها؟
قال : أما إذ قلت هذا ، فإني أنظر إلى ما يخرج منها
فأتصدق بثلثه ، وآكل أنا وعيالي ثلثا ، وأرد فيها ثلثه
حديث صحيح رواه مسلم

وعن أبي أمامة الباهلي رضي الله عنه عن النبي صلى الله عليه وسلم انه قال
داووا مرضاكم بالصدقة
حديث حسن صححه الالباني

وعن أبي هريرة رضي الله عنه عن النبي صلى الله عليه وسلم انه قال
من تصدق بعدل تمرة من كسب طيب و لا يقبل الله إلا الطيب فإن الله يقبلها بيمينه ثم يربيها
لصاحبه كما يربي أحدكم فلوه ( مهره ) أول ما يولد حتى تكون مثل الجبل
حديث صحيح صححه الالباني
فى اخر كلامنا اانا هقترح اقتراح اخوتنا الفتيات اعضاء المنتدى كل اسبوع هنقوم بجمع مبلغ من المال ونقوم بايداعه احدى المساجد فى كفاله يتيم او صدقه جاريه او اى امر من الصدقات وكذالك اخوتنا الرجال نفس الامر الهدف من ده ربط اعضاء المنتدى بعضهم البعض اكثر واكثر 2 وتعاونوا على البر والتقوى 3 تفعيل دور المنتدى العملى بعض الشى واقترح ان يكون مسؤل الجمع فى الفتيات اى شخص هن يختارهن والرجال ايضا واعلم ان منكم من يقوم بهذا العمل لكن نود ان يكون هذا عمل من اعمال المتحابون لا اسم فقط متحابون جزاكم الله خير والدال على الخير كفاعله وانشروها كى يعم

ده اقتراح جميل جدا 000
انا فعلا كنت مشتركه فى كفالة يتيم فى الشابات المسلمات من فتره لكن تقاعست قليلا وبهذه المبادره اخى بسمات انا اول المشتركات بس لجمعيه او هيئه نثق فيها حتى تصل لاصحابها المحتاجين ,وكمان انا كان عندى ملابس كثيره تصدقت بجزء كبير منها وما زال عندى جزء لو حد يعرف مكان محتاج له او اشخاص فقراء 0
جزاك الله خيرا جزيلا 000

الفكرة ممتازه انا تحت امركم واقترح ان تقوم حوا بتولية امورنا بحكم خبرتها ومعرفتها بينا جميعا ويا رب يجعله فى ميزان حسانتها

جزانا واياكم اخوتنا انا عارف ان الهمه والنيه موجودين ينقصنا فقط شى من التنظيم والتنفيذ اذا نبداء بعون الله تجميع الفلوس والملابس وتسلم للاخت حواء كل يوم خميس من كل اسبوع كلا على قدره وتذكروا ما نقص مالا من صدقه ولا تبخلوا على انفسكم بالخير وكذالك باذن الله هتواصل انا مع اخوتنا الرجال ونبداء التحرك برده بصراحه ياجماعه لازم يكون للمنتدى دور فعلى عملى مش كله نظرى نظرى لازم ندعى اخرين ونقوم باعمال فعليه لما تعلمناه فى المنتدى نحن اسره المتحابون نحسبنا على خير لكن السوال ماذا قدمنا للاخرين للمسلمين للدين نعم نحن نتواصى بالخير نجتمع على الخير لكن هناك ما هو اعظم درجه عند الله وهو مسلما غافل او عاص تاخذ بيده الى الطريق وذالكم الرباط اتمنى تكون فكرتى وصلت ويالله انها تزينت فهل من مشمر نفع الله بكم الدين

فكرة جميلة....وابواب الخير كثيرة تنتظر من يطرقها
معاك باذن الله

بس عندى ملحوظه اخى بسمات لو عملنا الموضوع ده اسبوعيا هيبقى فى مشقة وممكن منكملش احنا عايزين الموضوع يكون شهرى وبرضه اللى تشوفوه اخواتى ف الله انا معاكم فى اى قرار تتفقوا عليه

انا قصدت اسبوعيا لهدف ابعد عايز العلاقات بين اعضاء المنتدى تبقى اعمق يبقى لما كل اسبوع يتجمعوا فى مكان او عند احد ويطمنوا على احوال بعض يبقى الرابط احسن من شهرى وبرده امرهم شورى بينهم واقترح كمان ما يكونش الاخت حواء هى المسؤوله عايزين حد يكون من الاخوات اللى مش متزوجين اعتقد لتفرغهم بعض الشى ولكم الشورى

يعنى محدش من الاخوات رد ف الموضوع ده هو فى ايه مفلسين ؟ ده شكلو كده لا اسبوعى ولا شهرى ولا حتى سنوى

يا جماعه يا ريت تجددوا الموضوع لانه مهم جدا وبلاش يبقى المسئول ست ليه ما يكونش رجل لان المشروع ده صعب على ست توليه00

والله يا هنى انا اتكلمت ف الموضوع بس لاقيت الاعضاء سكتو فسكت

يا جماعة انا زعلانة جدا والله العظيم لانى مشفتش الموضوع دة الا النهاردة

ازاى نطنش موضوع مهم زى دة


موضوع تجميع الحاجة اذا كان لبس او مواد تموينية او فلوس من ناحية البنات انا تحت امركم بالعربية اوصلهلكم اى مكان
وعن الشباب انا بقترح غاوى او بسمات
اما عن السبيل الهتتصرف فية الحاجات دى هيبقى فين بالظبط وهى دى المسؤلية

ولازم يكون راجل فعلا ويكون قد الثقة والمسؤلية والكل يعرف الحاجة دى رايحة فين

مين الفارس الهيتولى تسليم الحاجة الى مستحقيها

ياريت الموضوع يتفعل بجد مش كلام

هو بس يكون حد عارف جمعيه او مسجد ليه انشطه موثوق فيه ونبدا بالعمل ومش عايزين نتكسف من اى صدقه وحتى ان كانت صغيره على اد كل واحد بس الحاجه اللى انا شايفاها صغيره اكيد مهمه اوى عند اللى محتاجها
انا اعرف مكانين كويسين اوى ومشهورين وبتيجى لهم تبرعات كتيره وشفت توزيعها بنفسى لكن انا اتمنى ان حد يكون عارف مكان جديد ما بتوصلوش تبرعات كتير علشان نبقى مؤثرين فيه ومفيدين اكتر

نتكسف من اى صدقه وحتى ان كانت صغيره على اد كل واحد بس الحاجه اللى انا شايفاها صغيره اكيد مهمه اوى عند اللى محتاجها [quote]
انا حاسة انك بالجملة دى يا هنى ناويه تتبرعى بعلبتين زبادى صح؟

يا جماعه يا ريت تجددوا الموضوع لانه مهم جدا وبلاش يبقى المسئول ست ليه ما يكونش رجل لان المشروع ده صعب على ست توليه(انا قصدى اللى يتولى امر السيدات سيده والرجال رجل بمعنى مثلا زرقاء او اى احد من الاخوات يجمه من الاخوات ويبعت وكذالك الرجال)يا جماعة انا زعلانة جدا والله العظيم لانى مشفتش الموضوع دة الا النهاردة

ازاى نطنش موضوع مهم زى دة حصل خير يالله نبداء بفضل الله من الاسبوع ده (ياريت الموضوع يتفعل بجد مش كلام) والله انا بدأت وحاولت التواصل مع اخونا المهندس وتراسلت معاه اننا نتقابل يوم الجمعه فى اى مكان وطلبت منه انه يكلم غاوى ويتفق معاه على الميعاد والمكان ويبلغونى بس اعتقد ان كان كل واحد ممنهم مشغول اوووى خصوصا ان الهندسه كان راجع تانى لشغله يوم السبت وغاوى ربنا معاه بقى فى شغله بس بأذن الله هنبدأ ونكمل وربنا معانا ) ان شاء الله يااستاذه هنى هنعرف اماكن وهنوصل لااكثر الناس احتياجا وما تخافيش اعتقد اخوتنا فى المنتدى عارفين رب عملا صغير عظمته النيه واخر كبير حقرته النيه وكمان ان احب الاعمال الى الله ادومها وان قل فالهدف من الدعوه دى هى الدوام والاستمراريه لا الكميه ولا قيمه المبلغ والترابط ايضا يالله عايزين همه اعلى شويه وهنشوف رجال المنتدى ولا نسائه اكثر همه وفى نهايه كل اسبوع مسؤل المجموعه يعرض اللى تم خلال الاسبوع بالنسبه للموضوع ده ( وفى ذالك فاليتنافس المتنافسون ) وما اعظمه من تنافس شمروا فسلعه الله غاليه.........

انا للاسف برضه اول مرة اقرا الموضوع

جميل جدا ان تحول الى العملية

وانا معاكم باذن الله

الموضوع باذن الله هايتم ببساطة ويسر ومع الوقت هو هايطور نفسه ونتوسع باذن الله

واقترح انه يكون شهرى والتبرعات تكون ( عينى او نقدى ) زى ما تحبو او يتوفر ليكم

اخونا بسمات الاتصال الاسبوعى والتواصل بين الاعضاء مفيش مشكلة فيه انشاله يكون يومى لكن اقترح نخلى المبلغ اللى نخرخه يكون شهرى يكون اكبر ونقدر نجيب بيه شىء كمان يعنى مانكتفيش انه يكون نقدى يوصل للمسجد

انا عارف جمعية فى الرمد كنت شغال معاهم لمدة سنتين فى رمضان وعملنا من سنتين احصائية قبل شهر رمضان عن 4 مناطق فى بنىسويف ( الاكثر احتياجا )

* عزبة بلبل ( الايواء )
*عزبة الصفيح ( ناحية البشرى )

ومش متذكر باقى المناطق واخونا بسمات اشتغل معانا وعارف الجمعية

وده هايسهل عليه باذن الله وكمان فيه احصائيه بالايتام

المهم اننا ممكن نعمل حاجه افضل كمان لو جمعنا

مبلغ كويس نتبنى فكرة مشروع صغير

يكون مصدر رزق للعائلة دى زى ( ماكينة خياطة ، متطلبات بقاله )

خلاص انا هتكلم مع حوا ونشوف الموضوع هيمشى ازاى بين الاخوات

انا بس عايزه ان اللى يتبرع بحاجه عينيه تكون فعلا صالحه للاستعمال اولا لانى شفت تجربة مسجد عمل نفس اللى بنعمله بس واجهوا مشكلة ان الاشياء العينيه لا تصلح وبالتالى اصبحت عبء للتخلص منها انا عندى ملابس اطفال حديثى الولاده انا هابدأ بيها الاسبوع ده ويلا بقى نفعل المشروع علشان نسرع فى عمل الخير 000

مضى الثلث الاول من الشهر ولم نرى اى بدايات او اى خطوات فى بدايه الموضوع اذكركم ونفسى بااهميه هذا الامر لعله يكون فى ميزاننا يوم القيامه وظلال لنا يوم التناد من فضلكم اللى بدء بفعل شى يبينه عشان يكون دافع للغير ويبين ان الموضوع لسه مفعل داخل المنتدى ما تكونش اقتراحات فقط

عندك حق اخى بسمات

واحييك على ايجابيتك لان اخى بادر بالاتصال بى اليوم واتكلمنا مع بعض ان باذن الله الموضوع لن ينسى او يهمل بس عن نفسى اعتذر عن الفترة اللى فاتت وحتى الان لانى فعلا مطحون فى الشغل بجاننب ظروف زوجتى الان والانسه سما .
بس باذن الله اسبوع بالكتير وافوق من ضغط الشغل بس ونتقابل باذن الله

جزاكم الله خيرا

انا بدات بالفعل بس مع نفسى وانا بعمل كده من فتره لكن كنت احب نتشارك مع كل اعضاء المنتدى اللى ما بيشتركوش

لا بجد مفيش حاجة ضايقتنى الشهراللى فات ده قد ان موضوع الاخ بسمات متفعلش- مش عايزين كلام والسلام- انا عايزة حد يقولى يا جنة انتى عليكى كذا وكذا- يلا بقى اعملو حاجة