15 سؤال محرج

من الله فمنذ زمن لم اتلقى رسائل من الله------ لازم افهم العبارة دى- قصدك ايه؟ رؤى واحلام ؟؟؟؟؟ انا حاسة ان الموضوع فيه كرامات- صح؟

انزل ضرب في كل بنت وابوها ماشية من غير هدوم في الشارع(كاسيات عاريات)-----اه اه والنبى اضرب على قد متقدر اصل انا كمان بيتحرق دمى واللى بيحرق دمى اكتر ان منهم محجبات- عايزين ضرب يفضى الى الموت - ميهمكش المنتدى فى محاميين عشرة على عشرة

علي العموم انا اسفه للجميع وعذرا جدا اما ردا علي زرقاء انا لم اتعمد اخفاء نفسي ودليل كده اني كنت واخده بالي اني بحط موضوعين في سويف ووهنا يعني مش كنت بتخفي ولا حاجه بس انا كنت منتظره اني اغير اسمي في سويف لاني مش كنت عارفه وارسلت للاداره اكثر من مره وتغير اسمي لاسباب كتير اما عن حفيده ونور فالحمد الله الاتنين واحد
بس انا حبيت اغير لاسم نور لشئ في نفسي لست ملزمه بذكره وعلي العموم
اعتـــــــــــــــــــــــــــــــــــــــــــــــــــذار لكل من اساء فهمي وشكرا
اما اخونا غاوي عارفه ليه حضرتك قولت ردك من غير ماتفسره اخي لاني بردوا عارفه كل شخص في سويف وطريقه تفكيره وعارفه انك عارف اني حفيده وعارف ان لفت نظري السؤال
بس والله اجابه حضرتك مش زي ماقولت بردوا مش هي اللي كنت اقصدها انا كنت اقصد ( ولا بلاش )
استودعكم الله وجزاكم الله عنا خيرا كثيرا
سلام الله ورحمته وبركاته
ملحوظه " انا كنت كاتبه رد قبل ردودكم دي كلها بفهم فيها جنه قصدي بس النت فصل ومش كمل الرد وسبحان الله ربنا جات من عنده " انا كان قصدي مختلف تماما عن زعلكم وماقلتموه وشكرا
الحمد الله ...الحمد الله ... الحمد الله .... الحمد الله ... الحمد الله ... الحمد الله

من الله فمنذ زمن لم اتلقى رسائل من الله------ لازم افهم العبارة دى- قصدك ايه اختنا مش كرامات ولا شى انما كنت منذ زمن ليس ببعيد يحدث لى او امامى بعض المواقف التى تثبتنى على طريقى او تجعلنى اعدل عنه مواقف واحداث ويدخلها بعض الاحلام المتكرره ولكن اشعر الان بان ذالك انقطع بعض الشى وانا حزين لهذا واستأذن حضرتك فى قول لا اله الل الله (اه والنبى ) من باب وذكر اختنا لا اكثر

اعتقد الموضوع ده فجر مشكله اسمها توام الروح ارد ببساطه جدا عليها 1 ( احبب من شئت فانك مفارقه) ودى بقى مصيبتى الكبيره اوووى وما ما حدش يعرفها منكم غير قله اووى انى عندما احب شخصا يصبح عندى اغلى من نفسى مصلحته مقدمه على مصلحتى امره اهم من امرى وحدث لى ذااالك كثييير مع بعض الشخصيات وعندما فارقونى وابتعدوا حزنت وما زلت ولا اعلم الى متى احزن على فراقهم اقولكم حاجه يمكن تضحكم واقسم بربى انها حدثت( من يومين وانا مروح لبيتى وراكب سرفيس شرد ذهنى بعض الشى فى صديق لى اسمه محمد حسين هو اعز اصدقائى اسال الله له الهدايه فهو غافل عن المراد من خلقه كسائر الشباب الل ما رحم ربى جاء فذهنى انه كثير السفر وهو حقا كذالك يسافر كثير فشرد ذهنى الى انه عمل حادثه وتوفى وارتسم فى ذهنى مشهد وداعه وانا اقف على رأسه اقبله وانا اللحده واهل عليه التراب ثم وقفت فوق راسه اخطب فى من حضر واول ما حضرنى قول ادعوا لااخاكم فانه يسال الان دمعت عينى حقيقه فى المواصلات وصار يومى كله حزين على فراق صديقى (الحى) حتى انى ما تمالكت نفسى ونزلت وعدت الى بيتى سيرا ) وهذا سبب ما جعلنى اقول مازلت ابحث عته وارجوا ان لا اجده اما ردا على انى لم اذكر زوجتى كتوأم روحى اصحح الفكره ولست مضطرا لذالك زوجتى ليست توأم روحى لانها روحى ادامها الله عليه نعمه وفضلا منه وهى عندى تمام رضى الله عندى فى الدنيا لقوله بابى هو وامى (ص)( الدنيا متاع وخير متاع الدنيا الزوجه الصالحه) معلش بقى طولت عليكم بس اعمل ايه الكلام لما بيخرج من القلب بيبقى مش عايز يخلص رزقكم الله الحب فى الله وهدا امر كل حائر وانار طريق كل مستجيرا به وثبت قدم كل متوكلا عليه اللهم امين

مين ميخفش من عذاب القبر يا نور

عن النبي صلى الله عليه وسلم قال: « سورة من القرآن ثلاثون آية تشفع لصاحبها حتى غفر له » . فدلّ هذا الحديث على أن من حافظ على قراءة سورة الملك وداوم على ذلك وعمل بما دلّت عليه، فإنها تنجيه من عذاب القبر

اختنا حواء معكى فى رايك ولكن ( والله لو ان احدى قدمى فى الجنه والاخرى خارجها ما امنت مكر الله) ابا بكر الصديق من ايمانه يزن فى الميزان مع ايمان الامه فيرجح ايمانه .. ثم اسال حضرتك كيف بمن يحافظ على الملك وهو عاق لوالديه او مقصرا فى حق الله او مضيعا لفرض من فروض الله او يعمل السوء ولا يشعر ) وليس معنى هذا كله عدم اقرارى برحمة الله انما خوفى غلب رجائى فصرت اخشاه واخشى رؤيته واخشى ضمته واخشى خالقه واخشى ظلمته واخشى ندائه اللهم اغفر لى بحق لا اله الل الله اللهم اغفر انت تعلم سرى وعلانيتى فاغفر لى ومن يغفر لى سواك اللهم اخرجنا منها كما اخرجت الخليل من نيران البهتان واخرجنا منها كما اخرجت ذا النون من بطن الحوت اللهم امين

لا يا اخ بسمات - انت محتاج ترجع للموضوع من اوله - مطلعش هو ده السؤال

اييه .. فيه اييه

انا حاسس ان فيه سوء تفاهم جامد شويتين لما قريت الردود وكمان لما قريت موضوع اختنا نور الله

انا شايف ان الامور فيها لبس

وانا من معرفتى البسيطة والقليلة بكتابات اختنا جنة الخلد


انا شايف ان واضح انها بتهزر مش اكتر وشايف انها واخدة الموضوع ببساطة

يعنى انا شايف انها مش زعلانه يا اخت نور الله ولا حاجه

وهى اكيد هاتكدلك ده فى الردود ..

المشكلة ان طبعا حضرتك حسية جدااا وبتاخدى

المواضيع بحساسية شديدة ويتهيئلك انها زعلت

لكن باذن الله مافيش زعل .

دى جزئية


الجزئية التانية انا مختلف مع اللى ربطو موضوع توئم الروح بالقول المأثور ( احب حبيبك هونا ما ربما يكون عدوك يوما وابغض عدوك هونا ما ربما يكون حبيبك يوما )

انا مختلف مع الربط بين ده وده

كده بيدى احساس ان اللى مش بيكتب مثلا ان توام روحه زوجه او زوجته بيبقا خايف يتعلق بيه قوى وتحصل مشكلة فيندم ؟ !

ولاحظت استغراب البعض ان فى خانه توام الروح مش الزوج او الزوجه ..طب هو بالشكل ده افهم ان اللى ماكتبش كده يبقا مش بيحب مثلا زوجه او زوجته

انا شايف ان مش كده

الحب مش كتلة واحدة اديها لواحد بس

انا شايف ان الحب انواع ومتفرع ومتشابك

الانسان السوى هو اللى بيربطه بكل اللى حواليه روابط حب

بيحب اصدقائة ، بيحب جيرانه، بيحب اهلة

وموضوع توام الروح انا بتاخيل ان نفسيا مرتبط بشىء معين

يعنى انا اول ما سمعت الكلمة دى افتركت محمد صاحبى لاننا من ومان بنقول على بعض كده انا وباقى اصحابى

ويبقا غلطان اللى يقارن بين حبه لزوجته وحبه لاصدقائة و اهلة ... ده شىء وذاك شىء اخرر خالص

بس حبيت اعلق على المعنى ده لانى سمعت تعليقات بتقول ان ماينفعش اوصل حد للمرتبة دى عشان لو حصل مشكلة ما اتجرحش وكده

ايه يا جماعه صلو ع النبى - انا مش فاهمة فى ايه والله - الموضوع برايا خالص - انا لما قريت انسحاب نور فهمت ان الموضوع فيه ابعاد تانية انا مش فهماها خالص- حاجة بخصوص منتدى بنى سويف وتغيير اسمها - مش فهمه فى ايه و اما بالنسبة لسؤال توام الروح كل ردودى على المشاركات دى هزار ولو عايزين تتاكدوا بصو على الرسومات لان انا عملت بنصيحة اخويا محمود ان الواحد لازم يستخدم الرسومات عشان يظهر التعبير - انسحاب نور محدش السبب فيه وارجعو للردود وانتو تتاكدو- وانا على اتم استعداد انكم تواجهونى لو فى غلط- - ولمعلوماتكم انا لما رديت على تؤام الروح كان قصدى الاصدقاء وعشان اجابتى جات بعد اجابة حوا اتفهمت غلط- وحتى لو انا قصدى ان زوجى مش توام روحى اعتبروها نوع م الفضفضة - وعلى فكرة انا لما زعلت مع بسمات مسبتش المنتدى- انا قلت بالحرف الواحد انا هكتفى بالقراءة عشان انا محدش يزعل منى- وكان اخى بسمات فى منتهى الذوق والموضوع انتهى ف يوم- والمنتدى مخسرش حاجة انا اللى خسرت- ومش معقول كل ما هنختلف ف الراى واحد يقول همشى - احنا اكبر سنا من الكلام ده - وانا حبيت الفت انتباه بسمات لانى حسيت انه بيرد على نور ومش واخد باله انها زعلانة- لانه هيعرف يدخل صح - صلو ع النبى ومتنسوش الغرض من المنتدى التحاب وليس التشاحن -

من أنـــــــــــت .............؟
نور الله او حفيده محمد الاتنين واحد
باقة ورد لمن تهديــــــــــــــها.....؟
لي اصلي بحب الورد اوي
باقة شوك لمـــــــــن تهديــــــــــها......؟
مش لحد
4-اســـــــــــوأ خـــــــــــبر سمعته............؟
كتير
شخـــــــــــص لا ترفـــــــــض له طلــــــــب...؟
أم أنس
6-من يـــــــــــــــــطربـــــــــ ــــــــك........... ..؟
سماع القران بجميع الاصوات تقريبا
7-من هو تـــــــــــــوأم روحـــــــــــــــــــــــــك. ....؟
ههههههههههه حاليا أم أنس "حفيدة البنا " صديقه عمري وباذن الله في المستقبل هتبقي هي وزوجي بامر الله توأم روحي
8-ما هي التجربـــــــــه التي تتمني ان تكرارها..؟
السفر
ما هو اكثر شئ تخشـــــــــــــــــاه....؟
معصيتي لله
10- ما الذي يشعرك بأكثر قدر من الحرج........؟
مش بتحرج اوي هههههههههههه
11- نـــــــزارشاعر المرأة وانت شاعر من...؟
مش بعرف اقول شعر بس بحبه اقرأ واسمع الشعر وبكره نزار بصراحه
12- حمامة زاجل استقرت على نافذتك تحمل رسالةمن مجهول فمن تتمني ان يكون؟
رساله من الله بردوا
13- جريمة تتمني ارتكابهــــــــــــــــــا.... ...؟
قتل المعصيه في نفسي
14- قطعة فحم صغيرة وجدار نظيف ماذا سترسم عليه وماذا ستكتب تحت الصورة ؟
الكعبه ....يارب ارزقني حجه لبيتك
-كلمة اخيـــــــــــــرة............ .بعد ان أصابك الملل...........؟
يشهد ربي اني بحب المنتدي ده ومنتدي سويف كثيرا جدا بس زعلانه منكم مش مختلفه معاكم مش اكتر اما جنه الخلد انا زعلت لما حسيت انك زعلتي ومش في دماغي انك بتهرجي لان ردود البعض دخلت في ردك والدنياكلها كانت ظيطه في ظيطه
لي مشاركه اخري للرد في بعض الردود

السلام عليكم ورحمه الله وبركاته
اللهم ارزقنا الاخلاص في القول والعمل

اقتباس :

حواء : مين ميخفش من عذاب القبر يا نور

والله العظيم بخاف منه ومش كان هو ده السؤال

اقتباس :

جنه : كفاية عليكو اجابه حوا وغاوى - الله يسامحكم ضايقتونى ع الصبح

لما قولتي اختي جنه دايقتوني علي الصبح انا فهمتها اني فعلا دايقتك بسؤالي فدايقت من نفسي وكمان زعلت لانكم فهمتوا غلط

اقتباس :

حواء : نور قولى يارب المكتوب على الجبين لازم تشوفة العين بحلوة ومرة

اللهم امين بس دي دعوه ولا ايه بالظبط مش فاهمه

اقتباس :

جنه: اصل انا التزمت الصراحة ف الاجابة وتقريبا ده غلط عشان كده يا

وانا اكيد احترم صراحتك جدا بس انا كنت فعلا شئ من السؤال لاني حالمه شويه زي موضوع "ماتتمناه "ونفسي بامر الله كل بيت مسلم يبقي الزوجين يوصلوا لمرحله توأم الروح بس ده مش يمنع انه ممكن يكونوا الاخوات او الاصدقاء او امي اوابي انا نفسي لو كنت هجاوب صديقي عمري لاني مش عندي جوز لكن لايمنع ابدا عدم وجود توأم روح في حياه كل منا بس انا والله فعلا كان تمني مني لكل بيت مسلم مش اكتر ولا اقل لكن مش فضول ولا مدايقه لحياه حد وسواعي الزوجه او الزوج والله بيبقي اكتر من توام الروح ورد بسمات عجبني اوي لما قال زوجتي روحي ماله لما نخرج جزء من مشارعنا ديت مش تخافوا مش هنحسدكم والله " بسم الله ماشاء الله " حتي حواء لما ردت قالت ايه "للاسف زوجي " فضلت اضحك ساعتها بس قولت جميله بردوا ياجماعه انا ذات طابع رومانسي حبتين وردودي بتبقي من المنطلق ده مش من التجريح او التدخل والله العظيم اعزكم الله

اقتباس :

غاوي: وعلى فكرة انا برضه اجابة توام الروح مختلفة عما حفيدة كانت بتتخيل

لا والله ظلمتوني بردوا ما انا لاقيت اجابات في زوجتك حاجات كتير زي باقات الورد

اقتباس :

زرقاء: مشكله تؤام الروح مش لازم اصلا يكون الزوج او الزوجه لاننا عرفنا من زمان ان احب حبيبك هونا ما ربما يكون عدوك يوما وابغض عدوك هونا ما ربما يكون حبيبك يوما

مش معاكي بصراحه في الجزئيه بتاعت احبب عدوك .... زي رد اخونا غاوي في نفس الجمله فانا معاه في الرد

اقتباس :

واحنا دورنا بقه نتقبل كل واحد مهما كانت اجاباته

ياجماعه هو انا ماقبلتكمش يعني انا والله كله من الفضول الله يصلح حالي

اقتباس :

حقا كلنا واخدين بالنا ان نور او حفيده شخص واحد وده من زمان وده فعلا من خلال طريقه الردود ومشكلته كمان انها كانت بتكتب احيانه نفس المواضيع فى منتدى بنى سويف باسم حفيده
هو ليه كده يا حفيده بقيتى سابقا هو انتى طلعتى معاش مبكر ولا حاجه

وايه خلاها ومشكلته دي الجمله ديت بالذات دايقتني بصراحه لاني حسيت اني كنت بتخفي منكم وانتوا اكتشفتوني يعني انا حواء عارفه اني حفيده علي فكره مني وابقوا اسالوها بس انا فعلا اجلت ردي عليها بالغاء عضويه حفيده لما الاقي حل مع منتدي سويف وتغيري للاسم لرؤيه انا شوفتها مش اكتر وربنا يصلح حالي ويهديني يارب امين

اقتباس :

بسمات: مين ميخفش من عذاب القبر يا نور

رديت عليه بردوا انا بخاف مافيش حد مش يخاف من عذاب القبر ده احنا مليانين ذنوب

اقتباس :

جنه: وانا على اتم استعداد انكم تواجهونى لو فى غلط

يااخيتي الموضوع مش مستاهل مواجهه

خلاصه القول : انا اسفه لو كنت دايقتكم بطول الرد وطول التعليق بس فعلا انا كان صعبان علي كتير ومشيت الصبح والله العظيم ادمعت عيني من الزعل والديق مش تفاهه بس انا كنت مدايقه ولما دخلت قبل مااروح المدرسه لاقيت الردود ادايقت اكتر فاخذت قرار اني امشي وانا متنرفزه ومدايقه
بس انا لازقه ومش بعرف اشترك في منتدي وابقي طيشه فيه وياما كتير قولت همشي من منتدي سويف ومش مشيت بردوا لانهم بجدبجد تقريبا مش بدخل غير هما المنتديين دول
انا بستفيد منكم وببحث عن ثواب القي به ربي بابتسامه او مشاركه حد في مشاكله او موضوع او كلمه ربما اقولها ولا القي بها بالا وتاخذ بيدي للجنه اللهم امين
ياجماعه والله العظيم ماقصدت كل الظيطه ديت
حفظكم الله واثابكم الجنه علي استحمالكم لطول ردي

لماالاقى حد مثلا حرق دمى -------- مين اللى يقدر يحرق دمك يا حوا طب شاورى عليه وانا اتفق مع عبدو يجيب له كربيتين تلاتة يبيضو لسانه ويجيبو له سوء هضم

اقتباس :

مواضيع زى سؤال محرج بتعمل تواصل جميل بين الاعضاء تعرفهم على بعض

كده احنا عرفنا سبب المشكلة والرأس المدبرة....وهي جنة الخلد....ده تدبير وتخطيط محكم والدليل هو الموضوع ده

اقتباس :

والزعلنى انتو لو اى مشكلة فى الحياة وقبلتوها بالطريقة دى يبقى فعلا الستات كلها طقة

وشهد شاهد من اهلها.....هو ده السؤال اللي محيرني من مدة....وده سؤال بجد....هل الستات بصفة عامة بيزعلوا بسرعة وردود فعلهم بتكون سريعة دون تفكير؟ ولا في ستات وستات ....والعوامل المؤثرة في مقدار ذلك هل بسبب السن ام مقدار التعليم ام كون المرأة تعمل او ربة منزل؟ فاهمين معنى سؤالي؟

اقتباس :

اعزورونى بقى الفضفضة دلدقت منى

هو حضرتك لحقتي تتكلمي!!!

اقتباس :

وانا اتفق مع عبدو يجيب له كربيتين تلاتة يبيضو لسانه ويجيبو له سوء هضم

على كده الواحد يحرق دم حواء كل يوم لو فيها كريب


سؤال لحواء.....الاعلانات الموجودة في المنتدى سواء اللي فوق او اللي تحت....هل الضغط عليها فيه دعم للمنتدى او زيادة نقاط ولا هي مجرد اعلانات مفروضة ع المنتدى لانه مجاني

مش بقول لازم الواحد يفصل أدى اعتراف ومسكوة عليا

مش هاكل كريب تانى :

بالظبط مفروضة على المنتدى لانة مجانى وعارفة لية قولت كدا بس مليش دعوة :afro


لية كدا يا هندسة هتقلب عليا حزب المعارضة

كده احنا عرفنا سبب المشكلة والرأس المدبرة....وهي جنة الخلد....ده تدبير وتخطيط محكم والدليل هو الموضوع ده________________ يا نهار اسود راس مدبر حتة واحدة ده انت ناقص تقول لى ان انا السبب ف احداث 11 سبتمبر وانا اللى مخبية اسامة بن لادن - يا بنى الحكاية وما فيها ان انا - خير اللهم اجعله خير - قلت اعمل موضوع ظريف كده يقرب الناس من بعض وبعدين عينك ما تشوف الا النور - المفروض انا اللى
ازعل لقيت الناس زعلانة- وانا ولا فاهمة اى حاجة - بس الحمد لله الدنيا ظبطت-
ولازم تفصلو بين الحنا عيشينو فى الواقع والمنتدى --------- معلشى يا حوا انا اختلف معاكى ف الراى ده احنا طالما ارتضينا علاقتنا ببعضينا يبقى لازم نعيش مع بعضينا الحلوة والمرة- انا واحدة من الناس مينفعش تساليها سؤال ترد بشئ مش حساه وبعدين المنتدى ده المكان اللى بنخرج فيه من همومنا- مش كده ولا ايه؟

اقتباس :

الكود:

[b]معلشى يا حوا انا اختلف معاكى ف الراى ده احنا طالما ارتضينا علاقتنا ببعضينا يبقى لازم نعيش مع بعضينا الحلوة والمرة- انا واحدة من الناس مينفعش تساليها سؤال ترد بشئ مش حساه وبعدين المنتدى ده المكان اللى بنخرج فيه من همومنا- مش كده ولا ايه؟[/b]

ايوه انا كمان معاكي ياجنه ومعاكي بالثلث كمان في ديت "هههههههههههه" انا زيك تمام مش بعرف افصل بصراحه خالص وحاولت افصل بقدر الامكان بصراحه مش عرفت

ممكن بقي تحطوا كلامك في اقتباسات علشان الكلام عندي مش بعرف اوصله مين اللي كتبه ومين علق عليه وبالتالي بفهم غلط وبتزعلوا مني

ربنا ما يجيب زعل 0 ومعلش انا مش متمرسة ف الكمبيوتر - اعذرونى على اخطائى لغاية ما اتعلم- وحمد لله ع السلامة يا نور

الله يسلمك ياجنه بصي لما تاخدي كلام حد كوبي في علامه في الشرائط اسمها اقتباس بتحددي الكلام اللي عملتليه كوبي وتضغطي علي العلامه ديت بيحط الكلام بتاع الشخص الاساسي اللي عملتيله كوبي مابين كلمتين اسمهم اقتباس بالعربي وكلمه بالانجليزي مش فاكراها الاسبلنج بتاعها بصراحه فيظهر الكلام في ظل زي ماانا حاطاه كده فافهم انه كلام مش بتاعك انتي وكلام مقتبس من كلام حد تاني

الله يسترها معاكى يا نور - انتى عارفة ان انا عملتها قبل كدة بس لما الكلمة اللى بالانجليزى ظهرت قلت انا ماشية غلط لان مفيش حاجة اتظللت ف لحظتها- بس فى ردى على هنى استخدمتها- وبجد جزاكى الله كل خير

اقتباس :

هو ده السؤال اللي محيرني من مدة....وده سؤال بجد....هل الستات بصفة عامة بيزعلوا بسرعة وردود فعلهم بتكون سريعة دون تفكير؟ ولا في ستات وستات ....والعوامل المؤثرة في مقدار ذلك هل بسبب السن ام مقدار التعليم ام كون المرأة تعمل او ربة منزل؟ فاهمين معنى سؤالي؟

يا سلاااااااااااااام يا هندسة

لقد سألت عن عظيم

تعالى نتفق مبدئيا على ان لكل قاعدة شواذ ودائما التعميم خطاء

هو الغالبية زى ماقلت ( ....هل الستات بصفة عامة بيزعلوا بسرعة وردود فعلهم بتكون سريعة دون تفكير؟ )

ودة لانهم حسيين بطبيعتهم ودى من صفات الشخص الحسى لكن بالفعل فى نساء مختلفين جدا جدا وعندهم قدرة هائلة على التنوع فى النظام التمثيلى لشخصيتهم اللى هو ( حسى - بصرى - سمعى ) وبالتالى بتجد منهم قيادات بارعة وشخصيات قيادية وده لكذا حاجة من اللى ذكرتهم

- زى التعليم اللى اكيد بيضيف للشخصية بس لوحده مش كفايه لان فى الكثيرات من حملة المؤهلات العالية ولكن الطبيعة الحسية بتغلب غليها بشكل عام فى التفكير وردود الفعل

- السن برضه بيأثر مع تراكم الخبرات والمواقف والنضوج الفكرى

- وكمان موضوع عمل المراة ده بيأثر بس مش كله ممكن تجد سيدة عاملة لكن زى نظام موظفين الحكومة الشغل مش بيديها الخبرات الكافية و الاحتكاك الكافى لتنمية فكرها وشخصيتها وعلى العكس ، تجد نساء غير عاملات بس هما بينمو شخصيتهم ممكن عن طريق العمل العام والجمعيات الخيرية وممكن الصدقات او القراءة ...

وفعلا انا اتعملت مع نماذج لسيدات من هذة النوعية بجد كانو فى شخصيتهم و نضوجهم وتفكيرهم افضل من رجال كثريين وكانو من غير العاملين بس السن فى الغالب بيكون فوق ال 30 وفعلا بيكون قادرين على القيادة بشكل جيد جداا وحكيم وانا استفدت منهم على المستوى الشخصى جداا .


وفى الاخر احب اقولك المراة الناجحة الذكية هى اللى تعرف امتى تكون حسية وتتعامل بانوثة وامتى تكون بصرية ( تتولى القيادة ) وامتى تكون سمعية ( تفكر بمنطق وحكمة وتاخد قرارات )

ده السؤال اللي محيرني من مدة....وده سؤال بجد....هل الستات بصفة عامة بيزعلوا بسرعة وردود فعلهم بتكون سريعة دون تفكير؟ ولا في ستات وستات ....والعوامل المؤثرة في مقدار ذلك هل بسبب السن ام مقدار التعليم ام كون المرأة تعمل او ربة منزل؟ فاهمين معنى سؤالي؟

انا هقول رايى بصراحة واجرى على الله - الستات بصفة عامة بيزعلوا بسرعة بس ف المقابل كلمة صغيرة تطلعها فوق ف السما - حتى الست فى صداقتها مش قوية زى الراجل فمثلا الراجل تلاقيه مصاحب واحد من الابتدائية والاعدادية - اما است تلاقيها بتفقد صداقتها بسبب الزعل السريع فبالتالى عدد اصدقائها اقل - اما موضوع السن والشغل والحاجات دى مش بتفرق ولا حاجة لان دى طبيعة مبتتغيرش - والله اعلم

جنه الخلد كتب:

أتمنى انك تجاوب بكل صراحة ولك سؤالين تحذفها من الأسئـلة


1-من أنـــــــــــت .............؟

حاليا مجهولة ومش راسية على بر
ربنا يهدينا

2- باقة ورد لمن تهديــــــــــــــها.....؟

لاختى لانها متحملانا

3- باقة شوك لمـــــــــن تهديــــــــــها......؟

لنفسي علشان تفوق

4-اســـــــــــوأ خـــــــــــبر سمعته............؟

طبعا لازم نقول الحمدلله

بس طبعا مافيش اصعب من وفاة امى

يعنى بابا انا مش حاسة بالراق لانه توفي وانا عندى 4 سنين
وامى كانت الام والاب

الحمدلله


5- شخـــــــــــص لا ترفـــــــــض له طلــــــــب...؟

الناس اللى بحبهم


6-من يـــــــــــــــــطربـــــــــ ــــــــك........... ..؟

احمد العجمى

7-من هو تـــــــــــــوأم روحـــــــــــــــــــــــــك. ....؟


حاليا لايوجد


8-ما هي التجربـــــــــه التي تتمني ان تكرارها..؟

الصداقة القوية


9- ما هو اكثر شئ تخشـــــــــــــــــاه....؟

ان حد يزعل منى

10- ما الذي يشعرك بأكثر قدر من الحرج........؟


التجاهل


11- نـــــــزارشاعر المرأة وانت شاعر من...؟


شاعر بالحساسية

12- حمامة زاجل استقرت على نافذتك تحمل رسالةمن مجهول فمن تتمني ان يكون؟

من الكلية ومكتوب فيها

(تقرر الغاء الامتحانات السنة دى وكمان النتيجة ظهرت وجبتى امتياز)


13- جريمة تتمني ارتكابهــــــــــــــــــا.... ...؟

نوكومنت


14- قطعة فحم صغيرة وجدار نظيف ماذا سترسم عليه وماذا ستكتب تحت الصورة ؟

عصفورة

ياريت ابقي زيها


15-كلمة اخيـــــــــــــرة............ .بعد ان أصابك الملل...........؟



__________________

مافيش ملل ولاحاجة

موضوع جميل نرجو المزيد

انتى جميله والله وربنا يعوضك عن فقدانك لاعز الناس بالزوج الصالح اللى يكونلك ام واب واسره كامله واعتبرينا اكثر من اسرتك
يعنى لو عندك اخت من النهارده هيبقوا اتنين وفى كمان كتيير تانى منتدنا مش بحجم اعضائه بالترابط اللى اكيد هتلاقيه وتحسيه وان شاء الله تنجحى بامتياز ويكون وشنا حلو عليكى السنه دى وكل سنه

اقتباس :

بس طبعا مافيش اصعب من وفاة امى

يعنى بابا انا مش حاسة بالراق لانه توفي وانا عندى 4 سنين
وامى كانت الام والاب

رحمهما الله واسكنهما فسيح جناته

اقتباس :

حاليا لايوجد

انتو هتسكتو لها ع الاجابة دى اجنا عاوزين طحن