اين انتم ؟

كنا اتكلمنا من فترة على موضوع الغائبين عن المنتدى ومش بيدخلو من فترة ونعمل معاهم ايييه

وكتطبيق عملى لاجابة الكثرين عن سؤال اخونا بسمات ( تعمل اييه لو عضو غاب من فترة عن المنتدى ؟ )

نحب نسال عن اخواتنا

1- honeybee

2 - زرقاء اليمامة

3- ام مريم

اخيييييييييييييييرا حد افتكر هنى بى طب والله العظيم انا مردتش اتكلم ف الموضوع ده الا لما اشوف حد هيسال ولا لا - وبصراحة الوحيدة اللى سالت على هنى من اول يومين كانت حوا مبيفتهاش الحاجات دى - هنى بى يا جماعة زوجها مسافر وحالتها النفسية سيئة وكمان هى بتعزل من شقتها لانها متقدرش تقعد لوحدها - اصل هنى بى من الناس اللى هتجاوب على سؤال توام الروح زييكو - ع العموم هى هتتواجد اليومين الجيين - اما زرقاء هى غالبا مشكلة نت- وام مريم بصراحة انا معرفهاش شخصيا اعتقد حوا عندها الاجابة

بالنسبة لزرقاء مش النت هى مشغولة ربنا يعينها
وهنى ربنا يرجعلها زوجها بالسلامة ويحافظ علية
وام مريم انا عزراها مولود جديد ومشغولة
وحقيقى شكرا لذوقك يا غاوى

مافيش فين نور ايه ده

اقتباس :

توام الروح زييكو

اقتباس :

مافيش فين نور ايه ده

نور منورنا على طول فى المنتدى

يارب يكرمك اخي ويعزك صحيح هو ولي العهد جيه ولا لسه

هنى بى وزرقاء ظهروا -كفارة

حد يطمنا يا جماعه على الاخ غاوى والاخ محمود مختفيين من فترة - خير اللهم اجعله خير

ممكن علشان ظروف شغلهم هما الاتنين ياجنه
ربنا يرجعلهم بالسلامه ياجماعه انتوا فين

ياجماعه محمود عنده شغل وهينقطع عن المنتدى حوالى 3 ايام وكذالك ابو سما بس هما بخير والحمد لله انا قلت اعرفكم بس

جزاك الله خيرا ابو مالك ربنا يرجع كل غائب من اعضاء المنتدي بخير

يا رب يطمنا على كل اعضاء المنتدى - يا رب فك كرب كل مهموم - اللهم ارفع غضبك ومقتك عنا

جزاك الله خيرا ابو مالك
جزانا واياكم اختنا حفيده

مش ملاحظين حاجة غريبة- لما بيبقى فى مشكلة عند حد ف المنتدى الكل بيحصل له مشاكل وراه ولما الدنيا بتروق بتروق ع الكل- انا حاسة ان كلنا عندنا مشاكل يا رب يفرجها ع الكل

فعلا والله ياجنه عندك حق ياريت تدعولي لاني محتاجه للدعاء اوي
انا مدايقه الدنيا كلها مشاكل في مشاكل يارب دبر لي امري فاني لا احسن التدبير واصلح لي قلبي وقني شر نفسي امين امين

السلام عليكم يا اخواتى جميعا

اولا اعتذر لكم جميعا على طول غيابى هذة الفترة وعدم دخولى

ثانيا اشكركم جميعا على السؤال

" وانا الحمد لله بخير بس من يوم عودتى من الاجازة المرضى كان بدية الشهر وما ادراك ما بداية الشهر للمحاسب ده غير الشغل اللى كان متراكم وده كله لحم مع شوية شغل يخص الميزانية السنوية ويوميا سهر والله لحد 1 باليل ومش بلحق حتى افتح النت اشوف اخبار ولو فيه قليل من الوقت بدخل اقرا بسرعة مشاركة ولا حاجه ومش بلحق اكمل

وباذن الله هانت فترة وهتعدى والمنتدى هايرجع زى الاول والغائبين هايعودو فى مقدمتم اختنا حواء باذن الله .

يا اخواتى فين بسمات دامعة وفين غاوى- انا بلاحظ وجود اسم غاوى بدون مشاركة المهم انه طمنا- المشكلة ف بسمات كانت عنده مشكلة قبل الاختفاء وفجاة اختفى - يا ريت حد من الاخوة اللى على اتصال بيه يطمنا عليه وعلى اسرته انهم بخير - ولعل المانع خير

انا كمان والله بقالى كام يوم عايزه اسال عليه لعل المانع خير

السلام عليكم

عذرا على الاطاله فى الغياب وشكرا ليكم جميعا على السؤال

الفترة اللى فاتت فعلا كان عندى ضغط شغل شديدة وكمان النت كان عطلان مدة طويلة ماكنتش بقدر ادخل حتى اشارك مشاركة سريعة .

بس الحمد لله الدنيا استقرت نوعا ما بس لسه برضه الميزانية ماخلصتش

ايه ياجدع مختفي فين؟كل ده لسه ما خلصتوش شغل...ع العموم حمدالله ع السلامة
ماتعرفش حاجة عن بسمات ولا يكون جاله دور برد من بتوع اليومين دول

اخونا غاوي لو بتدخل هنا لو سمحت انا حاولت ابعت لحضرتك علي الرسائل الخاصه في سويف المنتدي في عضو من اياهم شغال موضيع قذره خالص وسمعه المنتدي بقت زفت الناس فاكره انه المنتدي في كده وتقريبا هو مش عضو برنامج وانا حاولت اخاطب الاداره بس تقريبا مافيش فايده ياريت لو تقدر تتواصل معاهم بالموبيل يبقي جزاك الله خيرا المواضيع ملت المنتدي من هذا النوع القذر في "شهد الكلام كمان " ياريت تتصرف اخي بعد اذنك انا مش عارفه اوصل لحد ومش ليه صلته في الحذف لو انت ليك صلته في منتدي سويف للحذف لكونك كنت مشرف قبل ذلك ياريت تتصرف

جزاكم الله خيرا اختى

فعلا انا مش بدخل كتير على سويف الان

والحمد لله ظبطنا الدنيا والمشكلة دى باذن الله مش

هتتكرر المشرفين الحاللين هيتبعو مهام اشرفهم بشكل افضل من كده

ولا تنزعجى على سمعة المنتدى الكل عارف ان دى بتكون بواسطة شركات او اشخاص بيعملو دعايا لمنتجات وخاصا ادوية " شركات علاج كبرى "

او شخص يعمل اشتراك وبيحط مواضيع من النوع ده

وليست سياسة منتدى او احنا راضيين عن كده

المشكلة فى المتابعة فقط من المشرفين .

اقتباس :

المشكلة فى المتابعة فقط من المشرفين

ماهي ديت المشكله اخي وهو ده اللي زعل اغلب الناس لانه معني ان المواضيع متروكه كده يبقي الاشراف مش بيعمل اللي عليه وده زعلنا كلنا بصراحه
جزاك الله خيرا اخي علي الاهتمام

انا فعلا زعلت وانا داخل المنتدى حسيت انه بتاع ناس تانية وكنت داخل ابص ع موضوع سير الصحابة جبته بالعافية....ولقيت مشاركات كتيييير مكتوبة بلغة غريبة....حسيت اني داخل كضيف وطلعت بسرعة من الخنقة

ما زلت اتساءل اين الاخ بسمات دامعه ؟؟ هو ده برضو الوعد اللى اتفقنا عليه عند غياب شخص من المنتدى ؟