كيف ترضى زوجتك؟

بسم الله الرحمن الرحيم

السلام عليكم ورحمة الله تعالى وبركاته


كيف تكسب رضا حبيبتك -زوجتك - وكيف تخطف قلبها دون تردد ؟ لا نريد ان نتعبكم معنا , ولكن اليكم الطرق المثالية الاكثر تاثيرا.

ابدا وسترى النتائج . . . .


1- اسألها اسألة محددة ودقيقة عما حدث معها خلال النهار .



2- تعود على الإنصات لها وتوجيه الأسئلة .



3- لا تمل مشاكلها بل تعاطف معها .



4- أعطها على الأقل 20 دقيقه من وقتك كل 3 ساعات



5- أجلب لها الورود في المناسبات الخاصة .



6- امدح مظهرها.



7- صدق مشاعرها عندما تكون حزينة .



8- إذا تأخرت عنها أتصل بها وأعلمها بالأمر .



9- إذا طلبت مساندتك لها في موقف ما أجب بنعم أو لا دون أن تشعرها أنها أخطأت في طلبها .



10- عندما تجرح مشاعرها تعاطف معها وأعتذر وأصمت ولا تقدم الحلول والتفسيرات .



11- إذا أردت الاختلاء بنفسك أعلمها بذلك وأبلغها أنك تريد بعض الوقت للتفكير بأشياء تخص عملك .



12- بعد عودتك إليها اعترف لها بما يضايقك بطريقة لا تجعلها تشعر أنك تلومها ولا تجعلها تذهب بخيالها بعيدا.



13- عندما تكلمك انظر إليها واترك المجلة أو الصحيفة وأخفض صوت التلفاز وأعطها كامل انتباهك .



14- عندما تخرج اسألها إن كانت تريد شيئا .



15- أخبرها بتعبك وموعد ذهابك للنوم .



16- اتصل بها وأنت في العمل لتطمئن عليها .



17- قل لها أحبك مرتين في اليوم على الأقل او اكثر اذا كنت من النوع العاشق حتى الموت.



18- نظف سيارتك من الداخل والخارج قبل خروجكما معا فيها .



19- تعطر بالعطر الذي يعجبها وكن نظيفا وأنت معها .



20- دعها تشعر بحبك الكبير لها

21- عندما تكون معها لا تنظر إلى ساعتك .



22- لا مانع أن تدلعها أمام الآخرين .



23- أمسك يديها وتلمسها بحنان .



24- عندما تخرجان معا قدم لها العصير الذي تحبه .



25- اختر مطاعم للعشاء ولا تلقي مسؤولية الاختيار عليها .



26- اختر مناسبات تتأنقان فيها وتسهران خارجا .



27- اهتم بها عندما تكونان مع الآخرين .



28- اهتم بها أمام الأطفال الصغار ان كانوا اولاد اختك او اخيك واجعلها تشعر أنها أولى اهتماماتك .



29- صورها في المناسبات الخاصة .



30- دعها ترى انك تحمل صورتها في محفظتك وجددها بين وقت وأخر .



31- اكتب لها كلمات حب في المناسبات الخاصة .



32- قد سيارتك حسبما ترغب هي ولا تسرع .



33- راقب مشاعرها وعلق عليها مثل " تبدين سعيدة اليوم " واسالها ان كانت تحبك دائما.



34- تحدث معها عن ما تحب.



35- افتح لها الباب قبل الدخول للسيارة.



36- إذا أعدت لك الطعام امدح طبخها .



37- إذا أنصت إليها وهي تتكلم انظر إلى عينيها .



38- دعها تشعر انك تهتم بما تقوله دائما.



39- إذا تكلمت لا تصمت بل تابع معها من خلال.. أها.. مهم .



40- اضحك لها إذا ألقت نكته .


41- إذا قدمت لك شيئا اشكرها .



42- لا تجب على الهاتف وأنت معها تتبادلان كلام الحب .



43- تمشى معها بين وقت وأخر فالمشي تحت سقف السماء يجدد الحب.



44- اخبرها انك اشتقت لها عندما تبتعد عنها .



اجعلها حبيبتك واختك وامك وزوجتك وعشيقتك وام لاطفالك. اجعلها اسعد انسانة في الوجود. فحين تشعر بحبك واخلاصك لها , سوف تجعلك اسعد مخلوق على وجه الارض.

__________________

قل لها أحبك مرتين في اليوم على الأقل او اكثر اذا كنت من النوع العاشق حتى الموت مرتين بس ياااااالله انتوا عايزنى اقول لزوجتى مرتين بس فى اليوم بحبك انا لو عملت اللى بتقولى عليه ده ياجنه ممكن زوجتى تشك فيه وتقول انى بطلت احبها قولى مرتين كل ساعه يمكن تقبلها 2(اتصل بها وأنت في العمل لتطمئن عليها) ده انا بيتى مخروب بالتحديد من النقطه دى كل شويه كلمنى شكرا كلمنى شكرا كلمنى شكرا اخر ما يخلصوا القيها ترن عليه من تليفون البت وتقفل بتعاكسنى يعنى هههههه)(
32- قد سيارتك حسبما ترغب هي ولا تسرع) طيب واللى ما عندوش سياره يعمل ايه يادكتور هههههه)(
24- عندما تخرجان معا قدم لها العصير الذي تحبه) من تمام رضى ربى عليه اننا بنحب عصير القصب اووووووووووى ) ربنا يديمها نعمه)
اجعلها حبيبتك واختك وامك وزوجتك وعشيقتك وام لاطفالك هى كذالك .بل هى كيانى وعونى وسترى وسرى وفرحى وطريقى بها يكون الى الجنه بأذن الله اللهم هب لنا من ازواجنا وذرياتنا قره اعين واجعلنا للمتقين اماما اهو ياابله نور قصايد شعر عشان ما تاخديش فكره وحشه عن الزواج انتى وزرقاء المنتدى رزقكم الله قره اعين وخيار الصالحين وجعل بيوتكم للدين نبراسا وللسعاده عنوانا

كل ده 44 حاجه

ربنا يبارك فيكى اختنا جنة الخلد

الموضوع فعلا هام جدا وبيغفل عنه كثير مع انشغال الحياة

بس الموضوع محتاج فعلا فهم لطبيعة المراة عشان الامور تبقا نابعة عن فهم مش مجرد وصايا بتنفذ

فيه كتاب جميل جداااااا قراته وجبته لزوجتى هدية فى الخطوبة اسمه ( رجال من المريخ ونساء من الزهرة ) كله عن طبيعة المراة واختلافها مع طبيعة الرجل وازاى الاتنين يقدرو يستوعبو بعض ويتفهمو مع بعض

اقتباس :

3- لا تمل مشاكلها بل تعاطف معها .

النقطة دى بالاخص هامة ومكررة لان المراة حينما تتحدث مع زوجها وتبدء بسرد مشاكلها يفكر الرجل بطريقته ويبدء بالتفكير فى الحلول وابداء النصح لها وحل لمشكلاتها ولكن هى فى حقيقة الامر قادرة على حل مشكلتها او اغلبها ولكنها لاتريد ذلك ولكن محتاجه من الرجل ان ينصت لها ويستوعبها ويتعاطف معها

اقتباس :

مرتين بس ياااااالله انتوا عايزنى اقول لزوجتى مرتين بس فى اليوم بحبك انا لو عملت اللى بتقولى عليه ده ياجنه ممكن زوجتى تشك فيه وتقول انى بطلت احبها قولى مرتين كل ساعه يمكن تقبلها ؟

سيدى يا سيدى .. يابسمات يا جااامد

انتوا عايزنى اقول لزوجتى مرتين بس فى اليوم بحبك ------------ الله الله الله عليك يا اخ بسمات بسم الله ما شاء الله بجد احلى حاجة ف الموضوع ده انه اظهر الجانب الجميل والرائع لابو مالك يا رب يهدى سركم وميحرمكوش من بعض ابدا ويبارك فى الواد مالك (اللى خاسس شوية )

كل ده 44 حاجه[/quote] استحلفك بالله لتجرب ولو نصهم وشوف النتيجة وعلى
ضمانتى
( رجال من المريخ ونساء من الزهرة ) انا سمعت عن الكتاب ده شكله حلو هجيبه

- لا تمل مشاكلها بل تعاطف معها .--------- المهم ف الموضوع ده يا اخ غاوى انك مش بس تسمع المشكلة حتى لو هايفة المهم انك تتابع الامر يعنى تيجى تانى يوم وتقول لها -ها عملتى ايه ف مشكلة امبارح بجد الموضوع ده بيفرق مع الست كتير [

اقتباس :

اهو ياابله نور قصايد شعر عشان ما تاخديش فكره وحشه عن الزواج

بسم الله ماشاء الله
ربنا يباركلك اخي ويقر عينك بزوجتك
والله العظيم احنا الكلمه بترضيناوالله احنا غلابه خالص باستثناء طبعا الشواذ بس فعلا المرأه قليل من الحب والامل والنور يرضيها اي خدمه دول اسماء ولادي مستقبلا باذن الله "أمل ونور " مش جمعيه النور والامل احسن تفتكروا غلط
ممكن بقي من باب الاخوه تدعوا لي كتير بان يهديني ربي وان يغفر لي ذنبي وان يعيني علي هوي نفسي وان يفرج قربي واي حاجه تخطر ببالكم لاني في اشد الحاجه للدعاء
اسالكم الدعاء

الكلام ده جميل جدا وسهل التنفيذ للى بيحب مراته بجد وبيحصل كده تلقائى من غير تفكير مسبق لانه نابع من الاعماق
ممكن تلخصوا ال45 جمله دول فى كلمتين ان الزوج هو الامان
تخيلوا بقى لما تعيشوا بدون احساس الامان لمده طويله
ادعوا ان زوجى يسافر وييجى بالف سلامه 000

والله العظيم لو الرجل فهم الست صح كانت اتحلت نص المشاكل[quote]
نصها ايه يا حوا دا لو الراجل فهم الست صح هتتحل المشاكل كلها

حواء كتب:

والله العظيم لو الرجل فهم الست صح كانت اتحلت نص المشاكل

احب ان استخدم عبارتك الاولى

اقتباس :

فنأمل أن يفهم الرجل طبيعة المرأة ، وتفهم المرأة طبيعة الرجل

لابد ان يصل الطرفين الى نقطة التقاء واتفاق

ان يعى الرجل متطلبات المراة وان تقدر المراة معناة الرجال فى هذا الزمن

سيدى يا سيدى .. يابسمات يا جااامد == دى اقل حاجه عندى ياغاوى الله الله الله عليك يا اخ بسمات بسم الله ما شاء الله بجد احلى حاجة ف الموضوع ده انه اظهر الجانب الجميل والرائع لابو مالك يا رب يهدى سركم وميحرمكوش من بعض ابدا ويبارك فى الواد مالك (اللى خاسس شوية ) ربنا يبارك فى حضرتك اختنا جنه ويارك فى بيتك واسرتك اجمعين والجانب ال حضرتك بتتكلمى عنه ده والله موجود على طول بس شغلتنا الدنيا - اه والله عندك حق حضرتك الوحيده اللى مهتمه بالواد مالك شكلك كده عندك عروسه صح يااستاذ غاوى طبعا ما ينفعش الراجل يفهم طباع الست كلها ولا العكس لانه لو تم هذا لااصبحت الدنيا جنه لان الحاجات ال بتحصل بين الست والرجل هى سر الحياه وهى الفلفل والشطه بتاعت الدنيا( اختنا هنى اسال الله العظيم ان يجمعك بزوجك قريبا لا بعيد وعاجلا لا اجلا على خير وان يحفظه بحفظه ويقر به عينك قريبا ) يااخت نور ما فيش مرأه غلبانه ابدا وانما هنالك عاقله وذات عقل رذين وهناك عمياء بغيرتها وصماء بطباعها

اه والله عندك حق حضرتك الوحيده اللى مهتمه بالواد مالك شكلك كده عندك عروسه صح [------------ من ناحية عندى عروسة فهى موجودة بس اكبر منه بسنة لو مالك موافق خلاص 0 بس والله عروسة امورة

يااخت نور ما فيش مرأه غلبانه ابدا وانما هنالك عاقله وذات عقل رذين وهناك عمياء بغيرتها وصماء بطباعها-------------- والله ابدا انت ظالم المراة جدا - لو الست مش غلبانة مكنش الرسول صلى الله عليه وسلم وصى الرجل بحسن عشرتها ومعاملتها بس شطارة الراجل ازاى يطلع الجانب الغلبان اللى فيها

جزاك الله خيرا اخى بسمات