الرضى...!

انا كنت كاااتب كلام كتييييييييييير اوووى فى الموضوع ده بس مسحته بس هكتبه تانى بس عايز اعرف ؟ يعنى ايه رضى عندكم ؟؟
حد مر قبل كده بعدم بأحساس عدم رضى فى ( الدين - فى الدنيا - فى شخصيته - عن نفسه)
واتصرقتم ازاى عشان تتغلبوا على الاحساس ده؟؟؟
وهل هو شى مزموم ان الواحد يحس بعدم رضى؟؟
واذا سيطر الاحساس ده على الواحد يعمل ايه؟؟؟
بجد عايز رايكم لانه مهم اوووى عندى ؟؟

فى الدين -------------> صعب جدا تحس بالرضا ولو حسيت بالرضا تبقى مشكلة ف شخصيتك

فى الدنيا---------> الرضا موجود لابعد الحدود سواء رضا مادى او رضا باولادى

فى الشخصية------> لا مش راضية بصراحه ولما بتعامل مع الناس وبحس ان شخصيتى غيرهم مش ببقى مبسوطة - تلاقى الناس فارقين معايا وانا مش فارقة معاهم- القينى بادى ومباخدش- اصل الرحم واللى بصله يقطعنى - واخد قرار ابعد عن الناس واتعامل بجفاء مش بعرف وارجع تانى بنفس الغباء

تتصور بسمات الواحد كان واحشة الموضوعات دى انا بفكر انزلكم موضوع زى بتاع تؤام الروح اللى قلب الدنيا

تلاقى الناس فارقين معايا وانا مش فارقة معاهم- القينى بادى ومباخدش=هذه واحده
واخد قرار ابعد عن الناس واتعامل بجفاء مش بعرف وارجع تانى بنفس الغباء= 2
بس بصراحه عايز كلام اكتر فى الموضوع ده وبصراحه اكتر منتظر رد من شخص بعينه لانى بثق فى كلامه لاابعد الحدود لانى لما باخد رايكم فى حاجه بيبقى فى قرار بجمعه فى ذهنى وبسعى لتنفيذه بس بعد ما اجمع الاراء فانتظر منكم كلام بصوره مفتوحه شويه وكلام من حلال تجارب
واسالكم الدعاء

وبصراحه اكتر منتظر رد من شخص بعينه لانى بثق فى كلامه ----------- - الله يسامحك

Embarassed Embarassed Embarassed Embarassed Embarassed - الله يسامحك=== والله العظيم فهمتينى غلط ياجنه وربنا وحده مطلع على نيتى وما تخفى الصدور وما تكن اعذرونى بقى لانى عصبى جدا اليومين دووووول وممكن يطلع منى كلام هتقولوا مش انا ال كاتبه اصلا
ممكن ولا لا؟

هو ايه الايم براسسد ده وليه الرضا مش بالالف وكمان يا ست جنه الراجل ميقصدش حاجه ممكن يقصد حواء بحكم انها اكبرنا سنا وارجحنا عقلا ولو انها فقدت جزء منه بحكم الظروف اللى كلنا مرينا بيها وفقدنا كلنا جزء من عقولنا واصبحنا اسره مهيبره
المهم بقه الرضى ده بتختلف نسبته ومحدش بيوصلل للكمال فيه انما لو بايدى اغير حاجه مش راضى عنها من غير ضرر ولا ضرار يعنى احسن مستوايا العلمى او الوظيفى يبقه ده عدم رضا يدفعنى للافضل انما لو ححاجه متتغير ش يبقه لازم ارضى بيها زى المرض او اى ابتلاء ملكش يد فيه لو حسيت بعدم الرضا حادث نفسك واتكلم معاها على انها شخص اخر واعمل تبادل ادوار مع الناس اللى معندهمش اللى عندك وردد مع نفسك عبارات الرضا واتكلم وقول انا راضى عشان تبعت رسائل للعقل الباطن تحسسك باحساس الرضا
والاحساس بعدم الرضا مش وحش لانه اوقات بيدفعك لانك تحقق انجاز او تغير شئ سلبى فى حياتك الرضا مش معناه انى استسلم لاى حاجه واقول ده نصيبى لا مش معناه انى لما اعيا مخدشى دواء واقول انا راضى بالمرض
فى الاخر يا رب ارضينا وارضى عنا

وكمان يا ست جنه الراجل ميقصدش حاجه= ربنا يحفظك يازرقاء حمدلله على سلامتك المنتدى كان وحشششششششششششششششششششششش اوووووووى من غيراليمامه المشاغبه
ابتلاء ملكش يد فيه==== كويسه الكلمه دى قربت منى شويه
حادث نفسك واتكلم معاها على انها شخص اخر واعمل تبادل ادوار مع الناس اللى معندهمش اللى عندك== عارف ده واللله انى الى الان لم أمر بأى بلاء ملموس حتى انى ظننت ان ابتلائى فى الرخاء فجعلنى اصبر على الرخاء حتى اشكر فى البلاء غريبه صح

بالحق يا زرقاء مش شرط بسمات يكون مستنى كلامى شكلة عاوز يكون صورة عن حاجة معينة بنمر بيها كلنا===؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وللاسف الحواليا فاكرين انى عبيطة بس انا سعيدة بكل الالم والحزن والابتلاء ونظرات كل الحوالي=== انتى كمان فاكرينك كده ياحواء بس انا عكسك نظرات ال حواليا بتقطعنى بحس ان كل ال حواليا بعيونهم عمالين يقولولى مالك فى ايه عندك زوجتك وابنك بخير حال ورزقا وفير وابواك راضين عنك ويدعولك واخوة فى الله الل انهم اغفلوا انى مازلت اشعر بالغربه فى بلدى ولست راض
معندكش فكرة يا بسمات قد اية ان راضية عن ربى وعن نفسى == هى نعمه اتمها الله عليكى اختنا وزادك ايمانا ورضا وصبرا

=== ياجنه ده انا طلبت منكم رايكم وطلبت تفهمونى مش تزعلوا منى انا مش ناقص بالله عليكم ادونى رايكم وحسوا فعلا انى محتاجه لان لو مش محتاجه ما كنتش اخدت رايكم .. اسالكم الدعاء لأخيكم

والله ما زعلانه- انا بس عايزة اعرف مالك عشان اعرف ارد الرد اللى يريحك- ايه بس اللى مخليك مش مبسوط ومعندكش رضا- هونها عشان تهون يا بسمات- صدقنى محدش فينا خالى من الهموم-ومن الاخر الدنيا كلها متستاهلش الواحد يزعل فيها - طلب خاص جدا سيبها على الله

انا جيت ولسه شايفه الموضوع ده معلش
بس لاحظت انك رادد ابو مالك بصيغه المؤنث في رد ولا مش انت اللي كنت كاتب

اقتباس :

ناقص بالله عليكم ادونى رايكم وحسوا فعلا انى محتاجه لان لو مش محتاجه ما كنتش اخدت رايكم .. اسالكم الدعاء لأخيكم

وكمان في ردود تقريبا عدلت فمش عارفه كنتوا كاتبين ايه
بس هردلك اخي الغالي علي اساس الموضوع
لانك سبحان الله لما فتحت الموضوع اساسا كنت افتكر الموضوع بيتحدث عن الرضا فقولت ادخل علشان يمكن لما ادخله ارضي شويه لاني مش راضيه وسبحان الله لاقيت مش لوحدي في نفس الاحساس
بس والله اعلم ان اللي احنا فيه ده ظاهره عامه للكل وفعلا احنا اللي بنوصل لحاله الرضا او السخط بس نعوذ بالله ان يكون سخطا حتي لا يسخط الله علينا
بس هو في شئ مأرقنا كلنا وتاعب نفوسنا
بس اللي توصلت ليه فعلا ان كل واحد فينا ربنا يعلم نقطه اصلاحه فين لو بصيت اخي بسمات علي نقطه عدم رضاك هتلاقيها تختلف تماما عني وعن جنه وعن حواء وعن زرقاء رغم انهم اخوات شققه عارف ليه لان ربنا وحده عالم بما يصلح كل منا فيعطي كل منا علي مقدار مايستحمله يعني ان ربنا لا يحملنا مالا نطيق من التفكير ولكن لاتجعل التفكير ياخذ الحيز الاكبر من اهتمامك لا فكر واعمل
يعني انت دلوقتي مش راضي صح اي كان عدم الرضا في حالك فين بالظبط لا ده مدخل من مداخل الشيطان علشان يشغلك بالتفكير فيجهدك نفسيا ويتعب اعصابك وبالتالي لاتعمل ونحن امه العمل
عارف اخي بسمات انا لما ببقي في الحاله ديت ببقي عندي شلل اه والله شلل يعجزني عن الضحك والابتسام في وجوه من حولي وحتي امي وابي واخواتي وبالتالي اغضبهم مني وبروح مدرستي مش عارفه اشتغل ولا اعطي ولكن بتغلب عليه بالتصبر وبالتراضي بحاول ارضي نفسي وزي ماقالت زرقاء بفتكر ابتلاء غيري واضع نفسي فيه

اقولكم كمان كنت امبارح رايحه الشغل في امان الله وببص بيقولوا حادثه افتكرها زي كل مره عربيه مخبوطه ولا متوسكل لاقيت اتنين شباب مايتين وغرقانين في دمهم ومتغطينين بس مش كل جسمهم وحالتهم لاترسي لهم وماتوا روحت المدرسه في حاله من التعب النفسي والبكاء لاني اول مره اشوف كده بس ساعتها حسيت بحقاره الدنيا اوي وان في لحظه ممكن عمري يروح ويختفي هباء طيب عملت ايه وقدمت ايه اقول لربنا انا كنت بحاول اجي طريقك بيه

ولما عدي شويه من اليوم وروحت الحنه بتاعت صاحبتي شعرت بضحكات وبسمات لا اعرف لها معني ليست سوي غير اني عايزه ادخل السرور علي قلب صديقتي لانها بجد مش ناقصه كان زواجها هيتفشكل بعد ماراحت العفش الشقه وقبل الفرح بتلات ايام بسبب حماتها ربنا يصلحها الحال " وهي بنت يتيمه ليس لها اب ولا ام "
تذكرت حالي وحالها وقولت لو انا في مكان هند كنت هستحمل اللي هي فيه ده
قولت لا قولت ساعتها سبحان الله ربنا وحده عالم باللي هقدر استحمله فعطاني اياه

الرضا شئ جميل يريح صاحبه واعتقد الرضا عن الحال وعن الرزق وعن المقسوم هو مايعنيه الرضا اما ما ذكرته عن عدم الرضي الوظيفي مثلا او غيرها مش عارفه ممكن نقول الطموح واعتقد ان الطموح لايتعارض ابدا مع الرضا يعني انا مش راضيه عن مستواي المالي مش سخط ولكن لاني اشعر بالتقصير من نفسي في عدم السعي فعندي طموح حسن اني ازيد من ساعات عملي او ابحث عن وظيفه اخري لازيد من مستواي المادي بالحلال واعتقد ده الطموح ومش عكس الرضا " ده مثال يعني "
اما عن عدم الرضا عن علاقتي بربنا اعتقد انه شئ حسن بردوا لانه هيخلينا دايما في يقظه لحال قلبنا مع الله بس الاهم انه مايبقاش شعور يصل بنا للاكتئاب االموصل الي التراجع والانتكاسه اعوذ بالله عن الطريق الي الله علي العكس يكون شعور مؤدي الي العمل والجهد كل الجهد الي ان ارضي عن علاقتي بحب ربنا وعلاقتي بربنا واني فعلا بحاول امشي علي الطريق بس ان وصلت للرضا لا اغتر فان الله هو الغرور "فعلا يغرنكم الله الغرور "يعني اكيد لو حسيت بالرضا ده في بعض اللحظات ده فضل ونعمه من الله اشكر الله عليها


عارفه اني حكيت كتير اعذروني بس علشان اوصلكم احساسي اصل انا نفسي كنت زيك كده ومازلت اخي بسمات ابحث عن الرضا

ابتسم اخي بسمات واعلم ان مااخطأك لم يكن ليصيبك وما اصابك لم يكن ليخطأك واعمل ان فرج الله قريب وان مع العسر يسر
وان كان حالك الرخاء فلا تحزن ولاتعبتره ابتلاءك ولكن ما اغني الله الغني الا لعلم الله انه يصلحه الغني وما افقر الله الفقير الا لعلمه انه يصلحه الفقر وما منع وما اعطي الا لعلمه عز وجل انه يصلح عبده فكل حالنا خير لان الله لا يعطينا ولا يمنعنا الا لانه يريد الخير بنا

احمد الله علي العافيه ولا ترهق نفسك باليأس والشعور بالالم ولكن ارهقها بالعمل فنحن امه العمل ارهق عقلك بالتفكير
ماذا اعمل لكي اسعد نفسي ؟
ماذا اعمل لكي اسعد امي وابي؟
ماذا اعمل لكي اسعدزوجتي ؟
ماذا اعمل لكي اسعد ابنائي ؟
وهكذا اخي ابو مالك ماذا تعمل تعمل تعمل يارب يكون كلامي وصل لقلبك قبل عقلك
العمل اخي
فالايمان ماوقر في القلب وصدقه العمل اهم حاجه اشغل نفسك بالعمل لله ودينه والعمل لاسعاد نفسك والاخرين
ولا تحزن فان مع العسر يسر ومع الضيق فرج

واشهد الله اني احبكم في الله وفعلا مفتقداكم ليه كام يوم بس غصب عني معلش علي الاطاله

ناقص بالله عليكم ادونى رايكم وحسوا فعلا انى محتاجه لان لو مش محتاجه ما كنتش اخدت رايكم .. اسالكم الدعاء لأخيكم == كلمه محتاجه هنا عايده على( رايكم ) ياحفيده فانا محتاجه اى احتاج الى رايكم
بس هو في شئ مأرقنا كلنا وتاعب نفوسنا=== صح
عندي شلل اه والله شلل يعجزني عن الضحك والابتسام في وجوه من حولي وحتي امي وابي واخواتي وبالتالي اغضبهم مني== انا كده برده بس بفضل الانعزال عن الاخرين
ن وصلت للرضا لا اغتر فان الله هو الغرور "فعلا يغرنكم الله الغرور======
(يَا أَيُّهَا النَّاسُ اتَّقُوا رَبَّكُمْ وَاخْشَوْا يَوْمًا لَا يَجْزِي وَالِدٌ عَنْ وَلَدِهِ وَلَا مَوْلُودٌ هُوَ جَازٍ عَنْ وَالِدِهِ شَيْئًا إِنَّ وَعْدَ اللَّهِ حَقٌّ فَلَا تَغُرَّنَّكُمُ الْحَيَاةُ الدُّنْيَا وَلَا يَغُرَّنَّكُمْ بِاللَّهِ الغرور)لقمان 33


(يَا أَيُّهَا النَّاسُ إِنَّ وَعْدَ اللَّهِ حَقٌّ فَلَا تَغُرَّنَّكُمُ الْحَيَاةُ الدُّنْيَا وَلَا يَغُرَّنَّكُمْ بِاللَّهِ الغَرور)=فاطر5
يُنَادُونَهُمْ أَلَمْ نَكُنْ مَعَكُمْ قَالُوا بَلَى وَلَكِنَّكُمْ فَتَنْتُمْ أَنْفُسَكُمْ وَتَرَبَّصْتُمْ وَارْتَبْتُمْ وَغَرَّتْكُمُ الْأَمَانِيُّ حَتَّى جَاءَ أَمْرُ اللَّهِ وَغَرَّكُمْ بِاللَّهِ الْغَرُورُ)== الحديد 14
ومعنى الايات هنا
(وَلَا يَغُرَّنَّكُمْ بِاللَّهِ الغَرور)

قال ابن كثير عند آية لقمان:
وَلَا يَغُرَّنكُمْ بِاَللَّهِ الْغَرُور" يَعْنِي الشَّيْطَان . قَالَهُ اِبْن عَبَّاس وَمُجَاهِد وَالضَّحَّاك وَقَتَادَة فَإِنَّهُ يَغُرّ اِبْن آدَم وَيَعِدهُ وَيُمَنِّيه وَلَيْسَ مِنْ ذَلِكَ شَيْء بَلْ كَانَ كَمَا قَالَ تَعَالَى " يَعِدهُمْ وَيُمَنِّيهِمْ وَمَا يَعِدهُمْ الشَّيْطَان إِلَّا غُرُورًا

وقال عند آية فاطر:
" وَلَا يَغُرَّنَّكُمْ بِاَللَّهِ الْغَرُور " وَهُوَ الشَّيْطَان قَالَهُ اِبْن عَبَّاس رَضِيَ اللَّه عَنْهُمَا أَيْ لَا يَفْتِنَنَّكُمْ الشَّيْطَان وَيَصْرِفَنَّكُمْ عَنْ اِتِّبَاع رُسُل اللَّه وَتَصْدِيق كَلِمَاته فَإِنَّهُ غَرَّار كَذَّاب أَفَّاك وَهَذِهِ الْآيَة كَالْآيَةِ الَّتِي فِي آخِر لُقْمَان" فَلَا تَغُرَّنَّكُمْ الْحَيَاة الدُّنْيَا وَلَا يَغُرَّنَّكُمْ بِاَللَّهِ الْغَرُور " وَقَالَ مَالِك عَنْ زَيْد بْن أَسْلَمَ هُوَ الشَّيْطَان كَمَا قَالَ الْمُؤْمِنُونَ لِلْمُنَافِقِينَ يَوْم الْقِيَامَة حِين يُضْرَب " بَيْنهمْ بِسُورٍ لَهُ بَاب بَاطِنُهُ فِيهِ الرَّحْمَة وَظَاهِرُهُ مِنْ قِبَله الْعَذَاب يُنَادُونَهُمْ أَلَمْ نَكُنْ مَعَكُمْ قَالُوا بَلَى وَلَكِنَّكُمْ فَتَنْتُمْ أَنْفُسكُمْ وَتَرَبَّصْتُمْ وَارْتَبْتُمْ وَغَرَّتْكُمْ الْأَمَانِيّ حَتَّى جَاءَ أَمْر اللَّه وَغَرَّكُمْ بِاَللَّهِ الْغَرُور " .


عارفه اني حكيت كتير اعذروني بس علشان اوصلكم احساسي اصل انا نفسي كنت زيك كده ومازلت اخي بسمات ابحث عن الرضا
لا والله اختنا ما اطلتى ولكنك تحدثتى بلسان حال الكثير
جزاكم الله كل خير يانور على مشاركتك
قربتم اوووى مما يدور بذهنى من معنى عدم الرضى لكنى مازلت انتظر ( هل من مزيد)

اقتباس :

قال ابن كثير عند آية لقمان:
وَلَا يَغُرَّنكُمْ بِاَللَّهِ الْغَرُور" يَعْنِي الشَّيْطَان . قَالَهُ اِبْن عَبَّاس وَمُجَاهِد وَالضَّحَّاك وَقَتَادَة فَإِنَّهُ يَغُرّ اِبْن آدَم وَيَعِدهُ وَيُمَنِّيه وَلَيْسَ مِنْ ذَلِكَ شَيْء بَلْ كَانَ كَمَا قَالَ تَعَالَى " يَعِدهُمْ وَيُمَنِّيهِمْ وَمَا يَعِدهُمْ الشَّيْطَان إِلَّا غُرُورًا

وقال عند آية فاطر:

اقتباس :

" وَلَا يَغُرَّنَّكُمْ بِاَللَّهِ الْغَرُور " وَهُوَ الشَّيْطَان قَالَهُ اِبْن عَبَّاس رَضِيَ اللَّه عَنْهُمَا أَيْ لَا يَفْتِنَنَّكُمْ الشَّيْطَان وَيَصْرِفَنَّكُمْ عَنْ اِتِّبَاع رُسُل اللَّه وَتَصْدِيق كَلِمَاته فَإِنَّهُ غَرَّار كَذَّاب أَفَّاك وَهَذِهِ الْآيَة كَالْآيَةِ الَّتِي فِي آخِر لُقْمَان" فَلَا تَغُرَّنَّكُمْ الْحَيَاة الدُّنْيَا وَلَا يَغُرَّنَّكُمْ بِاَللَّهِ الْغَرُور " وَقَالَ مَالِك عَنْ زَيْد بْن أَسْلَمَ هُوَ الشَّيْطَان كَمَا قَالَ الْمُؤْمِنُونَ لِلْمُنَافِقِينَ يَوْم الْقِيَامَة حِين يُضْرَب " بَيْنهمْ بِسُورٍ لَهُ بَاب بَاطِنُهُ فِيهِ الرَّحْمَة وَظَاهِرُهُ مِنْ قِبَله الْعَذَاب يُنَادُونَهُمْ أَلَمْ نَكُنْ مَعَكُمْ قَالُوا بَلَى وَلَكِنَّكُمْ فَتَنْتُمْ أَنْفُسكُمْ وَتَرَبَّصْتُمْ وَارْتَبْتُمْ وَغَرَّتْكُمْ الْأَمَانِيّ حَتَّى جَاءَ أَمْر اللَّه وَغَرَّكُمْ بِاَللَّهِ الْغَرُور " .

جزاك الله عني خيرا ابومالك انا كان فهمي ليها انه عن الله استغفر الله العظيم واتوب اليه استغفر الله العظيم واتوب اليه من كل تقصير وذنب ومن كل مااخطأت به من غير عمد

من غير زعل طبعا يانور اكييييييييد صح؟


انا بس عايزة اعرف مالك عشان اعرف ارد الرد اللى يريحك== والله ياجنه انا نفسى مش عارف مالى؟
هونها عشان تهون يا بسمات-== والله ياجنه الكلمه دى بتتقالى كتير بصس المشكله مش عارف اطبق ما فيش اى حاجه بتحصلى غير لما لازم افكر فيها بصوره كبيره اوووى وبتاخد حيز كبير من فكرى

الدنيا كلها متستاهلش الواحد يزعل فيها === والله عارف ياجنه عشان كده انا زعلالالالالالالالالان اووووى من نفسى عمال كل شويه افول مالك فى ايه مش راضى ليه وايه اصلا اللى يخليك مش راضى هى دى اصلا تسوى حاجه عشان انت ما ترضاش وهو الرضا الحقيقى اللى انت عايزه هتلاقيه هنا ؟ امال ايه مالك اصبر اصبر

اقتباس :

من غير زعل طبعا يانور اكييييييييد صح؟

من غير زعل ايه مش فاهمه
انا يعني زعلت طيب زعلت من ايه
علشان يعني صححتلي لاطبعا امال احنا مع بعض ليه مش علشان نستفيد من بعض وانا فعلا ماكانتش عارفه معني الايه كنت فاكراها زي ماانا فاهماها يعني انت اللي كسبت الثواب في لانك عرفتني

اقتباس :

مش عارف اطبق ما

كلنا تقريبا هذا الرجل
المشكله معانا كلنا والله يابسمات اننا بنحاول نطبق بس طالما بنفشل ونحاول تاني اكيد ده نجاح مش كده بردوا؟
وزي ماقولتلك اشغل نفسك بالعمل اكتر من التفكير لان والله التفكير مش بينتج عنه غير الازمه النفسيه لانك شكلك زي من النوع اللي بيفكر كتير ماتفكرش كتير سيبها علي الله وارمي حمولك عليه والجأ ليه وخليك في العمل "انما الصبر بالتصبر " يعني تصنع الصبر هتلاقي نفسك تعلمته وتصنع الصمود هتلاقي نفسك صامد وتصنع الضحك هتلاقي نفسك الدنيا تحت رجليك مش قصدي تصنع انك تكون متكلف لا اذا لم تبكوا فتباكوا صح ؟
يارب يكون وجه نظري وصلت من كلمه التصنع احسن اضرب دلوقتي هههههههه
يعني من الاخر عيش مود الرضا والصبر هتلاقيهم باذن الله بس ماتفكرش تجيبهم ازاي فكر ازاي تعيشهم يارب يرضيك ويرضي عنك ويريضينا كلنا وانا معاكم يارب يارب يارب يامن تجيب دعوه المضطر اذا دعاك نحن من عبيدك بنو عبيدك ضاقت علينا الدنيا وارهقتنا انفسنا وضاقت بنا نفسونا حتي عدنا لانطيق فاللهم ارزقنا الرضا وارضا عنا امين امين امين وبعدين ياعم الحاج اقولك علي حاجه بس مش تقولها لحد بس مش تضحكوا عليه بس جربها لما تكون في الحال ده روح هات شكولاته من افخم الانواع واقفل علي نفسك من غير ماحد مايشوفك واسترخي علي السرير وكلها لوحدك وبعدها ادعيلي "هههههههه"والله متجربه وشوف وقولي

طب والله يا جماعه لو حد فيكو مر بنص الابتلاءات اللى عندى (بعد الشر)كان كره نفسه والدنيا وما فيها - ورغم ذلك بعيش وبضحك - طب هعمل ايه؟ انا فكرت احزن واحزن وانعزل لقيت ما فيش فايده - والحمد لله - انا بحمد ربنا وبعيش هى الدنيا كده قال تعالى ( ولقد خلقنا الانسان فى كبد) والكبد هو التعب والمشقة الايه دى شاملة الرجل والمراه الفقير والغنى - انتى لسه صغير يا بسمات ولسه هتقابل حاجات كتير لازم تكون اقوى من اى شئ - طب انا والله حصل موقف ادامى خلانى احمد ربنا الف مرة على كل حاجة - شخص جار والدى ابنه شاب طايش زى شباب كتير للاسف طايشين حصل شجار بينه وبين عسكرى امن دولة وكانت النتيجة وفاة العسكرى - عارفين الاب له سلطة استخدم كل سلطاته الممكنه لتخريج ابنه من السجن وراح مصر وقابل مسئولين وقعد سنتين ف القصة دى - اليوم اللى قابل فيه شخصية مهمة وعدته بمساعدة ابنه لقى قسم الشرطة بيتصل بيه وبيقوله تعالى استلم جثة ابنك - اتاريهم لما بينفذوا حكم الاعدام مش بيبلغو الاسرة بالميعاد - طبعا لو حكيت من هنا لبكرة ايه اللى جرى للاب والام محدش هيصدقنى- واقسم بالله الحكاية دى واقعية ولولا انى حضرت احداثها مكنتش صدقت - هى دى الابتلاءات بجد - كل ما تتخنق شيل مالك ولعبو واحمد ربنا انه رزقك وربنا يخليهولك ويحميه من كل سوء- وحاول تغير من نظام حياتك
اخرج وخرج بيتك معاك اسبوعيا- شوف مين اللى ممكن تكون مقصر ف حقه وزوره - قلب ف ذاكرتك عن صديق قديم ممكن تكون هجرته بسبب العمل - واكلم معاه- شوف هموم الناس وانتى تنسى همك

ياجدعان الله يخليكم الجمل المقتبسة من مشاركات الاخرين يوضع عليها اقتباس لاني كده بتلخبط وما بقرأش الرد زي نور كده عاملة اقتباس

القصة اللى فوق كلها من عندى ومفيش اقتباس - ثانيا خاصية الاقتباس مش شغاله عند معظمنا

شغاله ياجنه بس لازما قبل ماتضعي علامه الاقتباس تحدد الكلام الاول "اي وضع ظل عليه وذلك بوضع المؤشر في بدايه الجمله المقتبسه والضغط كليك شمال مع السحب لاخر الجمله المقتبسه وبعدها تدوسي علامه الاقتباس غير كده مش هينفع جربي وقوليلي