اشمعنى هما --احنا احسن

السلام عليكم ازيكم يا اهل المنتدى
انتوا فين مختفيين يعنى
على العموم انا عملت الموضوع ده عشان ترجعوا تانى
انا بقالى فترة كل ما افتح التليفزيون
الاقى القنوات (الهبلة )عمالة تعمل مسابقات استعداد لرمضان
وكمان كل شوية تنويه عن المسلسلات اللى هتيجى فى رمضان
وكل واحد يطلع يقول انا سعيد انى هقدملكم حاجة فى رمضان السنة دى
شئ يحرق الدم
انا قلت بينى وبين نفسى ليه منعملش احنا كمان حاجة كويسة
وبنقول اانا سعداء السنة دى ان احنا هندخل رمضان بالحاجة دى
ففكرت فى حاجة هاخد رائكم فيها
سورة البقرة 286ايه قسمتها على شهرين ونص يعنى حوالى 75يوم
على رمضان
لو حفظنا كل يوم 4ايات هنخلصهم قبل رمضان
وساعتها هنقول اننا سعداء اننا ندخل رمضان السنة دى بسورة البقرة
محدش يقول السورة كبيرة لان فضل سورة البقرة كبير جدا
ومن فضلها:-

أنها بركة ولا تستطيع الشياطين البقاء في مكان تقرأ فيه :
عن أبي أمامة قال : سمعت رسول الله صلى الله عليه وسلم يقول : " اقرءوا القرآن فإنه يأتي يوم القيامة شفيعا لأصحابه اقرءوا الزهراوين البقرة وسورة آل عمران فإنهما تأتيان يوم القيامة كأنهما غمامتان أو كأنهما غيايتان أو فرقان من طير صواف تحاجان عن أصحابهما اقرءوا سورة البقرة فإن أخذها بركة وتركها حسرة ولا تستطيعها البطلة " . رواه مسلم .


عن أبي هريرة رضي الله عنه قال : قال رسول الله صلى الله عليه وسلم
: " لا تجعلوا بيوتكم مقابر إن الشيطان ينفر من البيت الذي يقرأ فيه
سورة البقرة " . رواه مسلم

احاجة اخيرة يا اخوانى
الفنانين بيسهروا الليالى ويتعبوا نفسهم عشان عملوا مسلسل و2 و3

يبقى مش كتير اننا نفضى نفسنا كل يوم ل4 ايات مش كتير والله
على العموم بكرة السبت 15-5 انا عن نفسى هبدا
وعارفة انكم هتحبوا الفكرة ان شاء الله وهتبداوا معايا
كل يوم ندخل ونقول تم حفظ الاربع ايات
واللى مش هيقدر يدخل كل يوم اليوم اللى هيدخل فيه يقول انه حفظ الايات اللى بعدد الايام اللى غاب فيها
ولو حطينا فى عقلنا الفنانين اللى على الباطل وبيعملوا ايه
محدش هيكسل عن الحفظ

وجزاكم الله خيرا