ربع سكان العالم يفضلون المرأة "ربة منزل"

أظهر استطلاع عالمي للرأي أن واحدا من كل أربعة أشخاص معظمهم من الشباب يعتقدون أن المرأة مكانها المنزل ، وأظهر الاستطلاع الذي أجرته رويترز ومعهد إيبسوس ، وشمل أكثر من 24 ألف بالغ في 23 دولة أن أشخاصا من الهند (54 بالمائة)، وتركيا (52 بالمائة)، واليابان (48 بالمائة)، والصين وروسيا والمجر (34 بالمائة لكل منها)، وكوريا الجنوبية (33 بالمائة) يتفقون على الأرجح على أنه يجب ألا تعمل المرأة.

ونقلا عن موقع أخبار مصر فقد كان الأشخاص الذين تتراوح أعمارهم بين 18 و34 عاما الأكثر تأييدا لهذا الرأي على الأرجح ، وليس الجيل الأكبر والأكثر تمسكا بالتقاليد

وفى التقرير الصادر عن الصندوق العربي للإنماء الاقتصادي بالتعاون مع الجامعة العربية ومنظمات أخرى أكدت مؤشراته أنه رغم ارتفاع نسبة تعليم الإناث في العالم العربي ، فإن نسبة مشاركتها في الحياة الوظيفية وسوق العمل ما زالت تحقق أدنى مستوياتها إذا ما قورنت بباقي دول العالم .
وتشير الأرقام إلى أن نسبة مشاركة المرأة في سوق العمل في فرنسا 40% ، وفي بولندا 50 % ، وفي ايطاليا 48 % ، وحتى في الصومال كانت أعلى من الدول العربية حيث سجلت المرأة الصومالية نسبة مشاركة 25 % ، وفى المغرب 20 % ، بينما في السعودية والعراق واليمن 5% .

يا بنتى انا واحده من الناس ضد عمل المراه جدا مع انى مدرسه ومع انى والحمد لله ناجحة ف عملى جدا جدا بس بكره طلوعى من البيت - واخدت اجازات بدون مرتب كتير بس خلاص قربت تخلص فقلت لازم ارجع واشتغل - بس والله ما راضيه عن العمل خالص مع العلم انى بشتغل ف مدرسة ارياف وناسها محترمين ومفيش اختلاط - بس هى طبيعتى مايله للبيت جدا -ولو عملتى استفتاء هتلاقى نسبه كبيرة جدا بيشتغل يا اما للحاجه المادية او مستخسر الوظيفة - ودايما بفكر لو الحكومة عملت قرار ان الست اللى تتنازل عن وظيفتها ياخد مكانها شاب قريبها زى اخوها او جوزها مثلا - هتلاقى معظم الستات اتنازلت

عندك حق والله جنة الخلد يا اما شغل مريح وماياخدش من وقت بيتها يا تفضل فى البيت احسن لها
منه لله قاسم امين وهدى شعراوى مااحنا كنا قاعدين فى البيت لازم يوجعوا لنا دماغنا

انا بقى ضد عمل المرأه خااااااااااااالص وعندى رأي معتقده فيه .. بس بلاش اقوله احسن يشعلل الدنيا حريقه والستات تقلب عليا بلاش احسن

قولى يا ام مريم وانا معاكى ولا يهمك وراكى رجالة
ايوة عايزين الدنيا تشعلل
ول ياول ول ياول

والله ياجدعان الموضوع ده محيرني جدااااا ومن زمان....يعني انا لااحب ان المرأة تعمل الا لو بسبب الظروف المادية وده لاني شوفت امثلة كتييير بينتج عنها اهمال اما للبيت لو الست دي هتشتغل بذمة او العكس هتروح الشغل علشان تحضر الطبيخ وتعمل المحشي ع المكتب....بس بردو ما يمنعش اني بردو شوفت حالات ناجحة جدااااا والاب والام شغالين والاولاد مثاليين....في نفس الوقت تلاقي عدد كبير من البيوت الاولاد في حالة فوضى وممكن ولد يفشل دراسيا بالرغم من انه ذكي وكان محتاج فقط شوية توجيه

في نفس الوقت ودي حاجة بقت موضة بالنسبة للستات اللي بتقعد في البيت وهي النوم لحد العصر واحيانا المغرب لان ماعندهاش حاجة تعملها....وممكن الملل يتسبب انها تهمل في نظافة البيت والحاجات التي تحتاج لخبرة نسائية
زائد كمان لو واحدة معاها شهادة زي طب او هندسة مش معقول بعد السنين دي يكون مصير الشهادة هو الحائط....وبردو المجالات دي لازم يكون فيها رجال اكتر ودورهم بيطغى والناس فيها الحلو والوحش...يعني الست كويسة بس ممكن اللي حواليها مش كويسين
زائد كمان بمناسبة التسخين والشعللة....الستات لما تبقى فاضية وقاعدة في البيت بتبقها دماغها فاضية وتضطر انك تتجوز واحدة ومعاها شريط صداع...ههههههه
ياريت لو بعض الاقتراحات مع اني لاأظن ان هناك حلا لان الموضوع ده تجيله كده ....يجي كده

انا مع حضرتك اخونا محمود فى نقطة ان فى نماذج ناجحة جدا بتكون بتشتغل ومتميزة فى بيتها
بس دى فروق فردية ومش هيكون سهل ابدا على اى حد حتى النماذج الناجحة دى سالتها هتقولك الموضوع شاق ومرهق
ف الحل ف النقطة دى ان الست لو شايفة نفسها هتقدر تستحمل وتكون مثال ناجح فى البيت والشغل وزوجها موافق على شغلها والله يا حبذا اما غير كدة فالبيت لحسنلها
اما بخصوص المؤهلات العليا زى الطب والهندسة اكيد كبعا الكليات دى لازم تكون فيها ممارسة عمليه
بس بردو مافيهاش مشكلة لو كانت معاها بكالريوس طب ومش بتشتغل انا اعرف نماذج كتيرة كدة
هى آثرت انها تكون ام صالحة مفكرة مثقفة على العمل
اما بقى بخصوص زن الستات لما بيكونوا فاضيين دى بردو ممكنة بس احنا بنقول ماتشتغلش علشان تتفرغ لبيتها ولاوللادها مش علشان تزن يعنى المفروض اصلا انها مش هيكون عندها وقت او هتكون مش فاضيةللزن
وبعدين لازم ما نغفلش حاجة مهمة جدا مش معنى انها مش بتشتغل انها تكون غير منتجة او غير قادرة على الكسب
لا لازم دى كمان تكون فى حسبانها
بجد الموضوع شاااااائك جداااا والكلام فيه كتير
والله يعينكم يا ستااااااااات هتلاقوها منين ولا منين ههههههههههههههههههههههههههههه

اقتباس :

بس بردو ما يمنعش اني بردو شوفت حالات ناجحة جدااااا والاب والام شغالين والاولاد مثاليين....

معتقدش ان الحالات دى موجوده اكيد اكيد اكيد هنلاقى تقصير فى اى ناحيه ولو ملقيناش يبق هتلاقى صجتها تعبانه ونفسها ومنى عينها لو تقعد فى البيت تريح شويه أو هتلاقيها مقضياها اجازات بدون راتب مثلا سنه وسنه بس فى الاخر محافظه عالوظيفه..

اللى كنت اقصده ان الست لما بتشتغل تلاقيها تقلك دى فلوسى وانا بساعدك بيها . أو طالعه عشان اساعد فى المصاريف بس الاساس ان دى فلوسها وهيا بتساعد_ده اللى بنسمعه_لكن اللى بعتقد فيه بصراحه ان وقت الست 24 ساعه من حق زوجها واولادها وبيتها ..ولما تيجى بقى تشتغل حتى لو عشان هتساعد فى المصاريف فده من ضمن الوقت يعنى الراتب ده من حق البيت والزوج والاولاد-وكل الراتب- يعنى فى الاخر قعدتها فى البيت احسن ليها.
وكمان لو بصينا لقعدتها فى البيت هنلاقيها توفر كتيييير فى المصاريف اللى بسببها هتطلع تشتغل زى مثلا هتذاكر للاولاد وتوفر فلوس الدروس الخصوصيه وهتعمل مثلا اعمال فنيه او اعمال مطبخ زى المخللات او غيره وده برضو توفير بدل متشتريها من بره او تربى طيور ومتشتريهاش من بره برضو وهكذا بقى..
وده ميمنعش انها مثقفه وناجحه وثقافتها دى هتبان فى فى تربيتها لأولادها وفى نظافه بيتها. وايه المانع لما تدخل عالنت وتقرا كتب وجرائد وتمارس هوايتها وحياتها ؟ وكمان تقدر تصل رحمها وتود الناس اللى بيشكو من القطيعه بسبب الشغل ومفيش وقت؟؟ من الاخر هتلاقيها دمااااااااااااغ عاليه وهاديه وموفره وعندها وقت لنفسها ولزوجها مش هنسمع عن مشاكل الازواج انها مش واخده بالها من نفسها ومن بيتها وهكذا..

مش عارفه اذا كانت فكرتى وصلت ولا لأ أو انها واضحه ولا لأ بس بصراحه ده رأيى ورأى كل الستات اللى شفتهم واتعاملت معاهم ودخلت بيوتهم وسايبين الوظيفه..

ممكن اقولكم بقه ان مفيش قاعده ثابته لموضوع ده كل واحد حسب قدراته ونظام شغله وترتيبه لاولوياته وهى اكتر واحده تقدر تحكم هى ترتب اولوياتها ازاى من ناحيه وقتها ومجهودها وتفكيرها مثلاواحده زيي هما اربع ساعات اللى بشتغلهم من 8 :12 ويومين اجازه انا مش هتكلم فى الناحيه الماديه لو اعتبرت تعليمى للطفل صدقه ا ضربوا بقه فى 36 ده كمان زائد ناحيه احتكاكها بالمجتمع وتشوف الناس وتعرف ايه اللى بيحصل حواليها والناس بقوا بيفكروا ازاى ولا تفضل نايمه فى بيتها وتقوم على مشكله كبيره متقدرش تحلها لان ملهاش خبره كل موضوع فى الدنيا ليه ايجابياته وسلبياته ومفيش قاعده ثابته