دعوة للايجابية و التغيير

ندعوكم إلى التوقيع على بيان المطالب السبعة التي توَافَق عليها الإخوان المسلمون مع الجمعية الوطنية للتغيير، وباقي القوى الوطنية، والدكتور محمد البرادعي:


1- إنهاء حالة الطوارئ.

2- تمكين القضاء المصري من الإشراف الكامل على العملية الانتخابية برمتها.

3- الرقابة على الانتخابات من قِبل منظمات المجتمع المدني المحلي والدولي.

4- توفير فرص متكافئة في وسائل الإعلام لجميع المرشحين، وخاصة في الانتخابات الرئاسية.

5- تمكين المصريين في الخارج من ممارسة حقهم في التصويت بالسفارات والقنصليات المصرية.

6- كفالة حق الترشح في الانتخابات الرئاسية دون قيود تعسفية؛ اتساقًا مع التزامات مصر طبقًا للاتفاقية الدولية للحقوق السياسية والمدنية، وقصر حق الترشح للرئاسة على فترتين.

7- الانتخابات عن طريق الرقم القومي، ويستلزم تحقيق بعض تلك الإجراءات والضمانات تعديل المواد 76 و77 و88 من الدستور في أقرب وقت ممكن.



http://www.tawkatonline.com/index.aspx

معلش يا جماعة بصراحة لقد توجست خيفة بخصوص ان البيانات الاصلى مش عارفة

انا مترددة شوية البيان عاجبنى ودعوة ايجابية للتغير ولكن ؟

انتو فهمنى

حواء كتب:

معلش يا جماعة بصراحة لقد توجست خيفة بخصوص ان البيانات الاصلى مش عارفة

انا مترددة شوية البيان عاجبنى ودعوة ايجابية للتغير ولكن ؟

انتو فهمنى

فاهميين يا فندم

بس احب اطمنك جدا

اولا : التوقيع من خلال الرابط اللى انا كاتبه

http://www.tawkatonline.com/index.aspx

لا يظهر اسماء او بيانات الموقعين ولكن يظهر " أبرز الموقعيين "
بخلاف التوقيع من خلال " موقع الجمعية الوطنية للتغيير "الذى يظهر اسماء الموقعيين .... وعلى فكرة انا موقع من زمان من خلال موقع الجمعية واسمى رباعى موجود انا وزوجتى و محصليش حاجه الحمد لله

على فكرة الموضع من اكتر ان اننا موافقين على المطالب السبعة بغض النظر عن البردعى سواء اتفقنا عليه ام لم نتفق ومالوش علاقة بالترشيح لرئاسة الجمهورية
دى مطالب تعتبر الحد الادنى لحياة سياسة ودستورية جيدة وهى ليست بدع ولكن كل دول العالم او 90 % منها دى مطالب موجوده
بس منهم لله ترزية القوانين مكفهمش لعب فى القوانين راحو لعبو فى الدستور نفسه عشان ننوس عين امه يبقا رئيس جمهورية ويضمنو تزوير اى انتخابات من خلال استبعادج القضاة و عدم ترشيح اى شخصية الا من خلال حزب وبشروط صعبة كمان

الخلاصة : القلق من التقيع انا عارف ان موجود عند اغلب المصريين

لكن يا جماعة ما تخفوش الاسماء غير معلنة وحتى لو معلنه ايه اللى هايحصل هايجى واحد ويقلكم ان وافقم ليه على المطالب دى ؟ استحاله يعنى هايروحو لاكتر من 175 الف مواطن ده حتى الان ويسألوهم السؤال ده !!
ومتوقع خلال فترة قصيرة يتجاوز عدد الموافقين على المطالب لاكتر من مليون او ملايين ( باذن الله )

اطمنو وطمنو كل اللى تعرفوهم وادعوهم على التوقيع

شكرا اخونا غاوى على التوضيح

بس حقيقى الكلام الداير عن ان بن مبارك عامل قرض بخمس تلاف جنية بدون فوايد لكل من ينتخبة

وان الحكومة طلعت البلطجية علشان الانتخابات

انا مش مصدقة