يوم من حياتى

جزاكم الله كل خير

انت مسحت الموضوع ليه اخونا بسمات

اقتباس :

[جزاكم الله كل خير

بجد انا اسفة يا اخويا


بس والله انا جالى حالة احباط
اللى كان بيغظنى انك تلاقى الناس كانت موجودة فعلا فى المنتدى
بس احنا بنلتمس العذر فى رمضان بالذات انت عارف اليوم زى الصاروخ بالذات لست البيت

ارجو تقبل اعتذارى وبعدين احنا وحشنا الموضوعات الجامده بتاعتك
وبعدين انت كمان بقالك فترة كبيرة مكبر عن المنتدى ومبتدخلش خالص
اكيد بردو ليك عذرك
مش كده ولا ايه ؟؟؟

وهقولك عن سببى الحقيقى ف عدم الرد
بصراحه اتكسفت جدا اقول انا وصلت للجزء الكام والعبادة مقصرة فيها جدا
فالتزمت الصمت احراجا اقسم بالله
لكن ربنا يعلم الاحترام الشديد لموضوعاتك
وبعد العيد انا بنفسى هطحن ف الناس لان مش هيبقى فى حجة للمتحابوون

انت مسحت الموضوع ليه اخونا بسمات=== اسالى جنه يا
بجد انا اسفة يا اخويا=== ما فيش اسف بين الاخوات ياجنه ربتا وحده مطلع على القلوب ويعلم منزلة المتحابون فى قلبى لكن هو كل ما هنالك انى صعب عليه فعلا من المتحابون انى بقالى كتير مش بكتب اى مواضيع ولما كتبت لقيت ما فيش رد فعل خصوصا ان الموضوع من المواضيع اللى يترد عليها\\ ويااختنا ما فيش اسف ولا اعتذار ولا حاجه مش بين المتحابين الكلام ده
وان كان عن سبب غيابى عن المنتدى مش هقول غير اسالكم الدعاء
ويااختى كلنا ذو تقصير واخبرك انه مش بالكم يرضى الله ولكن بحسن التدبر والعمل
لكن ربنا يعلم الاحترام الشديد لموضوعاتك=== جزاكم الله كل خير اختى الكريمه والله احرجنا احترامك
وبرده مستنى ردكم على الموضوع ال اتمسح ولتعلمى اخيتى ( وفى ذلك فاليتنافس المتنافسون) وانا كمان شويه هقولكم عن يومى فى رمضان مع الله لانى مقسمه الى شويه اجزاء واهداف هشرحها لكم بعد ما اسمع ردكم

انا بصراحه من اول رمضان مريت بازمه كبيره كاد ان تضيع كل امل لي بس الحمد الله عدت الازمه علي خير وكله بيتنسي بس مازالت الابتلاءات والاختبارات ومازالت الحياه كبد لانها سنه الحياه

حاولت اظبت نفسي في رمضان ده انا تقريبا ختمت ختمه وبدأت في التانيه والحمد الله لاني كنت حاطه مقدار ختمين فقط " لاني مش عايزه اقرأ قرايه جرايد بصراحه "
وسعتي لاتستحمل اكتر من ذلك في القراءه فانها فيوضات يرسلها الله علي عباده

ده مع القران
اما مع التراويح الحمد الله كنت بصلي في مسجد بني سويف الجديده بس بصراحه كام يوم حصل فيهم مشكله كده ومش روحت المسجد بس حاولت مش اقصر بردوا بقدر الامكان

والان في حاجه لدعاء شديد لاني داخله العشره ومازلت في الاختبارات وبصراحه قلبي وجعني من الدنيا قوي ونفسي انسي نور شويه ولا اتذكر غير نور التي تريد الاخره الدنيا تقريبا خدتنا في دوامتها كتير انا لله وانا اليه راجعون

الحمد الله دعويا بدأت استعيد قوتي ونشاطي وبدأت افوق واحس ان ده واجب علي وفرض وليس تطوع مني رغم تقصيري وذنوبي بس حاسه ان الطريق ده هو الموصل للخير باذن الله مهما كانت ذنوبي فاني اظن بالله انه مخرجني منها بفضل هذا الطريق باذن الله وادينا بنحاول نقف مره ونقع مره وهذه سنه الله في خلقه

اما بقي عن العزومات كسرت رجلي وزهقت بصراحه بحاول اجدد النيه علشان اخذ ثواب بس بجد العزومات بشكل ده في رمضان استهلاكات غريبه في المال والصحه والوقت

واخيرا بعد عزومات كتير هنتعزم بكره والله اكبر ولله الحمد يوم من نفسنا مش هعمل اكل ياجدعان الحمد الله

وبجد بجد بحبكم في الله بس اعذروني انا جالي صدمه من النت وبقيت مش عايزه اشارك في اي حاجه بس بدأت استعيد قوتي بامر الله ادعولي وكثفوا الدعاء

اقتباس :

وان كان عن سبب غيابى عن المنتدى مش هقول غير اسالكم الدعاء

ربنا يفك كربك ويزيح همك
وان شاءالله هدخل بدرى بكرة للرد على الموضوع لانى بكتب والفجر على ادان
تقبل الله من ومنكم سائر الطاعات والعبادات

اقتباس :

انا بصراحه من اول رمضان مريت بازمه كبيره كاد ان تضيع كل امل لي بس الحمد الله عدت الازمه علي خير وكله بيتنسي بس مازالت الابتلاءات والاختبارات ومازالت الحياه كبد لانها سنه الحياه

ارجوكى نور كلمينى خاص لانى بلاقيكى مش فاتحه على طول وبصراحه انا بردو بخطف دقايق يمكن بتفتحى ف وقت تانى

انا بدخل ابص بصه وبطلع على طول لان النت مكنش بيستحمل انى اكتب ردود بس خلاص فرمطنا الجهاز وكله عال العال الحمد لله بس هرجع تانى اقولكم اليوم بيكون عامل ازاى خصوصا اننا السنادى مش نزلنا مصر يعنى فعلا رمضان مختلف

فاصل ونواصل ان شاء الله

حاضر ياجنه هكلمك بس انا رايحه التهجد كمان شويه صغيره اول ما هفتح هرن عليكي بس خالي بالك في مشكله في الخط هتصرف واوصلك

بسم الله الرحمن الرحيم
انا يومى بيبدا كالاتى يا جماعه
والله ما عارفة بيبدا من انهى وقت انا تقريبا ما بنمش

طول النهار ترويق وغسيل ومواعين والذى منه يعنى النهار كله رايح ف شغل البيت
ودى من الحاجات اللى مضايقانى اوى لانها جايا على حساب العبادات
كمان فى ترويق معين وحاجات معينه مش بتتعمل غير م السنه للسنه
زى غسيل البطاطين والله هدت حيلى
غسيل السيراميك مطبخ وحمام وستاير بقى
الواحد بجد اتهد
ده غير انى عندى مشكلة عويصة جدا
انى لازم اعمل الاكل من بليل لانى
لانى
مش بعرف اظبط ملح الاكل وانا صايمه
ومحدش يقولى مسموح بالتذوق هقوله لا والف لا انا ممكن ف الحر ده ابلع واستهبل

طبعا ييجى معاد الفطار- نشرب التمر ونقوم نصلى
وناكل ناكل ناكل لغاية العشا ما تدن
اوعو تصدقوا انا بهزر بس اجرى ورا ده واجرى ورا ده
ابص الاقى العشااذنت
من هنا بتبدا العبادة بجد بالنسبة ليا
بعشق صلاة التراويح
وبنعزل عن الكون كله
وبعديها
اكمل شغل البيت
واطحن
اطحن
اطحن
ومحدش يقولى نظمى وقتك
والله ده اخرى يا جماعه
3 اطفال حاجة صعبة بجد
عارفين بحلم بايه
ومتضحكوش عليا
نفسى اصلى التراويح ف الجامع
ساعات بجرى عند الشباك واسمع الشيخ مبروك
يا ربى على صوته
واتمنى اصلى وراه زى الناس
انا متاكده انى لو روحت اصلى بالاولاد
هنطرد شر طردة
يلا هسيبكم دلوقت عشان العشا ادنت
وللحديث بقية

عسل والله يا جنه ودمك عسلين تلاته كمان

ربنا يكرمك ان شاء الله ويهديلك اولادك ويجعلهم قرة عين ليكى يارب

انا بقى كنا مظبطين شوية حاجات كده من قبل رمضان على اساس اننا نعملها فى رمضان مثلا زى:
ختمه جماعيه (انا وزوجى يعنى): ودى الحمد لله ماشيين فيها
قراءه كتاب وكنا محددين كتاب اسمه البيت المسلم القدوة أمل يحتاج إلى عمل (كتاب رااائع) :برضو ماشيين فيه مظبوط .
نطلع نعمل عمره :ودى بقى اللى متكتش لان الجو فى مكه حر جدا جدا جدا وزحمه مووووت ومريم هطلع عنينا لو رحنا بيها وطبعا مش ينفع نسيبها عند حد عشان لسه صغننه فمشروع العمرة اجلناه للشتا وان شاء الله ربنا يرزقنا ثواب النية .

العزومات احنا هنا لينا اتنين جيران فى البيت وطبعا عزمناهم كل واحد واسرته فى يوم يعنى عزومتين وكمان اصحاب زوجى العزاب اللى مش معاهم زوجاتهم لازم ليهم عزومة بس دى كانت متعبة قوى علشان انواع المحشى يعنى تقريبا قعدت احشى من بالليل لحد الظهر بس اصلى وارجع اكمل
يعنى كده تلات عزومات ..

كمان صلاة التراويح المشكلة هنا بقى انهم بيمنعوا أى واحده معاها نونو هنا تصلى فى المسجد العشاء او التراويح بس بيفرشو سجاد ورا الباب بره للى عاوزه تصلى ومعاها عيال فأنا كبرت دماغى وبصلى فى البيت احسنلى وبراحتى من غير لا زحمه ولا حر..

بالنسبه بقى لليوم بيمشى ازاى :
رمضان هنا بصراحه غير مصر خالص بالنسبالى يعنى هنا ماشاء الله فى وقت وحاسه باليوم اكتر وبنام براحتى بس هيا المشكله فى مريم بتقلق كل شويه زى متكون بتقلى قومى صلى
يعنى بصلى الفجر والوقت لحد الشروق بقرأ فيه الورد والأذكار لحد الشروق وصلاة الضحى وبعدين يجى زوجى من المسجد وناخدها نوم لحد الساعه 11ونص ونقوم نصلى الضحى ولو مريم صحت طبعا من صوتنا بقعد العب معاها وأكلها لحد الظهر وبعد الصلاه مريم بتنام وانا أدخل المطبخ اشوف هعمل ايه بس بينى وبينكم بكبر دماغى خالص فى الأكل يعنى أسرع حاجه بعملها وكمان بنوع عشان الراجل ميجبش اخره وبعديها مش بيكون فاضل كتير على العصر بس بنام جنب مريم لحد العصر واصحى اصلى العصر ونفضل بقى فى الورد الجماعى وده بياخد وقت عشان لو فينا حد حب يفسر ايه استوقفته أو معنى يسأل عليه والكتاب اللى قلتلكم عليه والأذكار لحد المغرب وأنا بصلى المغرب اسخن الأكل يكون زوجى جه من الصلاه نفطر واحنا بنتفرج على النلفزيون على القناه الأولى برضو مصر ورانا ورانا
وبعد الفطار اقوم اغسل المواعين وأروق المطبخ والشاى طبعااااااا لحد العشاء متأذن بينزل أبو مريم للصلاه وانا اصلى فى البيت ومريومه قاعده بتتفرج على قناة سكر جنبى زى العسل والله البنت دى ربنا يهديها كده على طول
بعد الصلاه اشوف بقى لو هقعد على النت أو لو هنخرج على حسب دى بتبقى فتره مفتوحه لحد الساعه 12 تقريبا
بنام ونصحى نتسحر الساعه 3 ونص يعنى لحد الساعه 4 وبعدها لو هنصلى أو هنقرأ قران لحد الفجر

طولت عليكم كتيييييييير ورغييييييييت كتير بس بجد اننا منزلناش مصر فرق معانا كتير ورمضان هنا أحلى من مصر ربنا يتقبل منا ومنكم ان شاء الله ويرزقنا وإياكم ليلة القدر ويعينا على قيامها يارب
بس كفايه كده عليكم

اقتباس :

العزومات احنا هنا لينا اتنين جيران فى البيت وطبعا عزمناهم كل واحد واسرته فى يوم يعنى عزومتين وكمان اصحاب زوجى العزاب اللى مش معاهم زوجاتهم لازم ليهم عزومة بس دى كانت متعبة قوى علشان انواع المحشى يعنى تقريبا قعدت احشى من بالليل لحد الظهر بس اصلى وارجع اكمل
يعنى كده تلات عزومات ..

انا الحمد لله السنه دى بتعزم مش بعزم
كفايه خلى الناس ترد شويه

وبمناسبة المحشى
كنت عملاه النهاردة واييييييييه تحفة
يلا كل سنة وانتم طيبين

اقتباس :

ربنا يكرمك ان شاء الله ويهديلك اولادك ويجعلهم قرة عين ليكى يارب

الله الله الله ع الدعوة دى ربنا يخليلك مريومة
ويرزقك بعشرة تانى غيرها
ويخلى لك المتحابون والمتحابات اولادهم
ويرزق شباب وفتيات المنتدى بالازواج الصالحه

اقتباس :

كنت عملاه النهاردة واييييييييه تحفة

طيب مش تعزمينا شايفانى بقلك بمشى حالى فى الأكل أى اكل وخلاص .. ومن قدم محشى بيداه التقاه

اقتباس :

ايه يا جنه ده بتجهدى نفسك كتير
ربنا يعينك ويقويكى

يااااااارب اصل فى حاجات بعملها م السنه للسنه وللاسف اتعودت اعملها ف العيد

اقتباس :

وانا هدعيلك كتير فى التهجد ان شاء الله

ايون هى دى اللى عوزاها ربنا يكرمك

اقتباس :

وكويس انك مش بتروحى تصلى فى المسجد عشان متنطرديش زيى
كان شكلى وحش اوى

نا بطلت اروح من سنتين من ساعة م الانسة حبيبة شرفت

اقتباس :

يالا بقى حلة محشى من اللى انتى عملتيها عشان ادعيلك بزمة فى التهجد

حلتين تلاته يا قمر بتنجان وفلفل وورق عنب وكوسة
بس دعواتك

اقتباس :

وياريت تبعتى لى تردد قناة سكر دى لان حمزة بيتفرج على قناة نيكولودين واكتشفت فى بعض الرسومات اللى بتيجى مع الاطفال نجمه داوود وصعقت

لا وحاجة تانى لاحظتها ان بعض الافلام دى هتلاقيها فيها كلمات انا اتفاجئت بيها يعنى مثلا مسلسل جينجر منعته عنهم نهائى
مع ان باقى القناة روعه وكفاية سبونج بوب وبسبس بوبى

اقتباس :

وابدا اعمل الفطار وزى ام مريم بعمل اكل سريع عشان ميضيعش وقتى

طب عرفونى ايه الاكل السريع ده
دانا اتهريت وقفة ف المطبخ

اقتباس :

بس الحمد لله وجدت مسجد قريب منى بيصلى فيه صف واحد من النساء و10 صفوف من الاطفال

ههههههههههههههههه انا فضلت اضحك ع التعبير ده كتيييييييير انا شكيت انك دخلتى حضانه وافتكرتيه مسجد ههههههههههه

اقتباس :

بس كل م اروح والاقى المطبخ بتاعى مفيش مواعين
ببقى مبسوطه
هههههههههههههههههههه

يا جمالو يا جمالو- عقبال مطبخى

اقتباس :

بسبب تطعيم الاستاذ حمزة ودور برد شديد اخدته من الجو

اسال الله العظيم رب العرش العظيم ان يشفيكم

اقتباس :

فى حاجات بعملها م السنه للسنه وللاسف اتعودت اعملها ف العيد

ان شاء الله يا جنه لو عودتى نفسك انك تعملى ماتش الكورة قصدى ماتش الشقة ده قبل شهر رمضان هتلاقى نفسك ارتحتى وعلى العيد وضبى توضيب عادى المهم تحسى بحلاوة العيد مش تقضيه وانتى عين صاحه وعين نايمه

اقتباس :

حلتين تلاته يا قمر بتنجان وفلفل وورق عنب وكوسة
بس دعواتك

الله الحله شكلها وريحتها يغروا اوى
بس على العموم انا هدعيلك من غير حاجه هههه

اقتباس :

لا وحاجة تانى لاحظتها ان بعض الافلام دى هتلاقيها فيها كلمات انا اتفاجئت بيها يعنى مثلا مسلسل جينجر منعته عنهم نهائى
مع ان باقى القناة روعه وكفاية سبونج بوب وبسبس بوبى

فعلا هما اكتر اتنين حمزة بيضحك معاهم وغير جنجر فيه ارنولد هو ده البرانامج اللى ظهر فيه نجمه داوود خدى بالك
والمشكله ان مفيش عندى قنوات اطفال تانى

اقتباس :

ههههههههههههههههه انا فضلت اضحك ع التعبير ده كتيييييييير انا شكيت انك دخلتى حضانه وافتكرتيه مسجد ههههههههههه

هههههههههه اصل المساجد هنا مش بيدخلوا الامهات اللى معاهم اطفال عشان مشوشوش عليهم
فبيعملوا خيمة كبيرة لينا
واللى معاهم اطفال قليل فالخيمة بتكون ساحه العاب

اقتباس :

يا جمالو يا جمالو- عقبال مطبخى

عقبالك يارب

اقتباس :

اسال الله العظيم رب العرش العظيم ان يشفيكم

اللهم امين
جزاكم الله خيرا

اقتباس :

لو الست بعد الاكل بتوضب المطبخ وتغسل الغسيل على طول اول باول مش هيتراكم عليها

يا حبيبى انتى عشان معاكى طفل واحد اخره خالص يوسخ طبق السيريلاك هههههههههههههههههههههههلكن انا عندى 3 اطفال وابوهم والكل اتفق على حاجة واحده وهى طحنى
انا اساسا بحب شغل المطبخ جدا بس بامانه مش بيخلص
طب هقولك انا عندى ادراج المطبخ كنت بظبطها واطلع منها الحاجات اللى مش بستخدمها لقيت توكة بتاعة الشوز بتاعه حبيبة روحت جايبة الشمع ولزقتها وشوية لقيت شرشوبة بتاعة مدفع الانترية روحت جايبة المدفع وخيطتها
شوية لقيت غطا الريموت روحت جايبة الريموت وجبت لزق ولزقته عشان العفاريت متعرفش تفكه

المهم ف النهاية لقيت عدت ساعة وانا لسه ما بداتش ف الدرج
غير بقى شيالة البصل والتوم
غسيل التلاجه
غسيل البوتجاز يوميا
كل ده بعيد عن المواعين والاكل وعميلة
ويا ريتنى اقدر اجيب اكل زيكم لكن الامر ده مرفوض تماما
ومرفوض تخزين الاكل تماما

انا بجد بدات اتعب وازهق من شغل البيت
امبارح غسلت مراوح السقف هما مروحتين حسيت انى خلاص انتهيييييييييت
خلاص بقى هناخد زمنا وزمن غيرنا
هييييييييه دنيا
وشكرا ع النصايح يا جميل

اقتباس :

لو الست بعد الاكل بتوضب المطبخ وتغسل الغسيل على طول اول باول مش هيتراكم عليها المواعين ويمكن ده من اكثر الاشياء اللى بتكركب المطبخ

وربنا بعمل كده بس ساعات المواعين بتبقى حلل حلل
زى يوم المحشى ولا المكرونة بالبشاميل

اقتباس :

الملوخيه متخرطه ودى انا مش بحبها
الباميه متامعه وجاهزة

يا جمالو يا جمالو عقبال بلدنا



0

اقتباس :

والمشكله ان مفيش عندى قنوات اطفال تانى

لالالالالالالالالالالا ارجوكى شوفى باقى القنوات باى شكل لان ده مش مناسب لسن حمزة
عندك طيور الجنه قناة رائعه مناسبة جدا جدا لحمزة
قناة سكر جميلة
ولا كراميش قناة جميلة
لسه صغير حمزة على نيكولودين
ربنا يحفظه من كل سوء
هاتى الترددات من البحث ف جوجل ولو معرفتيش ابعت هم لك

ايه ده هو الموضوع ماله قلب على طبيخ وتلفزيون ليه كده؟

اقتباس :

ايه ده هو الموضوع ماله قلب على طبيخ وتلفزيون ليه كده؟

ههههههههههه عشان كده يا ام مريم كنا ساكتين

الموضوع بعد خالص عن قصد اخونا بسمات
هههههههههه

شكله كده هيكون موضوع مميز

ايه يامتحابون اللى انتو عملتوه فى الموضوع ده _( اكل - وغسيل - وترويق- ومواعين الخ الخ) ده انا نسيت الموضوع اصلا كان عن ايه بس يالله مش مشكله المهم انكم اتجمعتم تانى على حاجه وحشنى المنتدى اوووى وكل المتحابون كمان والله اسالكم الدعاء_ سيف الله

ههههههههههههههههههههههههههههههههههههههههههههههههههه
ا

اقتباس :

ايه يامتحابون اللى انتو عملتوه فى الموضوع ده _( اكل - وغسيل - وترويق- ومواعين الخ الخ) ده انا نسيت الموضوع اصلا كان عن ايه

انا كمان نسيت الموضوع كان على ايه

اقتباس :

بس يالله مش مشكله المهم انكم اتجمعتم تانى على حاجه

بس فعلا المهم اننا اتجمعنا من تانى

اقتباس :

وحشنى المنتدى اوووى وكل المتحابون كمان

المنتدى كمان كان ناقصه ركن جامد
المهم مش عايزين غياب تانى والا هنقيم عليكم الحد
وياريت الحاضر يبلغ الغايب
بلغوا المهندس محمود والاخ جاسر وابو احمد اللى سجل اسمهة ومدخلش تانى
وبلغوا اخوتنا نور الله وامه الرحمن وهانى بى وجنة الخلد اللى كانت بتدخل ومش عارفين فيه ايه ياريت نسال عليها ومودة برضه وبسمه اللى اختفت مرة واحدة
ياريت اللى يعرف حد فيهم يتصل بيه يطمن عليه ويطمنا