حاولت وفشلت

بجد يا متحابون عماله احاول ما ازعلش منكم بس مفيش فايده خالص
طب اعاملكم ازاى وانا شايله منكم
اغيب شهر كامل ومحدش يسال ودى مش اول مرة
طب ليه
انا زعلت حد فيكم ولا مش متقبلنى كعضوة ولا ايه بالظبط
عموما وربنا يشهد انتم وحشتونى
حد يصدق ان صندوق الرسايل فاضى
مفيش غير نور الله ربنا يكرمها يا رب هى اللى بعتت لى ع الخاص
اكتر من رساله
ده ببلاش يا جماعه
مش لاقية غير كلمة
شكرا

ماتزعليش ياجنه ماتعرفيش الكل ماله تقريبا الناس مش عارفه تفرح مش عارفه الدنيا بقي مالها الكل بلا استثناء الصبح قلبه مليئ

لا يا ست جنه انا الى زعلانه منك دانتى حتى فى العيد معبرتيش اى حد وانا اتصلت والواد يوسف كلمنى وقلتله لمل ماما تصحى عيدلى عليها وانتى ولا شفت منك حاجه عماله اشرحلك بقالى يومين قلت اخلى الفضايح بقه علنى كده الى ما يشترى يتفرج

انا لقيت الكل مش بيدخل طنشت الكل علشان مش انسى أى حد وعلشان محدش يزعل

يلا بقى خلى قلبك ابيض يا جنة احنا وحشين انا عارفه

يا جماعه افهمونى
ازاى اشترك ف منتدى واسمه المتحابون ومحدش فيه بيسال على حد
طب ازاى
طب يمكن اكون مت تيجوا تعزوا
حطوا نفسكم مكانى
ده مش يوم ولا اتنين ده شهر كامل وخصوصا انتم مش متعودين على غيابى
وانتم عارفين انى كنت قاطعه نوم ف المنتدى
عموما كل واحد هنا يجهز كارت شحن عشان يصالحنى
ويا ريت من ابو 25
ها اقول الرقم ؟

اقتباس :

بجد يا متحابون عماله احاول ما ازعلش منكم بس مفيش فايده خالص
طب اعاملكم ازاى وانا شايله منكم
اغيب شهر كامل ومحدش يسال ودى مش اول مرة
طب ليه
انا زعلت حد فيكم ولا مش متقبلنى كعضوة ولا ايه بالظبط
عموما وربنا يشهد انتم وحشتونى
حد يصدق ان صندوق الرسايل فاضى
مفيش غير نور الله ربنا يكرمها يا رب هى اللى بعتت لى ع الخاص
اكتر من رساله
ده ببلاش يا جماعه
مش لاقية غير كلمة
شكرا

اولا حمدلله عالسلامه يا جنة الخلد
نورتى المنتدى والله انا فرحت لما لقيتك فى القايمة انك دخلتى المنتدى
ثانيا التمس لاخيك سبعين عذرا
اهل المنتدى ممكن يكون ظروفهم زى ظروفك عشان كده مش عارفين يسالوا عن حد والدليل على كده ان المنتدى نايم خالص واللى بيدخل بيبص بصه سريعه ويخرج تانى
ثالثا وده بالنسبة لى انا مش بعرف ابعت رسالة خاصة بس حاولت وبعت ليكى ولاعضاء تانية كتير ولكن من كلامك وعدم تعبيرهم لى ان مفيش رسايل وصلت
حتى كتبتلك ياريت تبعتيلى ايميلك علاخاص عشان اكلمك
وفى مواضيعى انا بكتب اسماء الناس اللى غايبه كلهم
بس مفيش حد بيسال فيا
والله بطمن عليكم من المنتدى
رابعا والاهم انتى كنتى غايبه الفترة اللى فاتت دة كلها ليه ايه السبب
طمنينا عليكى وابعتيلى ايميلك عالخاص وياستى متزعليش سامحي اخواتك وادعيلهم ربنا ييسرلهم امورهم عشان الملايكة ترد عليكى وتقول ولكى المثل
وانا لو فى مصر كنتى جبت كارتين شحن وكلمتك
ههههههههههههههههه

اقتباس :

ماتزعليش ياجنه ماتعرفيش الكل ماله تقريبا الناس مش عارفه تفرح مش عارفه الدنيا بقي مالها الكل بلا استثناء الصبح قلبه مليئ

فعلا يا نور انتى عندك حق
بس انا مبسوطة انك بالرغم من ظروفك بتحاولى تدخلى وتطمنينا عليكى بس انا كنت فاكرة انك فى منتدى سويف عملتى زى جنة الخلد هههههههههههههههه

اقتباس :

لا يا ست جنه انا الى زعلانه منك دانتى حتى فى العيد معبرتيش اى حد وانا اتصلت والواد يوسف كلمنى وقلتله لمل ماما تصحى عيدلى عليها وانتى ولا شفت منك حاجه عماله اشرحلك بقالى يومين قلت اخلى الفضايح بقه علنى كده الى ما يشترى يتفرج

شفتى بقى يا جنة حفرتى لنا حفرة زرقاء وقعتك فيها
ههههههههههههههه
كونى متاكده ان الجميع هنا بيحبوا بعض فى الله
لان مفيش مصلحه بينا
دورى على حجة قوية تقوليها لزرقاء ههههههههههههه

اقتباس :

انا لقيت الكل مش بيدخل طنشت الكل علشان مش انسى أى حد وعلشان محدش يزعل

يلا بقى خلى قلبك ابيض يا جنة احنا وحشين انا عارفه

هههههههههههههههههه ان شاء الله يا ام مريم جنة الخلد قلبها ابيض بس هى عايزة تدلل على اخواتها شوية على العموم احنا نعمل موضوع نسال فيه على كل الناس وهناخد الاسماء الغايبة من اسماء الاعضاء اللى موجودين فى المنتدى عشان محدش يزعل

اقتباس :

يا جماعه افهمونى
ازاى اشترك ف منتدى واسمه المتحابون ومحدش فيه بيسال على حد
طب ازاى
طب يمكن اكون مت تيجوا تعزوا
حطوا نفسكم مكانى
ده مش يوم ولا اتنين ده شهر كامل وخصوصا انتم مش متعودين على غيابى
وانتم عارفين انى كنت قاطعه نوم ف المنتدى
عموما كل واحد هنا يجهز كارت شحن عشان يصالحنى
ويا ريت من ابو 25
ها اقول الرقم ؟

الف بعد الشر عليكى يا جنة ربنا يبارك فى عمرك ويجعله فى ميزان حسناتك
عارفين كويس انك كنتى عامله روح فى المنتدى وان شاء الله عندنا امل انك تسامحينا وترجعى بالروح القديمة تانى وتوقفى المنتدى على رجل هههههههههه

يالا يا جماعه كله يحضر كارت بس ب50 عشان يكلم اى عضو غايب نصه لجنة والنص التانى للاعضاء عشان محدش يزعل
وبرضه منتظرة ايميلك على الخاص ومنتظرين وجودك وشعلة النار بتاعتك فى المنتدى

انا لسه جديدة فى المنتدى ومش عارفه مين بيدخل ومين غايب
بس انا شايفة ان المنتدى كله غايب
وكل ما ادخل ومش الاقى حد بخرج من غير ما اشارك بحاجة لانى مش بتشجع هكتب لمين واشارك مع مين

على العموم متزعليش يا جنة الخلد ابعتيلى ايميلك زى ام روان وانا مش هسيبك هرغى معاكى على طول وعشان نتعرف على بعض كمان

دى كل التورت اللى لقيتها عشان نصالحك بيها

كل ده عشانى
تصدقى والله فرحت زى ما يكون بجد وجديد
عموما انا هقبل التورتات كلها بس غيرى لى كارت الشحن عشان انا فودافون
شكرا ليكى يا مريم يا ذووووق

اقتباس :

ماتزعليش ياجنه

انا مش زعلانه يا نور انا عشمانه وشكرا على سؤالك عليا طول غيابى (احبك فى الله)

--------------------------------------------------------------------------------

اقتباس :

لا يا ست جنه انا الى زعلانه منك دانتى حتى فى العيد معبرتيش اى حد وانا اتصلت والواد يوسف كلمنى وقلتله لمل ماما تصحى عيدلى عليها وانتى ولا شفت منك حاجه عماله اشرحلك بقالى يومين قلت اخلى الفضايح بقه علنى كده الى ما يشترى يتفرج

اولا ايه الفضايح دى
ثانيا محدش قالى ع المكالمة دى نهائى
ثالثا ودى الاهم انتى لسه فاكره اتصال م العيد اللى فات يا بنتى العيد الكبير قرب

اقتباس :

يلا بقى خلى قلبك ابيض يا جنة احنا وحشين انا عارفه

حاضر والله يا ام مريم هبيضو وامرى لله عشان خاطر مريومة وبس

اقتباس :

اولا حمدلله عالسلامه يا جنة الخلد
نورتى المنتدى والله انا فرحت لما لقيتك فى القايمة انك دخلتى المنتدى

بجد من غير هزار الكلمات دى اسعدتنى جدا - الله يسلمك يا ام حمزة

اقتباس :

ثانيا التمس لاخيك سبعين عذرا

انتى بتتكلمى صح بس لو كانت دى اول مرة لكن ده العادى للاسف مش اول مرة انا او غيرى انقطع ويكون ده نفس رد الفعل
يعنى مثلا فى ناس كتير متغيبة ومبنحاولش نبذل جهد لاستعادتهم لانهم بجد يستاهلو الجهد ده
زى هنى بى وبسمات وغاوى

اقتباس :

ياريت تبعتيلى ايميلك علاخاص عشان اكلمك

انا فعلا بعته قبل الانقطاع بس شكل الرساله ما وصلتش عموما هبعته تانى واتاكدى انى هبقى سعيدة جدا بالكلام معاكى

اقتباس :

رابعا والاهم انتى كنتى غايبه الفترة اللى فاتت دة كلها ليه ايه السبب

دى قصة كبيرة هحكى هالك ع الخاص

اقتباس :

شفتى بقى يا جنة حفرتى لنا حفرة زرقاء وقعتك فيها

زرقاء زرقاء الاسم مش غريب عليا فكرينى كده يا ام روان

اقتباس :

وبرضه منتظرة ايميلك على الخاص ومنتظرين وجودك وشعلة النار بتاعتك فى المنتدى

عنيا الاتنين وادعى لى

اقتباس :

انا لسه جديدة فى المنتدى ومش عارفه مين بيدخل ومين غايب

بجد انا اللى غلطانه ف حقك لانى المفروض كنت رحبت بيكى بس الزعل كان عامينى خالص
نورتى منتدانا وان شاء الله تلاقى الصحبة اللى بتدورى عليها معانا وطبعا هبعت لك الايميل

اقتباس :

دى كل التورت اللى لقيتها عشان نصالحك بيها

تسلم ايدين القمر انا بجد بمووووووووووووت ف التورتات والجاتوهات - بس يا ريت كارت فودافون

الحمدلله يا جماعه النفوس هديت والاحوال رجعت مستقرة
والتورتات اتوزعت وكل واحد خاد منابه
والغايب ملوش نايب
ومازلت منتظرة ايميلك عالخاص يا جنة

وبالنسبة للغائبين احنا بجد نفسنا نطمن علىهم بس ياريت يحاولوا يدخلوا يطمنونا عليهم او اى حد قريب منهم يطمنا
بالنسبة لاخونا الشافعى (اخى) هو كان مسافر الفترة اللى فاتت والحمدلله رجع
اخونا غاوى اخر مرة قال انه رايح يصيف وراجع الظاهر المصيف جميل وينسى الدنيا
اما باقى الاعضاء نتمنى نعرف اخبارهم ونطمن عليهم

اقتباس :

بس غيرى لى كارت الشحن عشان انا فودافون

والله دورت من الأول على فودافون واتصالات كمان بس مش لقيت غير موبينيل

أقلك طيب شوفى أى حد تعرفيه يكون موبينيل وبدلى معاه

السلام عليكم اختنا جنه
السلام عليكم اخوتى المتحابون
اختنا جنه حمدله على السلامه اولا
ثانيا= اذا ما بحثتى فى اسرار الحياة فلن تجدى فيها جديرا بالذكر والشوق له الل الله ومحمد بن عبد الله ثم اشخاصا احبوكى فى الله فلا اعتقد انه السوال هو فقط دليل الحب فى الله
وازاى يااستاذه جنه تقولى مش متقبلينك عضوه بينا وانتى على راى هنى بى عمود من اعمدة المنتدى
بس فعلا يااستاذه جنه شغلتنا الدنيا عن كل شى فاسال الله العظيم ان لا تشغلنا عنه
وحمدله على السلامه كمان مره
ونسالكم الدعاء بحق المتحابون فى الله

يامتحابون اقسمت عليكم بالله تدعولي

السلام عليكم اختنا جنه
ا

اقتباس :

لسلام عليكم اخوتى المتحابون
اختنا جنه حمدله على السلامه اولا
ثانيا= اذا ما بحثتى فى اسرار الحياة فلن تجدى فيها جديرا بالذكر والشوق له الل الله ومحمد بن عبد الله ثم اشخاصا احبوكى فى الله فلا اعتقد انه السوال هو فقط دليل الحب فى الله
وازاى يااستاذه جنه تقولى مش متقبلينك عضوه بينا وانتى على راى هنى بى عمود من اعمدة المنتدى
بس فعلا يااستاذه جنه شغلتنا الدنيا عن كل شى فاسال الله العظيم ان لا تشغلنا عنه
وحمدله على السلامه كمان مره
ونسالكم الدعاء بحق المتحابون فى الله

الله يسلمك اخويا ابو مالك
انا بس حبيت اتدلل ع الناس شويه واشوف غلاوتى
بس والله كلكم اخواتى وربنا اللى يعلم عشان كده كان لازم اعتب
بس خلاص التورتة وكروت الشحن نسيتنى الزعل
يلا بقى عايزين نشد الحيل ف المنتدى
عاوزين موضوعات من اللى كانت بتزعل الناس

اقتباس :

يامتحابون اقسمت عليكم بالله تدعولي

مالك يا نور ربنا يفك كربك
كلمينى خاص ارجوكى

الحمدلله يا جماعه الدنيا عادت بخير والنفوس اتصالحت