اعزم اللى بعدك على طبق

انا عزماكم كلكم على محشى كرنب ومحشى بتنجان وفلفل وورق عنب وكوسة
اصلى بموووووووووووووت فيهم اوى

مش تستنى ردود يا نور مدام فى الاكل ابتدى على بركة الله وكلنا معاكى

عماله اكتب الرد بسرعه قبل ما حد يسبقنى ويا خد الديك بتاعى بس الصراحه بقه انا مش هقدر اعزم حد معلش المره الجايه بس واله مشغوله يلا متشكرين يا ام مريم على الفرخه اصل الصراحه شكله فرخه وانتى هتحسبيه علينا ديك

يلا بسم الله




ربنا العالم تعبت فيه قد ايه
بس مش خساره فيكم وكل سنه وانت طيبين

انا مبسوطة اوى اوى انك شاركتوا فى موضوعى بحماسه كده
بس انا كان قصدى ان كل واحدة تشوف الطبق المفضل ليها او اللى بتعرف تعمله حلو وتكتب لنا مقاديره وياريت بالصور
لانى خايبه اوى فى المطبخ ومش بحب اخد من النت عشان ساعات بتكون الحاجة مش حلوة وجوزى بيتريق عليا

اقتباس :

انا مبسوطة اوى اوى انك شاركتوا فى موضوعى بحماسه كده

يا باشا متقوليش كده موضوعك ظريف فعلا عشان كده الكل شارك

اقتباس :

بس انا كان قصدى ان كل واحدة تشوف الطبق المفضل ليها او اللى بتعرف تعمله حلو وتكتب لنا مقاديره وياريت بالصور
لانى خايبه اوى فى المطبخ ومش بحب اخد من النت عشان ساعات بتكون الحاجة مش حلوة وجوزى بيتريق عليا

متخافيش هتتمكنى مع الوقت بس اهم حاجة انك لما تسالى على طريقة عمل حاجة معينه
تنفذيها فعلا وتكرريها وتكونى جريئة ومتياسيش
هتلاقى نفسك بعد كده بتحطى مقادير من عندك والمقادير الاصليه مش عجباكى
انا والدتى استاذة ف المطبخ دلوقتى هى اللى بتسالنى عملت الحاجة دى ازاى
المطبخ ممارسة زى سواقة العربية او استخدام الموبايل كل ما تعملى اكل تزدادى شطارة
وربنا يخليلك بنوتك