مخنوقه ومحروق دمى

انا عملت الموضوع ده عشان ارد على ام روان فى موضوعها ( مخنوقة ومحروق دمى)
انا بس عاوزة اقولك على حاجة مهمة
انتى لازم متحسيش بالظلم
عارفة ليه لاننا مش مظلومين
والله مش مظلومين
بصى شوفى احنا بنعمل ايه فى بعض وبعد كده ندور نشوف الغريب بيعمل ايه فينا
كام مرة اتحطيتى او شفتى موقف رشوة
كام مرة سكتى ع الوضع ده
لما تنزلى بنى سويف اركبى اى مواصله وانتى تعرفى
قولى لي اتسرقتى ولا لا قبل كده
بلاش اتسرقتى انتى بتبقى ماشية وحاضنه شنطتك ازاى من كتر القلق لتتسرقى
بدورى ع الموبايل كام مرة وانتى خارجة
كام مرة انضحك عليكى بعد ما اشتريتى اى سلعه
كام مرة اتنهبنا كلنا
عارفة ليه
لاننا بقينا شعب مش بيرحم بعضه
كل واحد نفسه ينهب التانى
انا جبت ليكى القصة دى بالذات بس امانه عليكى
امانه
تخيلى الموقف
غمضى عنيكى وتخيليه
وشوفى احنا وصلنا لاى درجة ( ان الله لا يغير ما بقوم حتى يغيروا ما بانفسهم)
انا جايبة الحادثة دى من جريدة اهرام امبارح

كشف ضباط مباحث الإسكندرية‏، غموض العثور على جثتى تاجر وزوجته مقتولين داخل شقتهما بمنطقة العجمى،‏ حيث تبين أن وراء الجريمة جارهما الذى استعان بصديق له لارتكاب الجريمة بدافع السرقة وألقى القبض على المتهمين‏.‏

وكان اللواء محمد إبراهيم مساعد الوزير لأمن الإسكندرية تلقي إخطارا من العميد إبراهيم عبدالعاطي مأمور قسم شرطة الدخيلة بالجريمة بعد بلاغ من الأهالي بعد سماعهم بكاء طفل صادر من داخل الشقة‏,‏ تم تشكيل فريق بحث باشراف اللواء ناصر العبد مدير المباحث‏,‏ والعميد خالد شلبي رئيس المباحث‏,‏ حيث دلت تحريات المقدم أشرف عبدالله مسعود رئيس مباحث الدخيلة أن المجني عليه أسمه محمود سعيد تاجر مواد غذائية وزوجته عبير‏,‏ تبين وجود طعنات متفرقة في جسدهما ومربوطين بأحبال في الكراسي ووجود الطفل محمد والذي يبلغ من العمر سنتين في حالة بكاء شديد‏.‏
وكشفت التحريات التي شارك فيها الرائد محمد عزب معاون المباحث أن وراء الجريمة جار المجني عليهما ويدعي يوسف سمير يوسف استورجي‏30‏ سنة‏,‏ وصديق له يدعي محمد سليمان محمد مقيم بشارع الخلفاء الراشدين بالهانوفيل‏,‏ فقاد العقيد أحمد أبوعقيل فريق الضباط وألقي القبض عليهما‏.‏


ايه رايك ؟

نو كومنت

عملت عملية دمج للموضعين علشان اعرف ام روان قالت اية وجنة الخلد رئيها اية

على ما وصلى من موضوع ام روان حاسة ان الكلام على الانتخابات لان ياجنة الوضع الحالى على ما هو علية فساد رشوة قتل عنوسة بطالة مفيش جديد

الجديد الانتخابات والاستفزاز الرهيب من النواب والبلطجة الموجودة فى الانتخابات واستبعاد القضاء

والفرض التفرض علينا بأسم حرية التعبير القسما بالله هى حرية مقيدة

الناس اختارت واتفرض عليها ناس تانى

ومش بس انتى المخنوقة ومحروق دمها فقد اعلن الحداد على علم مصر والامن والامان فى مصر

اقتباس :

الجديد الانتخابات والاستفزاز الرهيب من النواب والبلطجة الموجودة فى الانتخابات واستبعاد القضاء

والفرض التفرض علينا بأسم حرية التعبير القسما بالله هى حرية مقيدة

والله احنا نستاهل ما احنا يا اما بنظلم
يا اما بنسكت ع الظلم
طب اعملى استفتاء كده وشوفى كام واحد ف المنتدى راح انتخب
واتحداكى بالنتيجة
هتقولى احنا مش بنروح عشان كده كده فيه تزوير
هقولك ابقى عملت اللى عليا

اقتباس :

الناس اختارت واتفرض عليها ناس تانى

ناس
فين الناس دى
اللى ع الفيس بوك
ولا ع القهاوى
ولا قاعدين ع اولاد سعيد( كوفى شوب)
يا بنتى الشباب متطلطع وبعدين نقول التزوير والبطاله
احنا بنتكلم على قلة قليلة انتخبت ما احنا لو كلنا ايد واحده مكنش حصل تزوير ولا غيره
يلا صلو ع النبى

يرقصون الئام على الالام اطلقو النيران فرحا وطربا جالو وصالو بفوزهم السحيق واكاذيبهم البالية فلتجتمعو على طاولة الفساد ونتناول نحن السم ونعلن الحداد وعجبىىىىىىىىىىىى