بحبك غصب عنى

أنك حتة منى بحبك غصب عنى

لانك حتة منى خوفى عليك بيبان فى كل لحظة
لما تنسى
لما تغلط
واوعى تزعل منى لو قسيت عليك شوية

لأنك حتة منى بحبك غصب عنى

اوعى فى يوم تشمت عدو فى

بأنك تسمع كلامه وتسيبنى

لأنى مش هقدر استحمل

انت متهموش مش مهم عنده انك تروح

لكن انا لا


لأنك حتة منى بحبك غصب عنى




لو لقيتنى فى يوم ببكى لما الاقيك مستسلم ليه وانت عارف انه

مش صح

وتقول مش قادر

اوعى تستغرب وتقول غريبة

انت ليه شايلة همى

ببساطة

لأنك حتة منى بحبك غصب عنى


واوعى تقلق
فى كل وقت انا مش نسياك
فى دعايا
فى صلاتى

لانك حتة منى بحبك غصب عنى



واوعى تقلق عمرى ما فى يوم مهما تقسى علية

هزعل
منك ابدا

لانك حتة منى بحبك غصب عنى


لا تخاف انا فى ظهرك ضد اعدائك
(شيطانك -دنيتك -هواك -نفسك )
قاتلهم بمنتهى قوة

ولو فى لحظة قالوا ليك عنى
خلاك تبعد عنى
تقسى علية
تنفر منى
وتفتكر انك مش حتة منى
هصرخ فيهم وبأعلى صوت
لالا

لأنك حتة منى بحبك غصب عنى




فاكر ايامنا مع بعض ياللى انت حتة منى


فاكر فى يوم ما كنت قلقان ومخنوق وحكتلى

وقولتك متخافش ربنا معاك

وقولتلك ان حزنك جوايا

لانك حتة منى بحبك غصب عنى

فاكر يوم ما تعاهدنا على حفظ القران
انا فاكر يومها وانت بتسمعلى

ونظرة الملامة فى عنيك لما بقصر

وتقولى اممم...

قويت عليك الشيطان ليه المرة دى

وانا بابتسامة فى سرى بدعيلك ياحلى حتة منى

وبقول يارب ده

احلى حتة منى بحبه غصب عنى


فاكر رنتك علية كل يوم الفجر

قوم قوم ربنا بينادى

واقول

الحمد لله

انك حتة منى


وانا فاكرلك يوم ما رديت غيبتى

مستغربتش لانه اذا كنت بتعتبرنى حتة منك
فإنت برده

حتة منى وبحبك غصب عنى

فاكر اول يوم سمعنا فيه درس مع بعض
واتعاهدنا نقوى بعض

وانا فاكرة يوم ما كنت اول مرة لابسة الحجاب
وراحة وايدى على قلبى
هيقولوا ايه عنى
وهرد ولا ...
وانا جايه عليهم
وهم بنظرات استغراب
وانا بقدم خطوات خطوات
وبقول
السلام عليكم
ورحمة
الله
وبركاته
ازيكو ياجماعة
وفى وسط الصمت
جيتى من ظهرى
الله جميييييييييل
ربنا يحميكى
ايه الحركة الجامدة دى
ربنا يثبتك
احنا لازم كلنا نبقى كده يا جماعة
وثبتينى
وكأنك كلماتك فى وسط الموقف الصعب ده
زى الراحة فى يوم التعب الشديد
وبعينيك وبمنتهى الحنان
قولتى
لانك حتة منى
ورديت عليكى بعنية
بحبك غصب عنى

ده انا لما بتخبط بسمعك بتقول اه


يا أحلى حتة منى

واليوم بعد ما مرت علينا سنين
حبيت بس اجدد الحب جوانا

واعترفلك انك كنت لى خير معين
واذا كنت فى بعض المرات
مقدرتش تجيب معايا نتيجة
فأنا مقدرة كل محاولاتك معايا

لأنك حتة منى بحبك غصب عنى

يارب ده اخويا المسلم اللى انت
جعلته حتة منى
وحبه جوايا غصب عنى
مهما كنت بعانى من الحب ده
من حزن لما بيكون حزين
وجرح لما بيكون جريح
وغضب لما بيتظلم
او يتقهر
او يتقتل
او يغتصب


اللى انت جعلت حبى ليه فيك عبادة

يارب اكرم كل مسلم
لانه حتة منى

اهد كل مسلم
لانه حتة منى

اغفر لكل مسلم
لانه حتة منى

اشف كل مسلم
لانه حتة منى

ثبت كل مسلم ونور طريقه
لانه حتة منى

ودلوقتى بعد ما شوفت ربنا قوى ما بينا اد ايه

تقبل يا كل مسلم تكون حتة منى؟

واكون حتة منك ؟

اللى يإذيك يإذينى

ودمعتك على خدى انا

ودعائى ليك اكتر من نفسى

ووفائنا لبعض تشهد عليه الايام

معرفش اضحك وانت بتبكى

اوتفرح وانا حزينة

وتحمل همى واحمل همك

ايه رأيك تكون حتة منى ؟؟؟

(منتدى احلى حياة)