مشاعر متضاربه

السلام عليكم ورحمة الله وبركاته

جوايا مشاعر متضاربه اوى
ما بين الاحساس بالفرحه بموت الطاغية معمر القذافى
وبين الحزن على منظره وهو بيتسحل
انا عارفة انكم هتقولولى هو عمل كتير هقولكم عارفه ويا ما دعيت عليه ولسه بدعى على بشار وعلى عبدالله صالح
بس مش عارفه
نفس احساسى ساعه موت صدام حسين
يا الهى
هما اكيد يستاهلو انهم يموتوا بالطرق البشعه دى
بس بجد مش عارفه
مضايقه
شعوركم ايه؟

وعليكم السلام ورحمة الله وبركاااااااته
والله ياأستاذه جنة نفس شعور حضرتك بالظبط
بس كل ما اتذكر قوله عز وجل
وما ربك بظلام للعبيد
اكبر واقول احق الله الحق وأزهق الباطل وحطم العصاه وأذل الجبابره وهزم ملك ملوك العرب وافريقيا من أدعى انه ملك ونسى انه عبدا لملك الملوك
بس برده انا ضد التمثيل بالجثمان تماما كما فعلوا
وضد اهانت الادميه مهما كانوا فلقد نطقوا الشهاده بألسنتهم فعقابهم عند الله وليس لبشرا على بشرا موت الل بحد الله او قصاصا ولكن ما حدث مع هذا المعمر ليس سوى جريمة قتل دنيويه يعاقب عليه القانون الوضعى ولكن هى فى شرع الله نهاية كل ظالم بغى وتجبر
ولو علم الله فيهم خيرا لما كانت تلك نهايتهم
وانظرى الى غابر الزمان على كل من كان جبارا شقيا كيف كانت نهايته
ولكن هى النفس البشريه السويه التى لاترضى بأى ظلم فتستنكر بطيب قلبها كل ما يخالف الدين والانسانيه
وتبك على نهاية الظلم بظلم
وكانها تريد الحق بحق ولكن ما حدث هو الحق
رب أغفر وأرحم وانت خير الرحمين

اقتباس :

وعليكم السلام ورحمة الله وبركاااااااته
والله ياأستاذه جنة نفس شعور حضرتك بالظبط
بس كل ما اتذكر قوله عز وجل
وما ربك بظلام للعبيد
اكبر واقول احق الله الحق وأزهق الباطل وحطم العصاه وأذل الجبابره وهزم ملك ملوك العرب وافريقيا من أدعى انه ملك ونسى انه عبدا لملك الملوك
بس برده انا ضد التمثيل بالجثمان تماما كما فعلوا
وضد اهانت الادميه مهما كانوا فلقد نطقوا الشهاده بألسنتهم فعقابهم عند الله وليس لبشرا على بشرا موت الل بحد الله او قصاصا ولكن ما حدث مع هذا المعمر ليس سوى جريمة قتل دنيويه يعاقب عليه القانون الوضعى ولكن هى فى شرع الله نهاية كل ظالم بغى وتجبر
ولو علم الله فيهم خيرا لما كانت تلك نهايتهم
وانظرى الى غابر الزمان على كل من كان جبارا شقيا كيف كانت نهايته
ولكن هى النفس البشريه السويه التى لاترضى بأى ظلم فتستنكر بطيب قلبها كل ما يخالف الدين والانسانيه
وتبك على نهاية الظلم بظلم
وكانها تريد الحق بحق ولكن ما حدث هو الحق
رب أغفر وأرحم وانت خير الرحمين

مش عارفه والله يا ابو مالك
انا عموما بتعب جدا من مناظر السحل والدم
سبحان الله على قلوب الناس دى انا دايما اسال نفسى الناس دى مصنوعه من ايه؟
طب والله انا فى العيد ولما بشوف الاضحية ادامى بحس ان روحى بتتسحب منى
سبحان الله
انا متاكده انه يستاهل الموته دى بالعكس انا بقول لو كان عاش بس اتذل كان افضل عشان الناس تتشفى فيه خصوصا اهالى الضحايا والشهداء
الله يصبرهم بجد
وجالى احساس سامحونى فيه ان اينعم مبارك نهبنا كتير ولكن سمعته الاخلاقيه غير القذافى خالص
الله يرحمه لو يستحق رحمته
بس بجد لما بشوفه لما اتقتل مش عارفه بضايق وخلاص
وبالذات وهو بيمسح وشه من الدم وبيوريهم ايديه وهى ملطخه بالدم يعنى بيستعطفهم
وسبحان الله فضل يقول زنقه زنقه لغايه ما جبوه من زنقه

يلا عقبال نهاية بشار اللى باذن الله هو وعلى عبدالله صالح هتبقى نهايتهم اسوء من القذافى
اللهم امين