لا اشتكيك يا الله ولكنه الحنين

حبيبتى ساره
وحشتينى
وحشتى اخواتك- معقوله مر 5 سنين على فراقك
عارفه يا ساره
لما حد بيسالنى معاكى كام طفل
بقول اربعه
حسباكى وسط اخواتك
كل ما ابص لاولادى ادور عليكى
وحشتينى اوى يا ساره
ياترى شكلك ايه دلوقت
الحنين واخدنى ليكى اوىاوى
وعلى فكرة اخواتك فاكرينك
ياترى يا ساره هتخدى بايدى للجنه
ولا انا مصبرتش على فراقك ولا ايه
وحشتينى اوى يا ساره
يمكن قصرت معاكى
هو اكيد ده نصيبك ونصيبى انا كمان
اللى مصبرنى انى هقابلك ان شاء الله فى الجنه
ف جنة الخلد يا ساره
ف جنة الخلد حبيبتى

والله اول ما قريت العنوان عرفت انك هتقولى كده ويشهد الله
اختنا جنه اصبرى واحتسبى ولا تحزنى
والله اصابتنى قشعريره من حديثك
وغابت بين عيونى دمعه من مر حنينك واشتياقك
اصيرى ولا تحزنى وفى الجنه حتما تتجمعوا
اصبرى ولا تحزنى فقضاء ربك لا رااااد له ان تفهمى
اصبرى ولا تحزنى فاليوم انتى فى الدنيا وهى فالجنه تتنعمى
اصبرى اختنا ولا تحزنى فبصبرك اقسم ربنا بالجنة لكل مبتلى
اصبرى ولا تحزنى ففراق الاحبه ابتلاءمن عند عزيزا اكرمى
اصبرى ولا تحزنى ان كنتى تشكو اليوم حنيا فغدا بأذن الله الموعدِ
اصبرى حبا وايمانا وقوة فما من حيلة لكى سوى الصبرى
اللهم انك جامع الناس ليوما لا ريب فيه فأجمع اختنا بحبيتها فى الجنة

اقتباس :

والله اول ما قريت العنوان عرفت انك هتقولى كده ويشهد الله
اختنا جنه اصبرى واحتسبى ولا تحزنى
والله اصابتنى قشعريره من حديثك
وغابت بين عيونى دمعه من مر حنينك واشتياقك
اصيرى ولا تحزنى وفى الجنه حتما تتجمعوا
اصبرى ولا تحزنى فقضاء ربك لا رااااد له ان تفهمى
اصبرى ولا تحزنى فاليوم انتى فى الدنيا وهى فالجنه تتنعمى
اصبرى اختنا ولا تحزنى فبصبرك اقسم ربنا بالجنة لكل مبتلى
اصبرى ولا تحزنى ففراق الاحبه ابتلاءمن عند عزيزا اكرمى
اصبرى ولا تحزنى ان كنتى تشكو اليوم حنيا فغدا بأذن الله الموعدِ
اصبرى حبا وايمانا وقوة فما من حيلة لكى سوى الصبرى
اللهم انك جامع الناس ليوما لا ريب فيه فأجمع اختنا بحبيتها فى الجنة

ربنا يبارك فيك يا ابومالك
وربنا يبارك فى اهل بيتك والبشمهندس مالك
معلش انا امبارح كانت الحالة تعبانه شويه ومش بلاقى مكان افضفض فيه غير المنتدى هنا
لكن النهاردة الحمد لله وتستمر الحياه
وانا اقسم بالله راضية وصابره واشهد ان ربنا عوضنى بطفله جميله وذكية بعدها
لكن للاسف محدش بيعوض مكان حد 0
انا ام
وغصب عنى بحن
لكن انا مش بشكى ربنا والله
هو لحظه ضعف بمر بيها وخصوصا ان البنت توفت بدون سابق انذار يعنى انا روحت فرح وهى معايا ووانا راجعه كانت بطلع فى الروح

فكل ما افتكر اتعب
لكن نعم ربنا عليا كتير والله لا تعد ولا تحصى
وانا اسفه جدا لو كنت سببت لك اذى فى مشاعرك بس اخويا ولازم تستحمل

وانا هامنك امانه
فين ام روان وفين ام مريم ارجوك تطمنى عليهم
وعاوزة اعرف نور الله اتجوزت ولا لسه
لو تعرف حاجة عنهم امانه تطمنى عليهم
لا اله الا الله

ربنا يجعل الصبر قوتك وزادك اللهم امين اختنا
اما بالنسبه عن ام روان هى بس كانت تعبانه بعض الشى والحمد لله احسن الان اما ام مريم لا اعلم عنها اى شى تماما وبالنسه لعروس المنتدى نور الله اعتقد ان زواجها رابع يوم العيد يأذن الله بلغوا عنى لها السلام وجميل الفرح والسرور لزواجها ان لقيتمهوا فى فرحها
وربنا يجعل اهل المنتدى اخوة متحابين فى الله دائما لا غير

اقتباس :

ربنا يجعل الصبر قوتك وزادك اللهم امين اختنا
اما بالنسبه عن ام روان هى بس كانت تعبانه بعض الشى والحمد لله احسن الان اما ام مريم لا اعلم عنها اى شى تماما وبالنسه لعروس المنتدى نور الله اعتقد ان زواجها رابع يوم العيد يأذن الله بلغوا عنى لها السلام وجميل الفرح والسرور لزواجها ان لقيتمهوا فى فرحها
وربنا يجعل اهل المنتدى اخوة متحابين فى الله دائما لا غير

اللهم امين
مالها ام روان ويا ترى هى هنا ولا مسافره ربنا يطمنا عليها ويسمعنا عنها سمع خير يا رب
وام مريم تلاقيها مشغولة مع الامورة الصغيرة ربنا يرجعها لنا بالسلامه

اما نور الله يا رب تفتكر وتدخل تقولنا على مكان الزفاف نفسى اشوفها وهى عرورة