لماذا يحرم على الرجال مصافحة النساء؟

لماذا يحرم على الرجال مصافحة النساء؟ ( حقيقة علمية )

السلام عليكم

للشيخ عبد المجيد الزنداني



قالوا: ماذا لو صافحت المرأة الرجل؟

قال علم التشريح: هناك خمسة ملايين خلية في الجسم تغطي السطح.. كل خلية من هذه الخلايا تنقل

الأحاسيس؛ فإذا لامس جسم الرجل جسم المرأة سرى بينهما اتصال يثيرالشهوة.

وأضاف علم التشريح: حتى أحاسيس الشم، فالشم قد ركب تركيباً يرتبط بأجهزة الشهوة؛ فإذا أدرك

الرجل أو المرأة شيئاً من الرائحة سرى ذلك في أعصاب الشهوة، وكذلك السماع وأجهزة السمع

مرتبطة بأجهزة الشهوة، فإذا سمع الرجل أو سمعت المرأة مناغمات من نوع معين كأن يحدث نوع من

الكلام المتصل بهذه الأمور أو يكون لين في الكلام من المرأة فإن كله يترجم ويتحرك إلى أجهزة

الشهوة! وهذا كلام رجال التشريح المادي من الطب يبينونه ويدرسونه تحت أجهزتهم وآلاتهم ونحن

نقول سبحان الله الحكيم الذي صان المؤمنين والمؤمنات فأغلق عليهم منافذ الشيطان وطرق فساده.


قال تعالى:

(قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ ) [النور

ارجوكم الموضوع ده انا مش عملاه موضوع وخلاص - انا عملاه عشان يتفعل - ومحدش ياخد بالراى القائل ( حسب النية) - اذا انتى او انت ضامن نيتك فلا تامن نية الاخرين- انا عارفة ان الموقف بيبقى محرج فالبداية- بس مع الوقت الناس بتعرف طبيعتك واللى يزعل يزعل طالما انك بترضى ربنا- كلامى مظبوط ولا فى راى اخر؟

سبحان الله العظيم

موضوع جميل والحمدلله انا مفعلاه بنسبة 99%

بس اوقات بيبقي في ناس بتحرجك بس خلاص

كل ده راح مع النقاب ماحدش يستجرى يمد ايده هقطعهاله

ما شاء الله عليكى امه - انتى منقبه- حاجة جميلة -بحب اشوف الانسات منقبات بحس انه تحدى بجد تحدى لنفسها ولاهلها- لان بتقابلها معوقات كتيرة والاهل بيبقوا رابطين الجواز بالنقاب- عقبالى يا رب

يااااااااااااااارب

بس على فكرة من قريب

وبعدين الزواج قسمة ونصيب

وحاجة تانية ماما وبابا الله يرحمهم

واخويا ماعارضش الموضوع ده خالص ولله الحمد

اقتباس :

بس على فكرة من قريب

المهم انك قدرتى ونفذتى

اقتباس :

وبعدين الزواج قسمة ونصيب

اقتباس :

وحاجة تانية ماما وبابا الله يرحمهم

رحمهم الله رحمة واسعة واسكنهم فسيح جناته

اقتباس :

واخويا ماعارضش الموضوع ده خالص ولله الحمد

هو فى راجل يا حرام يقدر يعترض على اى حاجة دلوقت - خلاص عصر المراة بدا

اقتباس :

ارجوكم الموضوع ده انا مش عملاه موضوع وخلاص - انا عملاه عشان يتفعل - ومحدش ياخد بالراى القائل ( حسب النية) - اذا انتى او انت ضامن نيتك فلا تامن نية الاخرين

انا بقه لو ضامن نيه الاخرين....مش ضامن نيتي..هههههههه
بس فعلا بتقابلني المشكلة دي وخصوصا مع بعض الاقارب والواحد بيخاف يزعلهم....بس بدأت دلوقتي سلام من بعيد لبعيد

اقتباس :

هو فى راجل يا حرام يقدر يعترض على اى حاجة دلوقت - خلاص عصر المراة بدا

كويس ان حضرتك اعترفتي...ما تبقيش تقولي الست مظلومة

اقتباس :

عندك حق والله

وشهد شاهد من اهلها

اقتباس :

رحمهم الله رحمة واسعة واسكنهم فسيح جناته

امييييييييييييييييييييييييين

اقتباس :

انا بقه لو ضامن نيه الاخرين....مش ضامن نيتي..هههههههه

عرفتو ليه بقى يا جماعه انا نزلت الموضوع ده

اقتباس :

بس فعلا بتقابلني المشكلة دي وخصوصا مع بعض الاقارب والواحد بيخاف يزعلهم....بس بدأت دلوقتي سلام من بعيد لبعيد

مع احترامى الشديد ف الامور دى اللى يزعل يزعل المهم رضا الله

اقتباس :

عرفتو ليه بقى يا جماعه انا نزلت الموضوع ده

مقالة:

اقتباس :

عرفتو ليه بقى يا جماعه انا نزلت الموضوع ده

على فكرة تعليقك ضحكنى جدا - بس دى محاولة استفزازية - واللى ضحكنى اكتر انك ملاقتش حاجة ترد بيها- انا بهزر والله- المفروض الناس تكون اتعودت على طبعى ده

اقتباس :

انا بهزر والله- المفروض الناس تكون اتعودت على طبعى ده

هو حد قالك اني زعلت ....ماحدش يقدر يزعلني

اقتباس :

على فكرة تعليقك ضحكنى جدا - بس دى محاولة استفزازية - واللى ضحكنى اكتر انك ملاقتش حاجة ترد بيها

ومين اللي قال اني مالقتش حاجة ارد بيها....الواحد بس بيخاف ع زعل الناس

اقتباس :

ماحدش يقدر يزعلني

قلى بس مين مزعلك وانا ازودلك جرعة بريد الجمعه عليه

اقتباس :

....الواحد بس بيخاف ع زعل الناس

اقتباس :

ارجوكم الموضوع ده انا مش عملاه موضوع وخلاص - انا عملاه عشان يتفعل - ومحدش ياخد بالراى القائل ( حسب النية)

جميل وانا ناوى اتفاعل مع الموضوع باذن الله

موضوع السلام فعلا موضوع شائك وخاصا بيحصل معايا لما بروح البلد

انتم عارفين طبعا فى الريف عامتا الناس طيبه وعلى فطرتها وهتلاقى الناس عادى بتسلم ولو حصل وحد مد ايده طبعا ومتسلميش طبعا ممكن يحصل زعل

هى فعلا عايزة من الاول الواحد يبقا بعيد شوية وهو بيسلم ويسلم ويقول السلام بالفم وهو واقف ومحافظ على مسافة وبالتالى هايفهم الطرف التانى انه مش هايسلم

بس فيه فتوى انا مرتاح ليها لشيخنا القرضاوى واللى فيها استند " للعلة " وهى الشهوة او الفتنة اللى ممكن تحصل عند المصافحة

وبذلك ذهب بعيدا انه يمكن ان لايجوز مصافحة المحارم اذا توافرت هذة العلة

وطبعا لم يتوسع فى جواز المصافحة الا اذا كان رجل كبير السن او امراة كبيرة لا يخشى الفتنة منهم .

اقتباس :

وعند العودة للشيخ القرضاوي، فإنه يرى جواز مصافحة الرجل للمرأة بشرطين، هما: أن تكون هناك ضرورة وحال أمنت الفتنة، ضاربا مثلا عمليا لفتواه بما يحدث له عند زيارة قريته، حيث تستقبله قريباته وبنات عمه وخاله والجارات، ويمددن أيديهن فيضطر لمصافحتهن، معتبرا أن الفتنة مأمونة في تلك المصافحة بحكم القرابة وكبر السن، وليس من اللائق رد يد القريبة أو الجارة الممدودة للسلام.

اقتباس :

بحب اشوف الانسات منقبات بحس انه تحدى بجد تحدى لنفسها ولاهلها- لان بتقابلها معوقات كتيرة والاهل بيبقوا رابطين الجواز بالنقاب

ده بقا ليا كلام فيه وبحكم تجربتى مع اختيار الزوجه

اولا : طبعا اعرف ان حكم النقاب هو فضيلة وذلك باجماع الائمة والعلماء بما فيهم علماء السلف وهو رائى الشيخ محمد حسان .

بصراحة ان افضل لبس النقاب بعد الزواج مش عشان هايعطلها عن الزواج والكلام ده لا طبعا انا عارف ان الزواج ده قسمة ونصيب وفيه كتير جدا بيفضل الزواج من منتقبة وانا من الناس اللى كنت هارتبط بيهم منتقبة

بس رغبتى ان اللى تحب تنتقب يكون بعد الزواج ده لرفع الحرج عنها وعن اللى يريد الزواج منها

ومواقف كتير حصلت مع اصدقاء لى طبعا مايقدرش يشوفها الا فى البيت وقاعدة رسمية وطبعا لابد من القبول والايجاب وده انا شايف ان بيكون فيه حساسية للطرفين عند عدم القبول .

فشايف ان اللى بتاخد قرار النقاب قبل الزواج فيه شوية مغالاة يعنى مش زى ما قالت اختنا جنة الخلد تحدى لنفسها ...

لو فرض طبعا مافيش كلام لابد منه ولكن اذا كان فضيلة ليه ما يؤجلش لبعد الزواج ؟

مع كامل احترامى وتقديرى لمن اخذت القرار وهن كثر

وشكرا

اولا حمد لله على سلامتك يا ابو سما

اقتباس :

جميل وانا ناوى اتفاعل مع الموضوع باذن الله

ربنا يقويك لانها صعبة ف الاول بس انا باكد لك ان فى ناس ممكن تزعل بس مع الوقت هيقدروك

اقتباس :

هى فعلا عايزة من الاول الواحد يبقا بعيد شوية وهو بيسلم ويسلم ويقول السلام بالفم وهو واقف ومحافظ على مسافة وبالتالى هايفهم الطرف التانى انه مش هايسلم

بالظبط وانا اول ما بدات الموضوع كنت ببعد خالص واحرك راسى بس - بس فى ناس غتته وتلاقيها جايا عليك ومصرة كنت بضطر عشان محرجهمش امد معصم اليد وليس الكف نفسه ومع الوقت حرموا الحمد لله- وكنت بعمل حاجة تانى بسرعة انى بشيل اى طفل ادامى وخلاص عشان تبان ان ايدى مشغولة
حتى لو عيل معرفهوش - بس الحمد لله الناس بطلتها خالص من اكتر من سنتين

اما بالنسبة للمصافحة مع احترامى للعالم الجليل القرضاوى واللى انا شخصيا احبه ف الله جدا وبحب الاستماع اليه- بس هو فى سؤال واحد هل كان الرسول صلى الله عليه وسلم يصافح النساء ؟ وكيف كان يبايعهن ؟ وطبعا كان من النساء من هن قريباته ومن هم كبار ف السن

اقتباس :

وانا من الناس اللى كنت هارتبط بيهم منتقبة

فينك يا اللى ف بالى تسمعى

اقتباس :

طبعا مايقدرش يشوفها الا فى البيت وقاعدة رسمية

وهو المطلوب وبعدين ده المفروض اللى يحصل سواء بنقاب او لا

اقتباس :

مش زى ما قالت اختنا جنة الخلد تحدى لنفسها ...

عارف يعنى ايه بنت تمنع نفسها من لبس الالوان والاشكال - وتلتزم غالبا بلون واحد ومتخرجش البلكونة عشان تنشر غسيل الا وهى منقبة - ما تروحش افراح- ما تفتحش باب شقتها الا بالنقاب - دى لازم تكون فكرت الف مرة قبل ما تلبسه وتحدت نفسها

اقتباس :

فضيلة ليه ما يؤجلش لبعد الزواج ؟

مش هختلف معاك انها فضيلة ولكن اذا كنت مش ضامنه عمرى بعد فيمتو ثانية من دلوقت يبقى ليه مالبسهوش دلوقت طالما حاسة انى هقدر احافظ على قدسيته

يجد ردودك رائعة وقلتى اللى انا عايزاه ياجنة بارك الله فيكي ونفع بك


وحاجة عايزة اقولها بالنسبة للقرضاوى مش كل كلامه صحيح ويؤخد ويرد منه
وكمان علماء السلف حذروا منه لانه وقع في اخطاء كثيرة

اما عن الرسول صلي عليه وسلم فكان لا يبايع النساء الا بالكلام وحتى ماكانش بيسلم عالستات الكبار في السن باليد وده الرسول مش زى اي بشر فينا وطبعا هيأمن الفتنة على نفسه مابالك بنا نحن حتى لو تجاوزنا الستين

وكمان فتاة العشرين جميلة في نظر بن العشرين وفتاة الاربعين جميلة في نظر ابن الاربعين

وفتاة الستين (حتى لوكانت بقت ستو) هتبقي جميلة في نظر جدو واللى في سنه

صح ولا لا

بالنسبة للنقاب .الحمدلله ده فضل ومنة من ربنا مش تفضل منى ولا حاجة والحمدلله انه وفقنى ليه

عقبالكم كلكم وهتحسوا بجد انكم ملكات بيه وبالملابس السوداء كمان

وفعلا مش حاجة سهلة انى اسيب الالوان والملابس الجديدة وانا لسه صغيرة بس ولله الحمد ربنا اعطانى التوفيق من عنده وخلانى استطيع فليه لأأأأأأأأأأ

وربنا يثبتنى واياكم عالحق

وبالنسبة ان حضرتك بتقول انهم مجمعين على انه فضيله ده مش صحيح

في اختلاف

وادلة العلماء اللى بيقولوا بوجوبه اقوى

والله اعلم

واسفة عالاطالة

يا سلام بحب النقاشات السخنة


اولا بس عشان ميبانش اننا مختلفين لا احنا متفقين بنسبة كبيرة بس احنا بطبيعتنا بنحب ناخد النقطة او الاتنين اللى فيها اختلاف ونكلم فيها ونعظمها لحد ما يبان اننا غير متفقين .

اخنا متفقين ان لا يجوز مصافحة المراة الاجنبية ولكن بنكلم على مصافة الشاب للمراة الكبيرة يعنى ماقدرش اسلم على واحدة عندها فوق ال 60 ؟ عامتا برضه نسال فيها .

اقتباس :

بس هو فى سؤال واحد هل كان الرسول صلى الله عليه وسلم يصافح النساء ؟ وكيف كان يبايعهن ؟ وطبعا كان من النساء من هن قريباته ومن هم كبار ف السن

النقطة دى تبان انها صغبرة بس هيه ممكن يألف فيها كتب وانا شايف ان دى بتاعت العلماء والفقهاء وهى ( هل كل ما لم يفعلوة رسول الله لا يجب علينا فعله ؟ )

طبعا لا والعلماء دللو على ذلك بعدة احاديث ومواقف منها" صيام الوصال " " وكل لحم الضب "

انا برضه بتسال معاكم لان ده امر كبير ويتحدث فيه العلماء ومش شرط امر المصافحة بس يعنى اقصد هل كل ما لم يفعلو الرسول صلى الله عليه وسلم حرام ؟

اقتباس :

وهو المطلوب وبعدين ده المفروض اللى يحصل سواء بنقاب او لا

لا انتى فهمتنى غلط ... هو انايعنى هاخطبها فى الشارع

انا اقصد ان ننكن انى ارها فى اى مكان بدون ما تشعر هيه وهى رايحه الجامعة وهى رايحه الشغل ولما يحصل قبول من نحيتى اروح للبيت عاطول ولو هى رافضت مش مشكلة حقها بس المهم مارحش للبيت انا وبعد كده ماارجعش وللاسف حصلت معايا وفضلت اسبوع فى صراع مع نفسى بسبب الموقف ده .

اقتباس :

وبالنسبة ان حضرتك بتقول انهم مجمعين على انه فضيله ده مش صحيح

في اختلاف

انا مش ضد النقاب خااالص بالعكس بس انا كنت اقصد بالاجماع هو اجماع الائمة الاربعة

وفى اراء وعلماء بيقولوا بوجوبه اه صحيح واجتهادهم يحترم ولا يجب نفيه

وده للاسف اللى مش موجود عند اغلب علماء السلف انهم لاينظرو الى الاجتهادات الاخرى .

بخلاف الشيخ محمد حسان الذى اكن له احترام بالغ .

بالنسبة للموضوع الاصلي
قال صلى الله عليه و سلم : ( لأن يطعن فى رأس أحدكم بمخيط من حديد خيرا" له من أن يمس إمرأه لا تحل له )
صحيح الجامع ( 4921 )
و قال : ( لا أمس أيدى النساء )
صحيح رواه الطبرانى ( 7177 )
وليس هناك من هو أطهر قلبا" من الرسول صلى الله عليه و سلم
فما بالكم بينا بقى انا وانتى وهى وهو

و قالت عائشه رضى الله عنها : ولا والله ما مست يد رسول الله صلى الله عليه و سلم يد إمرأه قط غير انه يبايعهن بالكلام 0
رواه مسلم

وبصراحة اختنا جنة اول مرة يبقى عندها حق...هههههههههه....بصراحة كلامها صحيح جدا...وخصوصا فيما يختص النقاب
ده غير ان العلماء ليسوا بمجمعين ع انه فضيلة بالعكس ناس كتييير شايفاه فريضة وبأدلة كمان ....وفي اللي بيختلف معاهم
لكن هي خطوة جريئة احيي عليها امة الرحمن...لان النقاب صعب ان احد يتحمله الا اذا كان مؤمن به وبثوابه بالرغم من الهجوم الفظيع الذي يلاقيه من بعض الكلاب اللي عايزين يبصبصوا للستات ويستمتعوا بالنظر

اقتباس :

ومواقف كتير حصلت مع اصدقاء لى طبعا مايقدرش يشوفها الا فى البيت وقاعدة رسمية وطبعا لابد من القبول والايجاب وده انا شايف ان بيكون فيه حساسية للطرفين عند عدم القبول

انا معاك ان الواحد لما بيحب يخطب ويشوف واحدة يفضل انه يشوفها من غير ما تعرف حرصا ع شعورها عند ما لا تعجبه....والنقاب حائل لهذه الخطوة وعلى صاحبته تقبل مثل هذه الامور بصدر رحب عندما يأتي الخاطب ليرى المخطوبة ويرفض

اقتباس :

لو فرض طبعا مافيش كلام لابد منه ولكن اذا كان فضيلة ليه ما يؤجلش لبعد الزواج ؟

بصي يا سيدي انا واحد من الناس احب ان زوجتي تلبس النقاب ولكن باقتناع وليس لان زوجها عايز كده....وبالتالي اللي هتلبسه بعد الزواج مجرد بتنفذ كلام زوجها لكن الواحدة لما بتقتنع بتلبسه فورا سواء قبل الزواج او بعده ولو تم تأجيل هذا القرار لبعد الزواج يبقى مش هتلبسه
واحب بردو انصح اي حد بيدور ع واحدة انه ما يختارش بردو بالنقاب فقط...لازم باقي الجوانب ايضا من شخصية واهل وغير ذلك...لان اغلب الشباب بيقع في الغلطة دي وفي الاخر يفشكل الجوازة ويعمم الموضوع ع كل المنتقبات
ويحاول انه يبحث عن طريق شخص اخر زي والدته او اخته...لان في ناس كتير بتدور وهي ماشية في الشارع او مجرد واحده تعجبه بالشكل

اقتباس :

احنا بطبيعتنا بنحب ناخد النقطة او الاتنين اللى فيها اختلاف ونكلم فيها ونعظمها لحد ما يبان اننا غير متفقين

.
مفيش اختلاف ولا حاجة ده حوار عادى جدا يا نقتنع يا لا - وبعدين احنا مش متلككين لبعض ولا حاجة - بس ممكن كلمة صغيرة تحمل معنى كبير0

اقتباس :

مصافة الشاب للمراة الكبيرة يعنى ماقدرش اسلم على واحدة عندها فوق ال 60

طب نغير السؤال ممكن شاب صغير يتزوج من سيدة عندها 60 سنه ؟

اقتباس :

هل كل ما لم يفعلو الرسول صلى الله عليه وسلم حرام ؟

سؤال بجد حلو

اقتباس :

وهو المطلوب وبعدين ده المفروض اللى يحصل سواء بنقاب او لا

فهمتك فى دى غلط اعتذر 0

اقتباس :

وللاسف حصلت معايا وفضلت اسبوع فى صراع مع نفسى بسبب الموقف ده

.
لا انت غلطان ف دى - وانا مش بعترف خالص بالرؤيا خارج نطاق البيت نهائى وانا رايى ان الواحد يتفضل ويتعرف جوا البيت وبعد كده يا قبول يا رفض - عادى جدا - لان
ده جواز ومينفعش اتجوز واحده احراج 0 وموضوع الرؤيا خارج البيت دى تقليعة جديدة من الشباب ومعذرة هى بترخص البنت وعموما دى وجهة نظرى

اقتباس :

وبالنسبة ان حضرتك بتقول انهم مجمعين على انه فضيله ده مش صحيح

في اختلاف

فعلا يا امه الاختلاف موجود وانا راى الخاص فى الموضوع ده استفتى قلبك ولو افتوك

اقتباس :

قال صلى الله عليه و سلم : ( لأن يطعن فى رأس أحدكم بمخيط من حديد خيرا" له من أن يمس إمرأه لا تحل له )

نو كومنت

اقتباس :

وبصراحة اختنا جنة اول مرة يبقى عندها حق...هههههههههه....بصراحة كلامها صحيح جدا...وخصوصا فيما يختص النقاب

اقتباس :

لكن هي خطوة جريئة احيي عليها امة الرحمن...لان النقاب صعب ان احد يتحمله الا اذا كان مؤمن به وبثوابه

وانا احيى عليها امة جدا وبقولها اكبر منك يا امة وبقالهم سنين طويلة ومش قادرين ياخدوا الخطوة دى

اقتباس :

انا معاك ان الواحد لما بيحب يخطب ويشوف واحدة يفضل انه يشوفها من غير ما تعرف حرصا ع شعورها عند ما لا تعجبه

والله الاتنين كسبانين

اقتباس :

ولو تم تأجيل هذا القرار لبعد الزواج يبقى مش هتلبسه

صح جدا لان فى امور لو متحسمتش مع تفسى ف البدايه هفضل مترددة فيها للابد

اقتباس :

وموضوع الرؤيا خارج البيت دى تقليعة جديدة من الشباب ومعذرة هى بترخص البنت وعموما دى وجهة نظرى

يا فندم ترخص ازاى بس وهى اصلا مش عارفه انا مثلا زوجتى عرفت عن طريق زوج صاحبتها انها تروح تحفظ قران فى الصيف فى جمعية تحفيظ قران

روحت قدام الجمعية وشوفتها وهى ولا خدت بالها خااالص ورحت وانا موضوع القبول ده خلاصان منه

اقتباس :

وانا رايى ان الواحد يتفضل ويتعرف جوا البيت وبعد كده يا قبول يا رفض - عادى جدا

دى بتفرق طبعا من شخصية للتانية ممكن واحدة تكون واخدة الوضوع بشكل عادى ودماغ كبيرة مستوعبة الموضوع وميبقاش فيه حاجه لكن اظن ان الغالبية بتسيب عندهم اثر وعلى فكرة عند الراجل كمان .

اقتباس :

دى بتفرق طبعا من شخصية للتانية ممكن واحدة تكون واخدة الوضوع بشكل عادى ودماغ كبيرة مستوعبة الموضوع وميبقاش فيه حاجه لكن اظن ان الغالبية بتسيب عندهم اثر وعلى فكرة عند الراجل كمان

انا بوافق غاوي في الحتة دي....فاكرين لما زرقاء نزلت موضوع عن واحدة عندها في الشغل جالها عريس يشوفها وماعجبتوش وكانت تعبانة نفسيا من كده وكانت زرقاء عايزة تضربنا بالرغم من اننا مالناش ذنب...ده غير اني لو روحت اشوف واحدة ممكن اتجوزها علشان ما اجرحش مشاعرها بالرغم من انها ما تكونش عاجباني

سلام عليكم يابشر
عاملين ايه حبيت بس اشاركم باني معاكم ومتابعه
وعجبني تقريبا ردودكم الا بصراحه ماتزعلش يابشمهندس بس في رد استفزني اوي لانه استحاله يحصل
لان ماينفعش حد يعمله خالص

اقتباس :

ده غير اني لو روحت اشوف واحدة ممكن اتجوزها علشان ما اجرحش مشاعرها بالرغم من انها ما تكونش عاجباني

ده جواز واساسه القبول النفسي مش اقصد الشكل خالص لان الناس فاهمه القبول غلط فكل بنت لها مايعجب زوجها وكذلك الزوج فعلي راي واحده اعرفها "لكل امرأه عاشقها " القبول ده حاجه قلبيه قبل كل شئ


اما ان حد يتجوز واحده صعبانيه ديت عمري ماشوفتها بصراحه ممكن يجوز مصلحه ماشي لكن صعبانيه مااعتقدش
ولا انتوا رايكم ايه ياجماعه

اما علي النقاب الاختلاف رحمه لينا ياجماعه ليه نضيق علي نفسنا كل واحد زي ماقالت جنه استفتي قلبك وتختار ما تطمأن اليه مع ان مش اي قلب يستفتي

اما عن موضوع المصافحه الحمد الله محلول معاي كتير بس في رجاله وكبار في السن بيغلسوا وسواعي ناس منهم مش بنعرف نفهم

اقتباس :

ده غير اني لو روحت اشوف واحدة ممكن اتجوزها علشان ما اجرحش مشاعرها بالرغم من انها ما تكونش عاجباني

ده التفكير لو الواحد راح يشوف واحدة وخايف لما ماتعجبوش يفضل يسأل نفسه طب هاعمل ايه؟...وكان مبالغة مني وتفكير داخلي هيخليني لو رفضت البنت هافضل اتعذب داخليا لاني كسرت بقلبها وانها اتعشمت انه ممكن يكون في نصيب...لكن في ارض الواقع طبعا صعب انه يحصل كده

اقتباس :

لو رفضت البنت هافضل اتعذب داخليا لاني كسرت بقلبها وانها اتعشمت انه ممكن يكون في نصيب

ههههههههههههههههههههه ده على اعتبار ان انت اللى هترفضها وهى يا عينى يتكسر قلبها وتتعشم ههه هههه ههههههه

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه